Drugs Case: રિયાની માનસિક સ્થિતિ ડામાડોળ? જાણો શું લખ્યું છે જામીન અરજીમાં

મુંબઈ: આજે બોમ્બે હાઈકોર્ટ (Bombay High Court) માં રિયા ચક્રવર્તી (Reha Chakraborty)  અને તેના ભાઈ શોવિક ચક્રવર્તીની સાથે દીપેશ, સેમ્યુઅલ મીરાન્ડ અને અબ્દુલ બાસિતની જામીન અરજી પર સુનાવણી થશે. કોર્ટમાં રિયાના વકીલની સાથે તમામ પક્ષો પોતાની દલીલ રજુ કરશે. આજે કોર્ટમાં એનસીબી તરફથી પણ દલીલ કરાય તેવી શક્યતા છે. 

રિયા અને શોવિકની ડ્રગ્સ કેસમાં ધરપકડ કરવામાં આવી છે. બંને હાલ જેલમાં છે. રિયા અને શોવિકની જામીન અરજી એનડીપીસી કોર્ટે ફગાવેલી છે. બુધવારે ભારે વરસાદના કારણે તેમને જામીન અરજી પર સુનાવણી ટાળવામાં  આવી હતી. 

અરજીમાં શું લખ્યું છે
- રિયા ચક્રવર્તીએ અરજીમાં લખ્યું છે કે NCBએ રિયા વિરુદ્ધ કલમ 27એનો ઉપયોગ ખોટી રીતે કર્યો છે.
- NCB પાસે આરોપો સાબિત કરવા માટે કોઈ પુરાવા નથી. 
- રિયાને અનેક મહિનાથી ધમકીઓ મળે છે. 
- આથી જ્યૂડિશિલ કસ્ટડીમાં રિયાને જીવનું જોખમ છે. તેની સુરક્ષાને ધ્યાનમાં રાખીને રિયાને જામીન આપવામાં આવે. 
-  રિયાની અરજીમાં કહેવાયું છે કે તે ફક્ત 28 વર્ષની છે. તપાસ અને મીડિયા ટ્રાયલનો સામનો કરવાના કારણે તેની માનસિક સ્થિતિ નબળી છે. જ્યૂડિશિયલ કસ્ટડીમાં રિયાની માનસિક સ્થિતિ બગડી શકે છે. 

- કોરોનાના વધતા પ્રભાવને જોતા જામીન આપવામાં આવે.
- રિયા તમામ શરતો માનવા તૈયાર છે. 
- રિયા દરેક પ્રકારની પૂછપરછ માટે હાજર રહેશે. 

6 ઓક્ટોબર સુધી વધી હતી કસ્ટડી
એનસીબીએ 8 સપ્ટેમ્બરના રોજ રિયા ચક્રવર્તીની ધરપકડ કરી હતી. ત્યારબાદ તેને 14 દિવસ માટે જ્યૂડિશિયલ કસ્ટડીમાં મોકલી દવાઈ હતી અને મુંબઈની ભાઈખલ્લા જેલમાં છે. અહીં 22 સપ્ટેમ્બરે તેની કસ્ટડીની મુદ્દત ખતમ થઈ રહી હતી. પરંતુ કોર્ટે રિયાને રાહત ન આપતા તેની જ્યૂડિશિલ કસ્ટડી આગળ વધારીને 6 ઓક્ટોબર સુધી કરી. એનડીપીસી કોર્ટમાં રિયાની જામીન અરજી ફગાવવામાં આવતા રિયા અને શોવિક મુંબઈ હાઈકોર્ટમાં ગયા.