PM મોદીએ સાઉદી અરબના કિંગ સાથે ફોન પર કરી વાત, આ મુદ્દાઓ પર થઇ ચર્ચા

નવી દિલ્હી: પ્રધાનમંત્રી નરેન્દ્ર મોદી (PM Narendra Modi) એ સાઉદી અરબના કિંગ સલમાન બિન અબ્દુલ અજીજ અલ-સાઉદ (Salman Bin Abdulaziz Al Saud) સાથે ફોન પર વાત કરી. આ દરમિયાન બંને નેતાઓએ કોરોના મહામારીના લીધે ઉપજેલા વૈશ્વિક પડકારો પર ચર્ચા કરી. 

પીએમ મોદીએ ટ્વીટ કરીને કહ્યું કે 'કિંગ સલમાન સાથે કોવિડ-19 મહામારી સહિત સાઉદી અરબની અધ્યક્ષતામાં જી-20 દેશો દ્વારા ભજવવામાં આવતી મહત્વપૂર્ણ ભૂમિકા વિશે ફોન પર વાત થઇ. તાજેતરના વર્ષોમાં આપણા દ્વિપક્ષીય સંબંધોમાં થયેલી અદભૂત વૃદ્ધિની પણ અમે સમીક્ષા કરી.