Deoghar Ropeway: રોપવે અકસ્માત સમયનો હચમચાવી નાખતો Video આવ્યો સામે

રાંચી: ઝારખંડના દેવઘરમાં થયેલા રોપવે અકસ્માતમાં ચાર લોકોના મોત થયા. આ અકસ્માતમાં ફસાયેલા લોકોને બચાવવા માટે અનેક એજન્સીઓએ સંયુક્ત રેસ્ક્યૂ ઓપરેશન ચલાવ્યું હતું. આ અકસ્માત કેવી રીતે થયો, તેની પાછળ કોણ જવાબદાર છે જેવા સવાલોના જવાબ મળવામાં સમય લાગશે. આ બધા વચ્ચે રોપવે અકસમાતનો એક હચમચાવી નાખતો વીડિયો સામે આવ્યો છે. 

જે સમયે અકસ્માત થયો ત્યારે ટ્રોલીમાં સવાર લોકોમાં હડકંપ મચી ગયો હતો, ભયના માર્યા લોકો બૂમો પાડતા હતા. લગભગ 1 મિનિટ 17 સેકન્ડના આ વીડિયોમાં ભગવાનને યાદ કરતા લોકોના અવાજ વીડિયોમાં સંભળાઈ રહ્યા છે. કોઈ હનુમાનજીને યાદ કરતા હતા તો કોઈ ગભરાટમાં રડી રહ્યા હતા. 

વીડિયોમાં ત્રિકુટ પહાડની ઊંચાઈ સ્પષ્ટપણે જોવા મળી રહી છે. વીડિયોમાં જોઈ શકાય છે કે કેવી રીતે એક જ ઝટકે રોપવે હલી ગયો. તમે પણ જુઓ આ એક્સક્લુઝિવ વીડિયો....