કમર નીચે દુ:ખાવો થતા મજૂર હોસ્પિટલ પહોંચ્યો, ગુપ્તાંગનો X-ray જોઈને ડોક્ટરોના હોશ ઉડ્યા

રાજસ્થાનના બીકાનેરથી એક ચોંકાવનારા સમાચાર આવ્યા છે. આ એક્સરે રિપોર્ટ યુપીના રામકુમારનો છે જે બીકાનેરમાં રહીને મજૂરી કરે છે. પરંતુ હાલ તે ત્રણેક દિવસથી હોસ્પિટલમાં દાખલ છે. તેના ગુપ્તાંગમાંથી ડોક્ટરોની ટીમે સાત ઈંચ લાંબો અને ત્રણ ઈંચ પહોળો પ્લાસ્ટિકનો એક કેન કાઢ્યો છે. હાલ તેની સર્જરી કરાઈ છે અને તેની હાલત હવે સ્થિર છે. મામલો ખુબ ચોંકાવનારો છે. જેએનવીસી પોલીસ મથકની પોલીસ આ કેસની તપાસ કરી રહી છે. 

વાત જાણે એમ છે કે રામકુમાર મૂળ યુપીનો છે અને છેલ્લા કેટલાક સમયથી રાજસ્થાનના બીકાનેર અને ભરતપુરમાં મજૂરીકામ કરે છે. થોડા દિવસથી બીકાનેરના જેએનવીસી પોલીસ મથક હદમાં તે રહેતો હતો અને મજૂરી કામ કરતો હતો. ચાર દિવસ પહેલા જ સવાર સવારમાં તે ઘરની નજીક જંગલ બાજુ શૌચક્રિયા માટે ગયો અને ત્યાં કેટલાક માથાભારે લોકો સાથે ઝઘડો થયો. 

તેમણે રામકુમારને પકડ્યો અને તેની સાથે મારપીટ કરી. તેના ગુપ્તાંગમાં ત્યાં પડેલું જ્યુસનું કેન ઘૂસાડી દીધુ. લગભગ સાત ઈંચ લાંબુ અને ત્રણ ઈંચ પહોળું આ કેન ઘૂસાડ્યા બાદ તેને ત્યાં જ પટકીને જતા રહ્યા. રામકુમાર જેમ તેમ કરીને ઘરે પહોંચ્યો અને ત્યારબાદ બેહોશ થઈ ગયો. તેને હોસ્પિટલ લઈ ગયા તો ત્યાં તેને દાખલ કરી દીધો. એક્સરેમાં જાણવા મળ્યું કે તેની સાથે હેવાનિયત આચરવામાં આવી છે. તેના નિવેદનને નોંધીને હવે કેસ દાખલ કરવાની તૈયારી થઈ રહી છે. ડોક્ટરોએ સારવાર કરતા હાલ તો રામકુમારના પ્રાઈવેટપાર્ટમાંથી કેન કાઢી નાખ્યું છે.