IND vs ENG Live Score: શું 20 વર્ષનો ઇતિહાસ બદલી શકશે ટીમ ઇન્ડીયા? લખનઉમાં ઇગ્લેંડ સામે ટક્કર

India vs England Live Score World Cup 2023: લખનૌના એકાના ક્રિકેટ સ્ટેડિયમમાં આજે ભારત અને ઈંગ્લેન્ડ વચ્ચે મેચ રમાવાની છે. ટીમ ઈન્ડિયા ટોપ-2માં છે જ્યારે ઈંગ્લેન્ડની ટીમ પોઈન્ટ ટેબલમાં નીચેનાથી બીજા સ્થાને છે. આ ટુર્નામેન્ટમાં ભારતને અત્યાર સુધી કોઈ હરાવી શક્યું નથી. ઈંગ્લેન્ડની વાત કરીએ તો ટીમ અત્યાર સુધી માત્ર 1 મેચ જીતવામાં સફળ રહી છે. ઈંગ્લેન્ડનું ટુર્નામેન્ટમાંથી બહાર થવું લગભગ નિશ્ચિત છે. જો કે, ટીમ બાકીની મેચો જીતીને કેટલીક સારી યાદો સાથે સ્વદેશ પરત ફરવા માંગશે, પરંતુ ભારતને આજે આકરા પડકારનો સામનો કરવો પડશે. ન્યૂઝીલેન્ડ અને ઓસ્ટ્રેલિયા જેવી શક્તિશાળી ટીમોને હરાવીને ટીમ ઈન્ડિયા અહીં પહોંચી છે.

જો આપણે વર્લ્ડ કપમાં બંને ટીમોના હેડ ટુ હેડ રેકોર્ડની વાત કરીએ તો ઈંગ્લેન્ડનો હાથ ઉપર છે. બંને ટીમો વચ્ચે 8 મેચ રમાઈ છે જેમાં ઈંગ્લેન્ડે 4 મેચ જીતી છે જ્યારે ભારત 3 મેચ જીત્યું છે અને 1 મેચ ટાઈ રહી છે. 

ભારતીય ટીમ છેલ્લે 2003ના વર્લ્ડ કપમાં ઈંગ્લેન્ડ સામેની મેચ જીતવામાં સફળ રહી હતી. ત્યારથી લઈને અત્યાર સુધી ઈંગ્લેન્ડે દરેક વખતે ભારતને હરાવ્યું છે. ટીમ ઈન્ડિયાની નજર સેમીફાઈનલમાં પહોંચવાની સાથે 20 વર્ષનો બદલો લેવા પર હશે. ઈંગ્લેન્ડ સહિતની બાકીની ચાર મેચમાંથી ભારતે ટોપ-4માં પહોંચવા માટે માત્ર 2 મેચ જીતવી પડશે. તે જ સમયે, ઇંગ્લેન્ડે અત્યાર સુધી રમાયેલી મેચોમાં તેની સંપૂર્ણ ટીમનો ઉપયોગ કર્યો છે. પરંતુ માત્ર એક જ જીત મેળવી હતી. આજની મેચમાં બંને ટીમોમાં કેટલાક ફેરફાર જોવા મળી શકે છે.

અજેય રહ્યું ભારત 
વર્લ્ડ કપ 2023માં ટીમ ઈન્ડિયાની અજેય સફર જારી છે. આવી સ્થિતિમાં ભારત ઈંગ્લેન્ડ સામે જોરદાર ઉત્સાહ સાથે મેદાનમાં ઉતરશે. ઈંગ્લેન્ડ માટે ભારતને હરાવવો મોટો પડકાર હશે.