Apple Store: ભારતનો પહેલો એપલ સ્ટોર, 10 પોઈન્ટમાં જાણો તેની ખાસિયત

India's First Apple Store: એવું કહેવામાં આવી રહ્યું છે કે Apple સ્ટોર અન્ય તમામ સ્માર્ટફોન સ્ટોર્સથી તદ્દન અલગ છે. તેને ભારતીય સંસ્કૃતિને ધ્યાનમાં રાખીને ખાસ ડિઝાઇન કરવામાં આવી છે, જેમાં વિવિધ રાજ્યોની આર્ટવર્ક જોઈ શકાય છે. તો ચાલો જાણીએ ભારતના  (India's First Apple Store) પ્રથમ એપલ સ્ટોર વિશે .

1. આ કંપનીના 25 વર્ષ પૂરા થયાની ઉજવણી માટે ભારતમાં Appleનો પહેલો સ્ટોર ખોલવામાં આવ્યો છે. 25મી વર્ષગાંઠના અવસર પર બાંદ્રા કુર્લા કોમ્પ્લેક્સમાં રિલાયન્સ જિયો વર્લ્ડ ડ્રાઇવ મોલમાં ખોલવામાં આવ્યું છે. આ પછી તેનો બીજો સ્ટોર 20 એપ્રિલે દિલ્હીના સાકેતમાં ખુલવા જઈ રહ્યો છે.

2. ભારતમાં Appleનું નવું આઉટલેટ તેનું 'ભારતીયકરણ' (Indianize) કરવાના કંપનીના પ્રયાસો દર્શાવે છે. મુંબઈમાં ખોલવામાં આવેલ આઉટલેટ મુંબઈની પ્રખ્યાત ટેક્સીઓથી પ્રેરિત કાળા અને પીળા રંગોથી સજ્જ છે.

3. સ્ટોરની છત 1,000 ટાઇલ્સ ધરાવે છે અને દરેક ટાઇલ લાકડાના 408 ટુકડાઓમાંથી બનાવવામાં આવ્યા છે, 31 મોડ્યુલ બનાવે છે. તે એટલું આકર્ષક છે કે તે દરેકનું ધ્યાન પોતાની તરફ ખેંચી રહ્યું છે. સ્ટેનલેસ સ્ટીલની બનેલી સીડી 14 મીટરની નજીક છે અને પ્રથમ માળ સાથે જોડાયેલી છે.

4. Apple BKC એ સ્ટોરની કામગીરી માટે સોલાર એરેનો (solar array) ઉપયોગ કર્યો છે અને બિલકુલ અશ્મિભૂત ઇંધણનો ઉપયોગ કરવામાં આવશે નહીં. આ રીતે સ્ટોર 100 ટકા રિન્યુએબલ એનર્જી પર કાર્યરત કાર્બન ન્યુટ્રલ છે.

5. અહીં બે પથ્થરની દીવાલો પણ છે, જેનો પથ્થર ખાસ રાજસ્થાનથી લાવવામાં આવ્યા છે. સમગ્ર સ્ટોર 20,000 ચોરસ ફૂટમાં ફેલાયેલો છે, જેના માટે કંપની વાર્ષિક 15 ટકાના વધારા સાથે 42 લાખ રૂપિયા પ્રતિ માસ ચૂકવશે.

આ પણ વાંચો:
અમદાવાદમાં CBI- NDRFની ટીમને મોટી સફળતા, આરોપીએ નદીમાં ફેંકેલા મોબાઇલ શોધી કાઢ્યા
ચર્ચિત લાંચ કેસમાં એડિશનલ કમિશનર સંતોષ કરનાનીને મોટો ઝટકો, SCએ રદ્દ કર્યા જામીન
મેક્સવેલ-ડુ પ્લેસિસની તોફાની ઈનિંગ એળે ગઈ, CSK એ રોમાંચક મેચમાં RCB ને હરાવ્યું

6. Apple BKC માં 100 સભ્યોની ટીમ છે, જે 18 ભારતીય ભાષાઓ બોલે છે, જેઓ વિવિધ ભાષાઓ બોલતા લોકો સુધી પહોંચવાનું સરળ બનાવે છે.

7. ભારતીય ગ્રાહકો Apple BKC સ્ટોર પર કંપનીની AI સેવા 'Apple 'Genius' સાથે વાતચીત કરી શકશે. આ સુવિધા વિદેશમાં Apple સ્ટોરમાં આપવામાં આવતી સુવિધા જેવી જ છે. એપલના જીનિયસ પરથી ગ્રાહકો કંપનીની કોઈપણ પ્રોડક્ટ વિશે માહિતી મેળવી શકે છે.

8. Apple BKCમાં ગ્રાહકો નવા iPhones અને કંપનીના અન્ય ઉત્પાદનો ખરીદી શકે છે. ઉપરાંત, ખરીદદારો તેમના જૂના iPhones, Mac, iPad ને નવા માટે બદલી શકે છે. તે ટ્રેડ ઇન પ્રોગ્રામ હેઠળ ઉપલબ્ધ છે.

9. Appleના જણાવ્યા અનુસાર, આ સ્ટોર ભારતમાં રોજગારી પણ આપી રહ્યો છે. Apple ભારતમાં 2500 લોકોને સીધી રોજગારી આપે છે અને તેની એપ્લિકેશન ઇકોસિસ્ટમ દ્વારા 1 મિલિયન નોકરીઓ બનાવવામાં મદદ કરે છે.

10. સ્ટોર પ્રોફેશનલ્સ, સર્જકો અથવા Apple કર્મચારીઓ દ્વારા હોસ્ટ કરવામાં આવેલ "Today at Apple” પણ હોસ્ટ કરશે. આ સત્રની વિશેષતા કલાકારો, ફોટોગ્રાફરો અને અન્ય સર્જનાત્મક વ્યાવસાયિકો દ્વારા વર્કશોપનો સમાવેશ હશે.