બાથરૂમમાં ઘૂસીને પતિએ પત્નીની કરી હત્યા, બચાવવા આવેલી વહૂને દોડાવી અને પછી...

Wife Murdered In Agra: ઉત્તર પ્રદેશના આગ્રાના સદર વિસ્તારમાં એક ભયાનક ઘટના સામે આવી છે. CRPF પાસેથી VRS લેનાર પૂર્વ સૈનિકે પોતાની જ પત્નીને ગોળી મારીને હત્યા કરી દીધી છે. બાથરૂમની અંદર પત્નીને 7 ગોળીઓ મારવામાં આવી હતી. ગોળીનો અવાજ સાંભળીને તે પુત્રવધૂને પણ મારવા દોડી ગયો હતો. તેણે પોતાને રૂમમાં બંધ કરીને બચાવી લીધો. ઘટનાને અંજામ આપ્યા બાદ પરિચિતોના સ્થળે પહોંચી ગયા હતા. આ બનાવ અંગે પરિચિતોએ પોલીસને જાણ કરી તેને પોલીસને હવાલે કર્યો હતો.

એવું કહેવામાં આવ્યું છે કે મહેન્દ્ર સિંહ રાઠોડે CRPF પાસેથી VRS લીધું હતું. ત્યાર બાદ તે બેંકમાં ગાર્ડ તરીકે નોકરી કરતો હતો. બે પુત્રો છે. એક પરિણીત છે, જ્યારે બીજો નાનો છે. મોટા પુત્રનો અકસ્માત થયો હતો. તેથી નાનો દીકરો તેને લઇને હોસ્પિટલ લઈ ગયો હતો. પુત્રવધૂ પહેલા માળે રૂમમાં કામ કરતી હતી. કહેવાય છે કે મહેન્દ્ર સિંહે બાથરૂમની અંદર બંદૂક વડે પત્ની નીતુ પર ગોળીબાર કર્યો હતો. તેને એક પછી એક 7 ગોળી મારી હતી. ગોળીબારનો અવાજ સાંભળીને આસપાસના લોકો દોડી આવ્યા હતા. પરંતુ દરવાજો અંદરથી બંધ હતો.

ગુનેગારે કહ્યું કે તેણે તેની પત્નીને ગોળી મારીને મારી હત્યા કરી હતી. જેના કારણે લોકોમાં ભયનો માહોલ ફેલાયો હતો. બાદમાં દરવાજો ખોલી મોટર સાયકલ લઈને ભાગી ગયો હતો. પછી તેના કેટલાક પરિચિતો પાસે પહોંચ્યો અને હત્યાની જાણ કરી હતી. પરિચિતોએ પોલીસને બોલાવીને તેમની ધરપકડ કરાવી હતી. હાલ આ ઘટનાનું કારણ જાણી શકાયું નથી.

પોલીસે હત્યારા સાથે પૂછપરછ કરી. તેને કોઇ પસ્તાવો નથી. તેણે પોલીસને કહ્યું કે તે નિવૃતિ બાદ ઘરે પરત ફર્યો. તેણે લાગ્યું કે ઘરે ખૂબ સન્માન મળશે. પત્ની તેના ઇશાર પર નાચશે. જે કહેશે તે કરશે. પરંતુ બધુ ઉંધું થયું. પત્ની વાત વાતમાં મેણાં મારતી હતી. 

તેની બેજ્જતી કરતી હતી. તેની વાત પર વળતો જવાબ આપતી હતી. તે તેના આ વ્યવહારથી પરેશાન થઇ ગયો હતો. તેને કહ્યું હતું કે પોતાની આદત સુધારી દે. જ્યારે તે ઘરે આવ્યો ત્યારે તેને ઉંધો જવાબ આપ્યો. ગુસ્સામાં પત્નીને મારી નાખી.