Maharashtra Assembly Election Results 2019 : BJP-શિવસેના યુતિને ધાર્યા કરતા ઓછી બેઠકો, એનસીપી મજબુત બની

મુંબઈ: મહારાષ્ટ્ર વિધાનસભા ચૂંટણી (Maharashtra Assembly Elections 2019)ના રોચક પરિણામો જોવા મળી રહ્યાં છે. મહારાષ્ટ્રમાં ભાજપ-શિવસેનાના ગઠબંધનને 161 બેઠકો મળી છે  જ્યારે શરદ પવારની રાષ્ટ્રવાદી કોંગ્રેસ પાર્ટી (એનસીપી) પહેલા કરતા સારું પ્રદર્શન કરતી જોવા મળી છે. વર્ષ 2014ની વિધાનસભા ચૂંટણીમાં ભાજપને 122 બેઠકો મળી હતી જ્યારે શિવસેનાને 61 બેઠકો મળી હતી. કોંગ્રેસને 42 અને એનસીપીને 41 બેઠકો મળી હતી. આ વખતે એવું લાગતું હતું કે ભાજપ પોતાના દમ પર બહુમતનો આંકડો પાર કરશે. પરંતુ જેમ જેમ મતગણતરી આગળ વધી તેમ ભાજપ માટે એકલા હાથે સત્તા પર બિરાજમાન થવું મુશ્કેલ લાગી રહ્યું છે. શિવસેનાનો સાથ લેવો જ પડશે. આ વખતે શિવસેનાના ઠાકરે પરિવારમાંથી પહેલીવાર ચૂંટણીના મેદાનમાં ઉતરેલા આદિત્ય ઠાકરે વરલીથી જંગી બહુમતીથી આગળ છે. મહારાષ્ટ્રમાં અનેક મંત્રીઓ પાછળ ચાલી રહ્યાં છે. જેમાં પંકજા મુંડે પણ સામેલ છે.  અત્રે જણાવવાનું કે આજે સવારે 8 વાગ્યાથી મતગણતરી શરૂ થઈ ગઈ હતી.  મહારાષ્ટ્રમાં તમામ 288 બેઠકો પર લગભગ 58.61 ટકા મતદાન થયું છે. 

મહારાષ્ટ્ર વિધાનસભા ચૂંટણી પરિણામ
	લીડ	જીત
ભાજપ	00	105
શિવસેના	00	56
કોંગ્રેસ	00	44
એનસીપી	00	54
અન્ય	00	29
કુલ (288)	00	288

પળે પળની અપડેટ

- પંકજા મુંડે, રામ શીંદે સહિત ફડણવીસ સરકારના 5 મંત્રીઓએ હારનો સામનો કરવો પડ્યો છે. 
- ચૂંટણી પંચના જણાવ્યાં મુજબ મહારાષ્ટ્રમાં ભાજપે 5 સીટો જીતી અને 97 પર આગળ છે. જ્યારે શિવસેનાએ 5 બેઠકો પર જીત મેળવી અને 55 પર આગળ છે. એનસીપી એક બેઠક જીતી અને 54 પર આગળ છે જ્યારે કોંગ્રેસ 44 બેઠકો પર આગળ છે.