હાથરસ: DMનો વિવાદિત VIDEO, પીડિતાના પરિજનોને કહ્યું- બદલી નાખો નિવેદન

નવી દિલ્હી: ઉત્તર પ્રદેશ (Uttar Pradesh) ના હાથરસ (Hathras) માં 19 વર્ષની યુવતી સાથે થયેલી વિભત્સ ઘટનાએ આખા દેશને હચમચાવી દીધો છે. આ ઘટના બાદથી દેશભરમાં રોષનો માહોલ છે અને તેના પર રાજકીય રોટલા શેકાવવાના શરૂ થઈ ગયા છે. રાહુલ ગાંધી અને પ્રિયંકા ગાંધીને હાથરસ જતા રોકવામાં આવ્યા. રાહુલને ગ્રેટર નોઈડામાં કસ્ટડીમાં લેવાયા બાદ સાંજે છોડી દેવાયા હતાં. 

આ બધા વચ્ચે હાથરસના ડીએમનો એક વીડિયો સોશિયલ મીડિયા પર ખુબ ઝડપથી વાયરલ થઈ રહ્યો છે. વીડિયોમાં ડીએમ પીડિત પરિવાર સાથે વાતચીત કરી રહ્યા છે. ડીએમ પીડિતાના પરિવારવાળાને કહે છે કે અડધા મીડિયાવાળા જતા રહ્યા છે. અડધા કાલે સવાર સુધીમાં જતા રહેશે. અમે તમારી સાથે રહીશું. હવે તમારી ઈચ્છા છે કે તમારે નિવેદન બદલવું છે કે નથી બદલવું. તમે તમારી વિશ્વસનિયતા ઓછી ન કરો. જો કે આ જે વીડિયો વાયરલ થઈ રહ્યો છે તેની ZEE NEWS પુષ્ટિ કરતું નથી. 

ડીએમનો વાયરલ વીડિયો...

નોંધનીય છે કે 14 સપ્ટેમ્બરના રોજ હાથરસના ચંદપા પોલીસ સ્ટેશન હદના એક ગામમાં 19 વર્ષની યુવતી સાથે ક્રૂરતાની તમામ હદો પાર કરી દેવાઈ. પહેલા તેને અલીગઢ મુસ્લિમ યુનિવર્સિટીના જવાહરલાલ નહેરુ મેડિકલ કોલેજમાં દાખલ કરાઈ અને ત્યારબાદ સોમવારે દિલ્હીની સફદરજંગ હોસ્પિટલમાં ખસેડવામાં આવી. અહીં પીડિતાએ મંગળવારે દમ તોડ્યો હતો.