'મેડમને ખુશ કરો, મેડમ તમને ખુશ કરશે' એક રાતના મળશે 20 હજાર...તમને આવો ફોન આવે તો...!

જિનેશ સોની, અમદાવાદઃ યુવાનોને અપાય છે એક રાતના 15,000 થી 20,000 રૂપિયા કમાવવાની લાલચ. મેડમને ખુશ કરો, મેડમ તમને ખુશ કરશે! હાઈપ્રોફાઈલ મહિલાને બહુ એકલું લાગે છે, તમારે ખાલી એની એકલતા દૂર કરવાની છે. મેડમમાં મોજમાં આવી જશે તો તમને મોં માંગ્યા પૈસા મળશે! શું છે સમગ્ર મામલો? અમદાવાદમાં કંઈક રીતે શરૂ થયો છે આ ગોરખ ધંધો? કઈ રીતે બેરોજગાર યુવાનોને બનાવવામાં આવે છે શિકાર? કઈ રીતે થાય છે છેતરપિંડી? આ તમામ સવાલોના જવાબ જાણવા માટે વાંચો ગ્રાઉન્ડ ઝીરો પર જઈને તૈયાર કરવામાં આવેલો આ Exclusive Report

પુખ્ત વયની શરૂઆત થતાં જ સેક્સની મનભરીને ઈચ્છા થાય તે વાત સ્વભાવિક છે. સેક્સની ઇચ્છા સંતોષવા યુવાનો ગમે તે હદ સુધી પહોંચી જતાં હોય છે. ખાસ કરીને સોશલ મીડિયાના વિવિધ માધ્યમોમાં આજકાલ એવી ઘણી જાહેરાતો ફરતી થઈ છેકે, હાઈપ્રોફાઈલ મહિલા, એર હોસ્ટેસ, કોલેજ ગર્લ, નર્સ, ડોકટર સાથે આનંદ માણો અને રોજના 10થી 15 હજાર રૂપિયા કમાઓ...આવી લોભામણી જાહેરાતો સાથે ફોન નંબર પર લખવામાં આવતા હોય છે. તમે એ નંબર પર ફોન કરો એટલે મહિલા વિષે તમને માહિતી અપાય છે. શું ખરેખર મહિલા સાથે દોસ્તી અને અંગત આનંદ મેળવીને રોજના અધધધ રૂપિયા કમાઈ શકાય? જો આટલા બધા રૂપિયા મળતા હોય તો કોઈ નોકરી કે ધંધો પણ ન કરે, હાઈપ્રોફાઈલ મહિલાને ખુશ રાખીને જ ખિસ્સા ભરે! આ વાત વિચારવા જેવી છે. તેથી શું જે આખી પરિસ્થિતિ એ જાણવાનો અમે પ્રયાસ કર્યો. અને બહાર આવ્યું મસમોટું કૌભાંડ. હવે અમે તમને આ છેતરપિંડી કેવી રીતે થાય છે તમારી પાસેથી કેવી રીતે રૂપિયા પડાવાય છે તે જણાવીશું. તાજેતરમાં અમદાવાદના જ એક યુવાન સાથે આ પ્રકારનો બનાવ બન્યો અને સમગ્ર ઘટના સામે આવી...તમને સતર્ક અને સાવધાન કરવા માટે જ ગ્રાઉન્ડ જીરો પર જઈને તૈયાર કરવામાં આવ્યો છે આ Exclusive Report

જીગોલો સર્વિસીસ શું છે?
જીગોલો શબ્દ બોલાય એટલે તમને અમદાવાદનો હાઈપ્રોફાઈલ ગણાતો એસજી હાઈવે યાદ આવે. જ્યાં તમને રાત્રે બાઈક લઈને બોડી બિલ્ડર હેન્ડસમ છોકરાઓ આટંફેરા કરતા દેખાશે. થોડીવારમાં ત્યાં કોઈ હાઈફાઈ કાર આવશે અને પેલો હેન્ડસમ બોય બાઈક મુકીને કારમાં સવાર થઈને નીકળી પડશે રૂપિયા કમાવાના નવા ધંધામાં. અને કારમાં સવાર થયેલાં હેન્ડસમ બોયની આખી રાત પસાર થઈને ક્યારે સવાર થઈ જશે એ એને પણ નથી ખબર પડે. જી હાં ઉંચી લાઇફસ્ટાઈલ, નોકરીઓની કમી અને એવામાં પૈસાની તંગીને લીધે જેમ ઘણી છોકરીઓ દેહવ્યાપારના બિઝનેસમાં આવે છે તેમ છોકરાઓ પણ શોર્ટકટથી પૈસા કમાવવા માટે પોતાના શરીરનો સોદો કરે છે. જેમ શરીરના ગંધા ધંધામાં આવેલી યુવતીઓને કોર્લ ગર્લ કહેવામાં આવે છે, એમ આ ધંધામાં મહિલાઓને ‘સુખ’ આપવાનું કામ કરતા યુવકને જીગોલે કહેવામાં આવે છે.

કોને કહેવાય જીગોલો?
દેશના અન્ય મોટા શહેરોમાં આ બિઝનેસ વેગ પકડી રહ્યો છે. ત્યારે હવે અમદાવાદમાં પણ આ પ્રકારનું ચલણ શરૂ થયું છે. પુરુષોના દેહવિક્રયના બિઝનેસને જીગોલો માર્કેટ કહેવાય છે. જો તમને સીધી ભાષામાં જીગોલોનો અર્થ કહેવામાં આવે તો હાઈપ્રોફાઈલ ઘરની મહિલા સાથે તમે સેક્સ કરો અને તેને તમારાથી ચરમસુખનો આનંદ મળે તો તે તમને શરીર સુખ આપવાના બદલામાં મોં માંગ્યા પૈસા આપે છે. આવી મહિલા હાઈપ્રોફાઈલ મહિલાઓ રોમાન્સ કરવા હીટ એન્ડ ફીટ છોકરાની તલાશમાં હોય છે.

અમદાવાદમાં પણ ચાલે છે આવો ગોરખ ધંધો!
અમદાવાદના એસ.જી.હાઈવે પર અગાઉ ઘણીવાર આ પ્રકારના જીગોલોના કિસ્સાઓ સામે આવી ચૂક્યા છે. હાઈપ્રોફાઈલ મહિલા કાર લઈને આવે અને હાથમાં લાલ કલરનો રૂમાલ બાંધ્યો હોય, લાલ ટી શર્ટ પહેરી હોય તેવા યુવાનને બોલાવે છે.. જીગોલો લાલ કલરને આવી રીતે કોડ વર્ડ તરીકે રાખે છે. જેથી તેના ખરીદારને તેની ઓળખ થઈ શકે. આ તો થઈ જીગોલોના ધંધાની વાત. પણ હવે આ ગંદા ધંધાની આડમાં પણ બીજો ધંધો શરૂ થયો છે. જીહાં એ છે છેતરપિંડીનો ધંધો. યુવાનોને અપાય છે એક રાતના 15,000 થી 20,000 રૂપિયા કમાવવાની લાલચ. મેડમને ખુશ કરો, મેડમ તમને ખુશ કરશે! એક જ રાતમાં કમાઓ તગડી રકમ... આવી જાહેરાત આપીને લાલચ આપવામાં આવે છે. તેના માટે તમારી પાસે અલગ અલગ પ્રકારની સિક્યોરિટી અમાઉન્ટ માંગવામાં આવે છે. તમે પૈસા આપી દો એના પછી એ ફોન નંબર થઈ જાય છે બંધ અને એ ઠગ ટોળકી થઈ જાય છે ગાયબ. જાણો કેવી રીતે થાય છે આખીય છેતરપિંડી.

જાહેરાતોથી સાવધાન, કેવી કેવી અપાય છે લાલચઃ
કેટલાંક ચોપાનિયાઓમાં પણ આવી જાહેરાતો આવતી હોય છેકે, હાઈપ્રોફાઈલ મહિલાને એકલું અટલું લાગે છે તો તેની સાથે સમય પસાર કરનાર હેન્ડસમ યુવકને મળશે આટલા રૂપિયા. હાઈપ્રોફાઈલ મહિલાને સુખ આપી શકે તેવા હેન્ડસમ યુવકની જરૂર છે. મહિલાને ખુશ કરો અને પૈસા કમાઓ...કંઈક આ પ્રકારની શબ્દોનો આવી જાહેરાતોમાં ઉપયોગ કરવામાં આવતો હોય છે. તેમાં ફોન નંબર પણ આપવામાં આવે છે. ફોન પર જેમ જેમ તમે તે મહિલાઓ વિશે વિગતો માંગશો તેમ તેમ તમને વધુ લાલચ અપાશે. છેતરપિંડીની આખી પ્રક્રિયા પણ જાણો...

કંપનીમાં પૈસા જમા કરાવોઃ
ફોન પર વાત કરનાર સૌથી પહેલાં તમને કંપનીમાં રજીસ્ટ્રેશન માટે 1500થી 3500 રૂપિયા જમા કરાવવાનું કહેશે. સૌ પ્રથમ તો  આવી કોઈ કંપની હોતી નથી.. જો તમે નાણા જમા કરાવશો ત્યારબાદ તમને એવું કહેવાશે કે ડ્રાઈવર ચાર્જ જમા કરાવો.

ડ્રાઈવર ચાર્જ જમા કરાવોઃ
ડ્રાઈવર ચાર્જ માટે પણ 2000થી 5000 રૂપિયા જમા કરાવવા કહેવાશે..તમને આ પૈસા જમા કરાવવા બેંક એકાઉન્ટ નંબર અપાશે, અને તે એકાઉન્ટ નંબર પર પૈસા જમા કરાવવાનું કહેશે..હજારો રૂપિયા આપ્યા બાદ પણ તમારી પાસેથી વધારે પૈસા પડાવવાના તમામ પ્રકારના પ્રયત્નો કરાય છે.

હાઈપ્રોફાઈલ મેડમ માટે સિક્યુરીટી ચાર્જ:
ફોન પર તમને એવું કહેવામાં આવશેકે, મેડમ હાઈ પ્રોફાઈલ છે, તો તમારે તેના માટે 5 હજાર રૂપિયા જમા કરાવવા પડશે..આ પૈસા તમને બે કલાકમાં પાછા આપવાનું પણ કહેવાશે, આટલા નાણા જમા કરાવ્યા બાદ પણ કોઈ હાઈપ્રોફાઈલ મહિલા સાથે તમારી મિટીંગ નથી કરાવાતી અને આખરે તમે છેતરપિંડીનો સ્વીકાર બનો છે. આજના યુવાનોનું ઓછું ભણતર અને વ્યસનની લતમાં તમામ વસ્તુ ખોવી દેતા હોય છે, તેવામાં પૈસા કમાવવાની લાલચ પણ એટલી જ હોય છે, ત્યારે આવી લોભામણી જાહેરાતો વાંચીને વધુ પૈસા ગુમાવે છે. સમાજમાં આવા અનેક કિસ્સો બને છે.

તાજેતર આવો કિસ્સો અમદાવાદમાં સામે આવ્યો:
હાઈપ્રોફાઈલ મહિલા સાથે અંગત આનંદ માણી પૈસા કમાવવાની લાલચ આપતી બે યુવતી સહિત આઠ લોકોની ક્રાઈમ બ્રાંચે ધરપકડ કરી છે. ડમી નંબરમાંથી વાતચીત કરતા આવા લોકોને પકડવા ખુબ મુશ્કેલ હોય છે. ત્યારે કોઈ પણ પ્રકારની જાહેરાત જોઈને લાલચમાં આવીને ફોન કરતા પહેલાં સાવધાન. અમે તમને આવી છેતરપિંડી કરતા લોકોથી સાવધાન કરવા આ પ્રકારના સમાચાર તમારા સુધી પહોંચાડવાનો પ્રયાસ કર્યો છે. પણ ગુનેગારો તમારી આસપાસ જ ફરી રહ્યાં છે તેથી તમે રહો સાવધાન...નહીં તો પૈસા કમાવવા તો દૂર પણ તમારા લાખના બાર હજાર થઈ જશે...