વિવાદીત પોસ્ટ બદલ આખરે દિલ્હી અલ્પસંખ્યક આયોગના પ્રમુખ ઝફરુલ ઈસ્લામે માંગી માફી

નવી દિલ્હી: કોરોના વાયરસના સંકટ દરમિયાન દિલ્હી અલ્પસંખ્યક આયોગના અધ્યક્ષ ઝફરુલ ઈસ્લામ ખાને વિવાદિત સોશિયલ મીડિયા પોસ્ટ કરવા બદલ ટ્વીટ કરીને માફી માંગી છે. આપત્તિજનક પોસ્ટ બાદ ભાજપે ઝફરુલ ઈસ્લામને હટાવવાની માંગ કરી હતી. 

ઝફરુલ ઈસ્લામે પોતાની ટ્વીટમાં માફી માંગતા લખ્યું કે મને લાગે છે કે મારી ટ્વીટ આપણા શહેરમાં મેડિકલ ઈમરજન્સીનો સામનો કરવા અને અદ્રશ્ય દુશ્મન સામે લડવાને ધ્યાનમાં રાખીને બીમાર અને અસંવેદનશીલ હતી. જેમની પણ લાગણીઓને ઠેસ પહોંચી હતી તે તમામની હું માફી માંગુ છું.