દેશને મળી પ્રથમ સ્વદેશી કોરોના વેક્સિન, ભારત બાયોટેકની કોવેક્સીનને મળી મંજૂરી

નવી દિલ્હીઃ નવા વર્ષ 2021ના બીજા દિવસે સતત સારા સમાચાર મળ્યા છે. એક્સપર્ટ પેનલે દેશની પ્રથમ સ્વદેશી કોરોના વાયરસ વેક્સિન (Corona Virus Vaccine) કોવેક્સિન (Covaxin)ને મંજૂરી આપી દીધી છે. મહત્વનું છે કે એક્સપર્ટ પેનલે ગઈકાલે પોતાની બેઠકમાં કોવિશીલ્ડને પણ ઇમરજન્સી ઉપયોગ માટે મંજૂરી આપી હતી.  

સેન્ટ્રલ ડ્રગ ધોરણો નિયંત્રણ સંસ્થા (સીડીએસસીઓઃની કોરોના પર વિષય નિષ્ણાંત સમિતિએ ભારત બાયોટેકની સ્વદેશી કોવિડ વેક્સિન કોવેક્સિનને ઈમરજન્સી ઉપયોગ માટે મંજૂરી આપવાની ભલામણ કરી છે. સમાચાર એજન્સી પીટીઆઈએ સૂત્રોના હવાલાથી આ સમાચાર આપ્યા છે.