Traffic challan થી જો હેરાન પરેશાન હોવ તો ફટાફટ કરો આ એક કામ...નહીં કપાય ચલણ!

નવી દિલ્હી: અનેકવાર જાણે અજાણ્યે આપણે ટ્રાફિક લાઈટ જમ્પ(Traffic Light Jump) કરતા હોઈએ છીએ. સ્પીડ કેમેરા ફ્લાયઓવર કે રસ્તા વચ્ચે પણ લાગેલા હોય છે. જો તમે ધ્યાન ન આપ્યું તો ઓવર સ્પીડનું પણ ચલણ(Challan) કપાય તે નક્કી છે. મોટાભાગના લોકોને ઓનલાઈન મળતા ચલણ ઓવર સ્પીડ અને રેડ લાઈટ જમ્પના જ હોય છે. આ ચલણ સ્પીડ કેમેરા(Speed Camera)ની મદદથી કપાય છે. 

હવે અમે તમને એક એવી એપ અંગે જણાવીશું કે જે તમને શહેરમાં ચાર રસ્તે અને રસ્તાઓ પર લાગેલા સ્પીડ કેમેરાની જાણકારી આપશે. આ એપની ખાસિયત એ છે કે જેવા તમે કોઈ સ્પીડ કેમેરા નજીક પહોંચશો કે તમને તેની એલર્ટ મળી જશે. આ એપની મદદથી તમે શહેરોમાં છૂપાયેલા તમામ સ્પીડ કેમેરાથી બચી શકો છો. આ સાથે જ આ એપ તમને મસમોટા ટ્રાફિક ચલણથી પણ બચાવી શકે છે. 

થોડા સમય પહેલા ગૂગલ મેપ(Google Map) પર સ્પીડ કેમેરાની માહિતી પણ મળતી હતી. પરંતુ ગૂગલે કોઈ પણ કારણ જણાવ્યાં વગર આ સુવિધાને પોતાના ગૂગલ મેપથી હટાવી લીધી હતી. પરંતુ આ બધા વચ્ચે હવે Radarbot નામની નવી એપ આવી ગઈ છે. આ એપ તમને રસ્તાઓ અને ચાર રસ્તે લાગેલા સ્પીડ કેમેરાની જાણકારી ઉપલબ્ધ કરાવે છે. 

આ રીતે ઉપયોગ કરો Radarbot એપનો..

- એપ સ્ટોરમાંથી Radarbot સર્ચ કરીને એપને ડાઉનલોડ કરો.
- હવે ગૂગલ મેપ ખોલો અને તેને મિનિમાઈઝ કરો.
- રડારબોટને ફરીથી ખોલીને તેને જરૂરી પરમિશન આપો.
- એપની મેઈન સ્ક્રિન પર તમને કરન્ટ લોકેશન અને જમણી બાજુ સ્પીડોમીટર જોવા મળશે. 
- એપને ખુલ્લી રાખો અને કાર ચલાવતી વખતે તેને પોતાના ડેશબોર્ડમાં રાખી લો.
- રસ્તામાં જેવો કોઈ સ્પીડ કેમેરા આવશે કે એપ તમને એલર્ટ કરી દેશે. 

આ એપને ચલાવવા માટે બેકગ્રાઉન્ડમાં ગૂગલ મેપનું ચાલવું જરૂરી છે. ગૂગલ મેપ તમને નેવિગેશનમાં મદદ કરશે. જ્યારે ફોરગ્રાઉન્ડમાં રડારબોટ કામ કરશે. આ એપ તમે ટ્રાફિક સિગ્નલ્સ પર લાગેલા સ્પીડ કેમેરા, ટનલ કેમેરા, અને નંબર પ્લેટ રેકોગ્નાઈઝેશન કેમેરાની જાણકારી ઉપલબ્ધ કરાવે છે.