Corona Update: છેલ્લા 24 કલાકમાં દેશમાં વળી પાછા ઢગલો નવા કેસ, મૃત્યુના આંકડા પણ ડરામણા

નવી દિલ્હી: સમગ્ર દેશમાં કોરોના વાયરસ (Corona Virus) ના કેસ કૂદકે ને ભૂસકે વધી રહ્યાં છે. છેલ્લા કેટલાક દિવસોથી રોજેરોજ 20 હજારથી વધુ કેસ નોંધાઈ રહ્યાં છે. આજે સવારે કેન્દ્રીય સ્વાસ્થ્ય મંત્રાલયે બહાર પાડેલા આંકડા મુજબ છેલ્લા 24 કલાકમાં દેશમાં કોરોના વાયરસના નવા 22,752 દર્દીઓ નોંધાયા છે. જ્યારે એક જ દિવસમાં 482 દર્દીઓએ કોવિડ 19 (Covid-19) થી જીવ ગુમાવ્યાં છે. આ સાથે જ દેશમાં કોરોના વાયરસના કુલ કેસની સંખ્યા 7,42,417 પર પહોંચી છે. જેમાંથી 2,64,944 એક્ટિવ કેસ છે. જ્યારે 4,56,831 દર્દીઓ સાજા થયા છે. કોરોના વાયરસના કારણે અત્યાર સુધીમાં 20,642 દર્દીઓના મૃત્યુ થયા છે.