4 વર્ષ બાદ મૃત પત્ની સાથે થઈ પતિની મુલાકાત, તસવીરો તમને પણ કરી દેશે ભાવુક

કોરિયાઃ સમય સાથે ઝડપથી પરિવર્તન આવી રહ્યું છે અને આ સાથે નવી-નવી ટેક્નોલોજી પણ માર્કેટમાં આવી રહી છે, જેના પરિણામ પણ ચોંકાવી રહ્યાં છે. આવો એક મામલો સાઉથ કોરિયા (South Korea) થી સામે આવ્યો છે, જ્યાં એક વ્યક્તિ હંમેશા માટે દુનિયા છોડી ચુકેલી પત્નીને ફરી મળી શક્યો. સાંભળવામાં આ અટપટુ જરૂર લાગી રહ્યું છે. પરંતુ વર્ચ્યુઅલ રિયાલિટી  (Virtual Reality) એ આ સંભવ કરી દેખાડ્યું છે. 

હકીકતમાં કિમ-જુંગ-સૂ નામના એક વ્યક્તિની પત્નીનું થોડા વર્ષો પહેલા બીમારીને કારણો મોત થયું હતું. કિમની ઈચ્છા હતી કે તે પોતાની પત્નીના પડછાયાને જરૂર એકવાર જોઈ શકે. આ કોઈ સપના સમાન હતું, જેને કિમ કોઈપણ સ્થિતિમાં પૂરુ કરવા ઈચ્છતો હતો. આ દરમિયાન કિમની નજર એમબીસીની ટેલિવિઝન કોડ્યુમેન્ટ્રી આઈ મેટ યૂ (i Met You) પર પડી, જ્યાંથી તેને આશાનું કિરણ દેખાવા લાગ્યું. 

લાગ્યો છ મહિનાનો સમય
બ્રોડકાસ્ટ કંપની એમડીસી અનુસાર, આ ખાસ મુલાકાતની તૈયારીમાં આશરે 6 મહિનાનો સમય લાગ્યો. આ મુલાકાત માટે તેને અલગ-અલગ ઇન્ટરેક્શન મૂવમેન્ટ્સ તૈયાર કરવા પડ્યા. કિમની પત્નીનો અવાજ તેવો જ રહે તે માટે એક એક્ટરની વોઇસને કમ્બાઇન કરવામાં આવ્યો. જેથી આ મુલાકાત ખાસ બની. પરંતુ આ પ્રથમ ઘટના નથી જ્યારે મૃત્યુ બાદ મુલાકાત શક્ય બની હોય. આ પહેલા પણ આમ થઈ ચુક્યું છે.