તંદુરસ્ત રહેવા માટે આ આદતોને તાત્કાલિક બદલો, જાણો પાનખર ઋતુ અને માનવ શરીરને છે શું સંબંધ?

ઝી બ્યૂરો, અમદાવાદઃ બદલાતા સમયની સાથે જેમ જેમ સિઝન બદલાય તેમ તેમ વાતાવરણમાં પણ ફેરફારો થાય છે. સતત બદલાતા વાતાવરણમાં પોતાના શરીરની જાળવણી કરવી ખુબ અઘરી બની જાય છે. એમાંય ભારત એક એવો દેશ છે જ્યાં લોકો દરેક ઋતુનો આનંદ માણી શકે છે. ઉનાળો હોય, શિયાળો હોય, વસંત હોય કે પાનખર, આપણે ભારતીયો દરેક ઋતુને સારી રીતે અનુભવીયે છે. પરંતુ, અલગ અલગ ઋતુઓમાં આરોગ્ય સંભાળમાં પણ ઘણો ફેરફાર થાય છે. જો તમે કેટલીક નાની -નાની બાબતોનું ધ્યાન નહી રાખો તો તમને ઘણા ચેપ અને રોગોનો સામનો કરવો પડી શકે છે.

ભારતમાં પાનખર ઋતુની શરૂઆત થઈ ગઈ છે, જે ઉનાળા અને શિયાળા વચ્ચેની ઋતુ છે. એટલા માટે આયુર્વેદ નિષ્ણાત ડો. વરલક્ષ્મીએ આવા કેટલાક ફેરફારો આપ્યા છે, જે તમારે તમારી આદતોમાં લાવવા જોઈએ. આ ફેરફારો ખોરાક સાથે સંબંધિત છે, જે તમને સ્વસ્થ રાખવામાં મદદ કરશે.

પાનખર ઋતુ પર નિષ્ણાતોનો અભિપ્રાય:
તમને પાનખરની ઋતુમાં શુષ્કતા અને નબળી પાચન શક્તિનો અનુભવ થઈ શકે છે. જેના કારણે આપણા માટે મોસમી એલર્જીનું જોખમ વધે છે. શરદી અને ઉધરસ આ મોસમી પરિવર્તનમાં સામાન્ય સમસ્યા છે. તેથી, ઘરમાં હંમેશા લિકરિસ, સૂકા આદુ, કાળા મરી અને મધ રાખો અને દરરોજ અભ્યંગ અને નાસ્ય ક્રિયા કરો. આ સાથે, શ્વસન સ્વાસ્થ્ય બરાબર રાખવા માટે તુલસીની ચાનું સેવન કરો.

આ ખાવાની આદતો બદલો:
1-ઠંડા પાણીને બદલે હૂંફાળું પાણી પીવો.
2-કાકડીને બદલે શક્કરિયા અને ગાજર ખાઓ.
3-કાચા સલાડને બદલે ગરમ સૂપ પીવો.
4-સૂકા અનાજને બદલે ઓટમીલનો ઉપયોગ કરો.