ગાઝિયાબાદ દુર્ગટનાઃ છત પડવાથી અત્યાર સુધી 23ના મોત, જેમના અંતિમ સંસ્કાર હતા, તેમના પુત્રનું કાટમાળમાં દબાવાથી મોત

નવી દિલ્હીઃ ઉત્તર પ્રદેશના ગાઝિયાબાદમાં રવિવારે મોટી દુર્ઘટના સર્જાઈ હતી. અહીં મુરાદનગરમાં સ્મશાનમાં અંતિમ સંસ્કાર દરમિયાન ગેલેરીની છત પડવાથી ઘણા લોકો દબાયા હતા. તેમાં 23 લોકોના મૃત્યુ થયા છે. તો 20થી વધુ લોકો ઈજાગ્રસ્ત છે. આ બધા વરસાદથી બચવા માટે છતની નીચે ઉભા હતા. જે વ્યક્તિના અંતિમ સંસ્કાર ચાલી રહ્યા હતા, દુર્ઘટનામાં તેમના એક પુત્રનું પણ મૃત્યુ થયું છે. 

સ્મશાન ઘાટ પર મુરાદનગરના ફળ કારોબારી જયરામ (65)ના અંતિમ સંસ્કાર કરવામા આવી રહ્યા હતા. અંતિમ સંસ્કાર દરમિયાન બધા લોકો ગેટ પાસે આવેલી ગેલેરીમાં ઉભા હતા. આ દરમિયાન દુર્ઘટના થઈ હતી. અઢી મહિના પહેલા ગેલેરી બનાવવામાં આવી હતી. લોકોનો આરોપ છે કે ગેલેરી બનાવવામાં ખરાબ મટિરિયલનો ઉપયોગ થયો હતો.