495 પદ માટે સરકારી નોકરીની તક, 1.7 લાખ રૂપિયા મળશે પગાર, જલદી કરો અરજી

નવી દિલ્હીઃ NIELIT Recruitment 2020 : ઇલેક્ટ્રોનિક્સ અને માહિતી તકનીકની રાષ્ટ્રીય સંસ્થા (NIELIT)માં 495 પદો પર ભરતી નિકળી છે. આ ભરતી માટે ફેબ્રુઆરીમાં નોટિફિકેશન બહાર પાડવામાં આવ્યું હતું અને લૉકડાઉનને કારણે ત્યારથી લઈને અત્યાર સુધી ઘણીવાર તારીખ લંબાવવામાં આવી છે. આ ભરતી માટે યોગ્ય ઉમેદવાર 1 જૂન 2020 સુધી અરજી કરી શકે છે. 

કેટલી વાર વધી તારીખ
- આ ભરતી માટે સૌથી પહેલા અરજીની છેલ્લી તારીખ 26 માર્ચ સુધી કરવામાં આવી હતી.

- લૉકડાઉનને કારણે તેને વધારીને 10 એપ્રિલ કરી દેવામાં આવી. 

- ત્યારબાદ બીજીવાર લંબાવવામાં આવી અને અરજીની તારીખ 30 એપ્રિલ થઈ.

- હવે ત્રીજીવાર અરજી કરવાની તારીખમાં ફેરફાર થયો છે. ઉમેદવાર હવે 1 જૂન 2020 સુધી અરજી કરી શકે છે. 

ખાલી પદોની માહિતી

- વૈજ્ઞાનિક, બી માટે 288 જગ્યા

- ટેક્નિકલ આસિસ્ટન્ટ માટે 207 જગ્યા

કેટલો મળશે પગાર
- આ ભરતી પ્રક્રિયા દ્વારા પસંદ થયેલા ઉમેદવારને 1.77 લાખ સુધી પગાર મળશે. તેમાં વૈજ્ઞાનિક બી ગ્રુપ એને 56,100 રૂપિયાથી 1,77,500 રૂપિયા સુધીનો પગાર મળી શકે છે. 

- વૈજ્ઞાનિક/ટેક્નિકલ આસિસ્ટન્ટ એ ગ્રુપ-બીના ઉમેદવારોને લેવલ 6 હેઠળ 1,12,400 રૂપિયા પ્રતિ મહિના સુધીનું વેતન મળશે. 

સત્તાવાર નોટિફિકેશન પ્રમાણે આ ભરતી માટે 30 વર્ષ સુધીના ઉમેદવાર અરજી કરી શકે છે. અનામત વર્ગના ઉમેદવારો માટે નિયમાનુસાર છૂટ આપવામાં આવી છે. સાથે બંન્ને પદો માટેની પાત્રતા પણ અલગ-અલગ નક્કી કરવામાં આવી છે. 

ઉમેદવારોની પસંદગી લેખિત પરીક્ષા અને ઇન્ટરવ્યૂના આધાર પર કરવામાં આવશે. વધુ માહિતી માટે તેની સત્તાવાર વેબસાઇટ મુલાકાત લઈ શકો છો.