Corona Updates: કોરોનાના નવા કેસમાં વળી પાછો તોતિંગ વધારો, કુલ આંકડો 39 લાખ પાર

નવી દિલ્હી: સતત બીજા દિવસે એક જ દિવસમાં કોરોનાના 80 હજારથી વધુ કેસ નોંધાયા છે જે ચિંતાજનક બાબત છે. કેન્દ્રીય સ્વાસ્થ્ય મંત્રાલયે જાહેર કરેલા આંકડા મુજબ છેલ્લા 24 કલાકમાં કોરોના વાયરસના નવા 83,341 નવા દર્દીઓ નોંધાયા છે. આ સાથે જ દેશમાં કોરોનાના કુલ કેસનો આંકડો 39 લાખ પાર પહોંચી ગયો છે. કુલ 39,36,748 કેસમાંથી 8,31,124 દર્દીઓ હજુ પણ સારવાર હેઠળ છે. જ્યારે 30,37,152 લોકો સાજા થઈ ગયા છે. એક જ દિવસમાં 1,096 લોકોના મૃત્યુ થયા છે. કુલ મૃત્યુનો આંકડો 68,472 થઈ ગયો છે. 

સ્વાસ્થ્ય સચિવ રાજેશ ભૂષણે ગુરુવારે કહ્યું કે આ અઠવાડિયામાં અમે સાડા ચાર કરોડથી વધુ ટેસ્ટ કરી લીધા છે. દુનિયામાં એક જ દેશ છે જેને આપણા કરતાં વધુ ટેસ્ટ કર્યા છે. મંત્રાલયે કહ્યું કે વધુ સંખ્યામાં તપાસ કરવાના પરિણામ સ્વરૂપ સંક્રમણની પુષ્ટિ થ્વાનો દર ખૂબ ઓછો થયો છે. 

તેમણે કહ્યું કે દેશમાં 3જી જાન્યુઆરીના રોજ ફક્ત 10 તપાસ કરવાથી માંડીને હવે રોજની તપાસ 11 લાખથી વધુ થઇ ગઈ છે. જે દેશમાં દરરોજ કોવિડ 19ની તપાસ વધારવાને પ્રદર્શિત કરે છે. મોટાપાયે તપાસ કરવાથી માંડીને સંક્રમણનો સમય રહેતા ખબર પડવી અને તેનાથી સંક્રમિત દર્દીઓને કોરોન્ટાઇન અક્રવા અને તેમને હોસ્પિટલમાં દાખલ કરવામાં મદદ મળી.