ଦୁଇ ହଜାର ଟଙ୍କା ପାଇଁ ଗାଁ ଦାଣ୍ଡରେ ଠିକାଦାରକୁ ଛୁରା ମାରିଲା ଶ୍ରମିକ

ବ୍ରହ୍ମପୁର: ଗାଁ ଦାଣ୍ଡରେ ଶ୍ରମ ଠିକାଦାରକୁ ବିଭତ୍ସ ହତ୍ୟା। ମାତ୍ର ୨ ହଜାର ବକେୟା ଟଙ୍କାକୁ ନେଇ ଜଣେ ଶ୍ରମିକ ଛୁରା ଭୁସି ହତ୍ୟା କରିଥିବା ଅଭିଯୋଗ ହୋଇଛି। ଏଭଳି ଘଟଣା ଶୁକ୍ରବାର ଗଂଜାମ ଜିଲ୍ଲା କବିସୂର୍ଯ୍ୟନଗର ଥାନା ଅଞ୍ଚଳରେ ଘଟିଛି।

ମାତ୍ର ୨ ହଜାର ବକେୟା (Due) ଟଙ୍କାକୁ ନେଇ ଜଣେ ଶ୍ରମିକ, ଠିକାଦାରଙ୍କୁ ବିଚ ରାସ୍ତାରେ ଛୁରା ଭୁସି ହତ୍ୟା (Murder) କରିଛି। ମୃତକ ଜଣଙ୍କ ଟୁକୁନା ଛଟେଇ ବୋଲି ଜଣା ପଡିଛି। ଖବର ପାଇ ପୋଲିସ (Ganjam Police) ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ମୃତଦେହକୁ ଜବତ କରିବା ସହ ଅଭିଯୁକ୍ତଙ୍କୁ ଗିରଫ କରିଛି।

ସୂଚନା ମୁତାବକ ଗଂଜାମ (Ganjam) ଜିଲ୍ଲା କବିସୂର୍ଯ୍ୟନଗର ଥାନା (Kabisuryanagar PS) ବାଲିଛାଇ ଫାଣ୍ଡି ଏ ବରିଡା ଗାଁରେ ଆଜି ସକାଳୁ ସକାଳୁ ଏଭଳି ହତ୍ୟାକାଣ୍ଡ ଘଟିଯାଇଛି। ତେବେ ହତ୍ୟାକାଣ୍ଡର ମୁଖ୍ୟ କାରଣ ଜଣା ପଡିନଥିବା ବେଳେ ବକେୟା ଟଙ୍କାକୁ ନେଇ ଅଭିଯୁକ୍ତ ଏଭଳି କାଣ୍ଡ ଭିଆଇ ଥାଇପାରେ ବୋଲି ଅନୁମାନ କରାଯାଉଛି।