મહારાષ્ટ્રમાં `Mid term election`? ભાજપના દિગ્ગજ નેતાના નિવેદનથી રાજકીય ખળભળાટ

મુંબઈ: મહારાષ્ટ્ર (Maharasthra) ના પૂર્વ મુખ્યમંત્રી દેવેન્દ્ર ફડણવીસ (Devendra Fadnavis)  અને શિવસેના નેતા સંજય રાઉત (Sanjay Raut)  વચ્ચે જે મુલાકાત થઈ તેને લઈને હવે રાજકીય ઘમાસાણ જોવા મળી રહ્યું છે. આ મુલાકાત વિશે જાતજાતની અટકળો થઈ રહી છે. હવે ભાજપના પ્રદેશ અધ્યક્ષ ચંદ્રકાન્ત પાટીલે (Chandrakant Patil) મોટું નિવેદન આપ્યું છે. સમાચાર એજન્સી એએનઆઈ સાથે વાતચીત કરતા પાટીલે કહ્યું કે જ્યારે બે અલગ અલગ પાર્ટીના નેતાઓ મળે છે ત્યારે રાજકીય ચર્ચા જ થઈ હશે. જો તેઓ બે-અઢી કલાક સાથે બેઠા હશે તો ચા-બિસ્કિટ પર તો ચર્ચા નહીં થઈ હોય. જો કે તેમણે એમ પણ કહ્યું કે આ મુલાકાતનું કોઈ પરિણામ આવ્યું નથી.