MS Dhoni Case: ધોનીના `દોસ્તાર` કરી ગયા દાવ, કરોડોનો ચૂનો ચોપડ્યો, CSKના કેપ્ટને નોંધાવ્યો Criminal Case

MS Dhoni Criminal Case: દિગ્ગજ વિકેટકીપર બેટ્સમેન મહેન્દ્ર સિંહ ધોની (MS Dhoni) ને તેના નજીકના મિત્રોએ કરોડો રૂપિયાની છેતરપિંડી કરી હતી. મિહિર દિવાકર (Mihir Diwakar) અને સૌમ્યા વિશ્વાસ (Soumya Vishwas) નામના આ લોકો પણ ધોનીના બિઝનેસ પાર્ટનર છે. મીડિયા રિપોર્ટ્સ અનુસાર, ધોનીએ હવે રાંચીની કોર્ટમાં ક્રિમિનલ કેસ દાખલ કર્યો છે. દિવાકરે ગ્લોબલ ક્રિકેટ એકેડમી ચલાવવા માટે 2017માં ધોની સાથે કરાર કર્યો હતો પરંતુ તે કરારની શરતોને વળગી રહ્યો ન હતો.

આ 2017નો છે મામલો 
પૂર્વ ભારતીય કેપ્ટન મહેન્દ્ર સિંહ ધોની (Mahendra Singh Dhoni) એ વર્ષ 2017માં ક્રિકેટ એકેડમી સાથે સંબંધિત સોદામાં ખટાશના કારણે આર્કા સ્પોર્ટ્સ મેનેજમેન્ટ કંપનીના બે અધિકારીઓ સામે રાંચીમાં ફોજદારી કેસ દાખલ કર્યો છે. મિહિર દિવાકર અને સૌમ્યા બિસ્વાસ વિરુદ્ધ આ કેસ નોંધવામાં આવ્યો છે. દિવાકરે વૈશ્વિક ક્રિકેટ એકેડમી ચલાવવા માટે 2017માં ધોની સાથે કરાર પર હસ્તાક્ષર કર્યા હોવાના અહેવાલ છે, પરંતુ તેમાં દર્શાવેલ શરતોને પર કાયમ રહ્યા ન હતા. 

વારંવાર યાદ અપાવ્યું પણ...
આર્કા સ્પોર્ટ્સ મેનેજમેન્ટને કોન્ટ્રાક્ટની શરતો મુજબ, ફ્રેન્ચાઇઝ ફી ચૂકવવા અને નફાના નાણાં વહેંચવા માટે બંધાયેલું હતું, પરંતુ કથિત રીતે તેમ કર્યું ન હતું. વારંવાર રિમાઇન્ડર હોવા છતાં, કરારની શરતોની કથિત અવગણના કરવામાં આવી હતી, જેના કારણે ધોનીએ 15 ઓગસ્ટ, 2021ના રોજ ફર્મને આપવામાં આવેલ ઓથોરિટી પત્રને રદ કર્યો હતો. ધોનીએ ઘણી કાનૂની નોટિસ પણ મોકલી, પરંતુ કંઈ થયું નહીં.

15 કરોડનો ચૂનો!
ધોનીએ એક લૉ ફર્મ દ્વારા રાંચીની કોર્ટમાં કેસ દાખલ કર્યો છે. ધોનીના વકીલનું કહેવું છે કે અર્કા સ્પોર્ટ્સ મેનેજમેન્ટે ચેન્નાઈ સુપર કિંગ્સ (CSK)ના કેપ્ટન સાથે છેતરપિંડી કરી, જેના કારણે 15 કરોડ રૂપિયાથી વધુનું નુકસાન થયું. હવે ધોનીએ કેસ દાખલ કરવાનું નક્કી કર્યું.