Weather Forecast: 4 દિવસમાં 4 દિવસ વધશે તાપમાન! ક્યાંક હિટવેવ તો ક્યાંક વરસાદ, કંફ્યૂઝ કરશે હવામાન

Weather Forecast: રંગોના પર્વ હોળી પહેલાં દિલ્હી-એનસીઆરમાં ગરમીએ એન્ટ્રી મારી દીધી છે. પરંતુ હેમછતાં કેટલાક ભાગમાં વરસાદ-કરા અને હિમવર્ષા સાક્ષી બન્યા છે. ભારતીય હવામાન વિભાગનું માની તો આ અઠવાડિયે કેટલાક વિસ્તારોમાં વરસાદના અણસાર છે. આવો જાણીએ ક્યાં કેવું રહેશે હવામાન... 

ભારતીય હવામાન વિભાગની દૈનિક હવામાન ચર્ચામાં ગુરૂવારે (21 માર્ચ 2024) ના રોજ જણાવવામાં આવ્યું હતું કે દેશના પૂર્વી ભાગોમાં આગામી ચારમં તાપમાન છ થી 10 ડિગ્રી સેલ્સિયસ વધી શકે છે. 

મહારાષ્ટ્ર અને મધ્ય ભારતમાં તાપમાનમાં બેથી ચાર ડિગ્રીનો વધારો થઈ શકે છે. ઉત્તર-પશ્ચિમમાં તે બે ડિગ્રી સેલ્સિયસ ઘટી શકે છે, ત્યારબાદ તેમાં બેથી ચાર ડિગ્રીનો વધારો થવાની શક્યતા છે. દક્ષિણ ભાગમાં તાપમાન સામાન્યની નજીક નોંધાયું હતું અને ભેજ ત્યાં ચારથી પાંચ દિવસ સુધી યથાવત રહી શકે છે.

IMDની આગાહી અનુસાર, 21 થી 26 માર્ચ, 2024 દરમિયાન ઉત્તરપૂર્વ ભારત અને પેટા હિમાલય (હિમાચલ, આસામ, મેઘાલય, પશ્ચિમ બંગાળ અને સિક્કિમ વગેરે) ભાગોમાં વાવાઝોડા સાથે વરસાદ વધી શકે છે.

આ દરમિયાન 22 માર્ચે પશ્ચિમી હિમાલયન પ્રદેશ (જમ્મુ કાશ્મીર, લદ્દાખ, હિમાચલ પ્રદેશ, ઉત્તરાખંડ અને તેની બાજુના પંજાબ વિસ્તારમાં) હળવાથી મધ્યમ વરસાદ અથવા હિમવર્ષાની સંભાવના છે, જ્યારે આ સમયગાળા દરમિયાન કરા પણ પડી શકે છે.

હવામાન વિભાગે વધુમાં જણાવ્યું હતું કે આ સપ્તાહના અંતમાં સૌરાષ્ટ્ર, કચ્છ અને પશ્ચિમ રાજસ્થાનના કેટલાક ભાગોમાં હીટ વેવ (લૂ)ની શક્યતા છે, જ્યારે રાયલસીમા, કેરળ, સૌરાષ્ટ્ર અને કચ્છમાં ગરમ ​​અને ભેજવાળું હવામાન હોઈ શકે છે.

ઉત્તર પ્રદેશમાં 23 અને 24 માર્ચ 2024 ના રોજ હવામાન શુષ્ક (પૂર્વ અને પશ્ચિમ ભાગોમાં) રહી શકે છે. આ સમયગાળા દરમિયાન બપોરના સમયે તીવ્ર તડકો અને ગરમી હોઈ શકે છે, જ્યારે રાત્રે થોડી ઠંડીનો અનુભવ થઈ શકે છે. તે જ સમયે, 25 માર્ચ, 2024 એટલે કે હોળીનો દિવસ થોડો સૂકો રહી શકે છે.

દેશની રાજધાની દિલ્હી અને તેની આસપાસના વિસ્તારોમાં રંગોના તહેવાર એટલે કે હોળી પહેલાં ગરમી વધી શકે છે. શુક્રવાર (22 માર્ચ 2024) ના રોજ હવામાન સ્વચ્છ રહેશે, જ્યારે 23 થી 25 માર્ચ વચ્ચે દિલ્હી-એનસીઆરમાં ઠંડા પવનો ફૂંકાશે.