Mann Ki Baat: દિવાળી પહેલાં વોકલ ફોર લોકલ પર મુક્યો ભાર, PM મોદીએ યાદ અપાવી ખાસ વાત

Mann Ki Baat Live Update: વડાપ્રધાન નરેન્દ્ર મોદી (Narendra Modi) એ આજે ​​મન કી બાત (Mann Ki Baat) વાત કરી હતી. આજે મન કી બાતનો 106મો એપિસોડ પ્રસારિત કરવામાં આવ્યો હતો. પીએમ મોદીએ કહ્યું કે આ એપિસોડ એવા સમયે બની રહ્યો છે જ્યારે સમગ્ર દેશમાં તહેવારો માટે ઉત્સાહ છે. આગામી તમામ તહેવારો માટે આપ સૌને ખૂબ ખૂબ અભિનંદન. 

આ મહિનાની શરૂઆતમાં ગાંધી જયંતિના અવસર પર દિલ્હીમાં ખાદીનું રેકોર્ડ વેચાણ થયું હતું. તહેવારોના આ ઉમંગની વચ્ચે, દિલ્લીના એક સમાચારથી જ હું મન કી બાતની શરૂઆત કરવા માંગું છું. આ મહિનાની શરૂઆતમાં ગાંધી જયંતિના અવસર પર દિલ્લીમાં ખાદીનું વિક્રમજનક વેચાણ થયું. અહીં કોનોટ પ્લેસમાં, એક જ ખાદી સ્ટોરમાં, એક જ દિવસમાં, દોઢ કરોડથી વધુ રૂપિયાનો સામાન લોકોએ ખરીદ્યો. આ મહિને ચાલી રહેલા ખાદી મહોત્સવે ફરી એક વાર વેચાણના પોતાના બધા જ જૂના વિક્રમો તોડી નાંખ્યા છે. તમને એક બીજી વાત જાણીને પણ સારૂં લાગશે, ૧૦ વર્ષ પહેલાં દેશમાં જ્યાં ખાદી ઉત્પાદનોનું વેચાણ ખૂબ મુશ્કેલીથી ૩૦ હજાર કરોડ રૂપિયાથી પણ ઓછું હતું, હવે તે વધીને સવા લાખ કરોડ રૂપિયાની આસપાસ પહોંચી રહ્યું છે. ખાદીનું વેચાણ વધવાનો અર્થ છે, તેનો ફાયદો શહેરથી લઇ ગામ સુધીમાં અલગ-અલગ વર્ગો સુધી પહોંચે છે. આ વેચાણનો લાભ આપણા વણકરો, હસ્તશિલ્પના કારીગરો, આપણા ખેડૂતો, આયુર્વેદિક છોડ લગાવનારા કુટિર ઉદ્યોગ બધાને મળી રહ્યો છે, અને આ જ તો ‘વોકલ ફોર લોકલ’ અભિયાનની તાકાત છે અને ધીરેધીરે આપ સહુ દેશવાસીઓનું સમર્થન પણ વધતું જઇ રહ્યું છે.

ખાદીના વેચાણનો રેકોર્ડ તૂટ્યો
વડાપ્રધાન મોદીએ કહ્યું કે ખાદીના વેચાણમાં વધારો કરવાનો અર્થ એ છે કે તેનો લાભ શહેરથી ગામડા સુધી વિવિધ વર્ગો સુધી પહોંચે છે. આપણા વણકરો, હસ્તકલાના કારીગરો, આપણા ખેડૂતો, આયુર્વેદિક છોડ રોપતા કુટીર ઉદ્યોગો, દરેકને આ વેચાણનો લાભ મળી રહ્યો છે અને આ વોકલ ફોર લોકલ ઝુંબેશની તાકાત છે અને ધીમે ધીમે આપ સૌ દેશવાસીઓનું સમર્થન પણ વધી રહ્યું છે.

યાદ અપાવી વોકલ ફોર લોકલની વાત
પીએમ મોદીએ કહ્યું કે જ્યારે પણ તમે પર્યટન અથવા તીર્થયાત્રા પર જાઓ છો, ત્યારે તમારે સ્થાનિક કલાકારો દ્વારા બનાવેલી વસ્તુઓ અવશ્ય ખરીદવી જોઈએ. દર વખતની જેમ આ વખતે પણ આપણા તહેવારોમાં આપણી પ્રાથમિકતા 'વોકલ ફોર લોકલ' હોવી જોઈએ અને સાથે મળીને આપણે આત્મનિર્ભર ભારતનું સ્વપ્ન સાકાર કરીએ. આ વખતે એવી પ્રોડક્ટથી ઘરને રોશની કરો કે જેમાં મારા દેશવાસીઓના પરસેવાની ગંધ હોય, મારા દેશના કેટલાક યુવાનોની પ્રતિભા હોય, તેના નિર્માણમાં મારા દેશવાસીઓને રોજગારી મળી હોય, રોજિંદા જીવનની જે પણ જરૂરિયાત હોય. . અમે લોકલ જ લઈશું.

વોકલ ફોર લોકલ માત્ર તહેવારો પૂરતું મર્યાદિત નથી
વડાપ્રધાન નરેન્દ્ર મોદીએ કહ્યું કે 'વોકલ ફોર લોકલ'ની આ ભાવના માત્ર તહેવારોની ખરીદી પૂરતી મર્યાદિત નથી. સ્થાનિક ઉત્પાદનો ખરીદતી વખતે, આપણા દેશનું ગૌરવ એવા UPI ડિજિટલ પેમેન્ટ સિસ્ટમ દ્વારા ચૂકવણી કરવાની આદત બનાવો. તે પ્રોડક્ટ અથવા તે કારીગર સાથે મારી સાથે NamoApp પર સેલ્ફી શેર કરો અને તે પણ મેડ ઇન ઇન્ડિયા સ્માર્ટફોનમાંથી. હું તેમાંથી કેટલીક પોસ્ટ સોશિયલ મીડિયા પર શેર કરીશ જેથી અન્ય લોકો પણ 'વોકલ ફોર લોકલ' માટે પ્રેરિત થઈ શકે.

મેરા યુવા ભારત સંગઠનનું એલાન 
પ્રધાનમંત્રી કહ્યું કે , હું આજે તમને એક બીજા ખુશખબર સંભળાવવા જઇ રહ્યો છું, ખાસ કરીને મારા નવયુવાન દિકરા-દિકરીઓને, જેમના મનમાં દેશ માટે કંઇક કરવાની ધગશ છે, સપના છે, સંકલ્પ છે. આ ખુશખબર દેશવાસીઓ માટે તો છે જ, મારા નવયુવાન સાથીઓ તમારા માટે વિશેષ છે. બે દિવસ બાદ જ ૩૧ ઓકટોબરે એક ખૂબ જ મોટા રાષ્ટ્રવ્યાપી સંગઠનનો પાયો નાંખવામાં આવશે અને તે પણ સરદાર સાહેબની જયંતિના દિવસે. 

આ સંગઠનનું નામ છે- મેરા યુવા ભારત, અર્થાત્ માય ભારત. માય ભારત સંગઠન, ભારતના યુવાનોને રાષ્ટ્રનિર્માણના વિભિન્ન આયોજનોમાં પોતાની સક્રિય ભૂમિકા ભજવવાનો અવસર આપશે. આ, વિકસિત ભારતના નિર્માણમાં ભારતની યુવાશક્તિને એક કરવાનો એક અનોખો પ્રયાસ છે. મેરા યુવા ભારતની વેબસાઇટ માય ભારત પણ શરૂ થવાની છે. હું યુવાનોને અનુરોધ કરીશ, વારંવાર અનુરોધ કરીશ કે તમે સહુ મારા દેશના નવયુવાનો, તમે સહુ મારા દેશના દિકરા-દિકરી MyBharat.Gov.in પર રજીસ્ટર કરો અને વિભિન્ન કાર્યક્રમો માટે સાઇન અપ કરો. ૩૧ ઓકટોબરે પૂર્વ વડાપ્રધાન ઇન્દિરા ગાંધીજીની પુણ્યતિથિ પણ છે. હું તેમને પણ ભાવભીની શ્રદ્ધાંજલિ અર્પિત કરું છું.