કારગિલ વિજય દિવસ : રાષ્ટ્રપતિ રામનાથ કોવિંદે શ્રીનગરમાં શહીદોને આપી શ્રદ્ધાંજલિ

નવી દિલ્હી: કારગિલ યુદ્ધ જીત્યા તે વાતને આજે 20 વર્ષ પૂરા થયાં. કારગિલ વિજય દિવસની ઉજવણી દેશ કરી રહ્યો છે. 20 વર્ષ પહેલા કારગિલના પહાડોની ટોચ પર પાકિસ્તાનને પછાડીને આપણા જાંબાઝ જવાનોએ કારગિલની પહાડીઓ પર તિરંગો ફરકાવ્યો હતો. 1999માં દુશ્મન દેશને ધૂળ ચટાડીને પોતાના પ્રાણ ન્યોછાવર કરનારા વીર શહીદોને આજે આખો દેશ યાદ  કરી રહ્યો છે. કારગિલ યુદ્ધમાં શહીદ થયેલા જવાનોને રાષ્ટ્રપતિ રામનાથ કોવિંદે શ્રીનગરમાં આયોજિત એક સમારોહમાં શ્રદ્ધાંજલિ આપી. 

કારગિલ દિવસ પર બિપિન રાવતે પાકિસ્તાનને ચેતવણી આપતા કહ્યું કે હવે આવું ન કરતા, ભૂલ સામાન્ય રીતે દોહરાવાતી નથી. જો આ ભૂલ કરી તો હવે જડબાતોડ જવાબ મળશે. 

રાષ્ટ્રપતિ રામનાથ કોવિંદે કારગિલ વિજય દિવસના અવસરે શહીદોને યાદ કરતા કહ્યું કે કારગિલ વિજય દિવસ આપણા કૃતજ્ઞ રાષ્ટ્ર માટે 1999માં  કારગિલની પહાડીઓની ટોચ પર પોતાના સશસ્ત્ર દળોની વીરતાને યાદ કરવાનો દિવસ છે. 

વડાપ્રધાન નરેન્દ્ર મોદીએ કારગિલ વિજય દિવસના અવસરે શહીદોના સાહસ અને બલિદાનને યાદ કરીને એક વીડિયો પણ શેર કર્યો છે. 

રક્ષા મંત્રી રાજનાથ સિંહે નેશનલ વોર મેમોરિયલમાં કારગિલ વિજય દિવસના અવસરે શહીદોને શ્રદ્ધાંજલિ આપી. 

સેના પ્રમુખ જનરલ બિપિન રાવતે કારગિલ વિજય દિવસની 20મી વર્ષગાંઠ પર દ્રાસમાં કારગિલ યુદ્ધ સ્મારક પર જવાનોને શ્રદ્ધાંજલિ આપી.