ଗାଧୋଇବାକୁ ଯାଉଥିବା ୨ ମହିଳାଙ୍କ ଉପରେ ଚଢ଼ିଗଲା ଅଜଣା ଗାଡ଼ି

ବ୍ରହ୍ମପୁର: କାଳ ହେଲା ପାହାନ୍ତିଆ ଗାଧୁଆ! ନାଳକୁ ଶୌଚ ଓ ଗାଧୋଇବା ପାଇଁ ଯାଉଥିବା ବେଳେ ଦୁଇ ଜଣ ମହିଳାଙ୍କ ଉପରେ ମାଡିଗଲା ଅଜଣା ଗାଡି। ଶୁକ୍ରବାର ସକାଳେ ଦିଗପହଣ୍ଡି ଥାନା ଅନ୍ତର୍ଗତ ଗୋଖର୍ଣ୍ଣପୁର ଗ୍ରାମରେ ଏଭଳି ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି।

ସୂଚନା ମୁତାବକ, ଗୋଖର୍ଣ୍ଣପୁର ଗ୍ରାମର ଦୁଇଜଣ ମହିଳା ଶୁକ୍ରବାର ପାହାନ୍ତିଆରେ ଗାଁ ନିକଟ ଏକ ନାଳକୁ ଶୌଚ ଓ ଗାଧୋଇବା ପାଇଁ ଯାଉଥିଲେ। ସେହି ସମୟରେ ଦିଗପହଣ୍ଡି ଠାରୁ ବ୍ରହ୍ମପୁର (Berhampur) ଅଭିମୁଖେ ଯାଉଥିବା ଏକ ଅଜଣା ଗାଡି ସେମାନଙ୍କ ଉପରେ ମାଡି (Accident) ଯାଇଥିଲା। ଫଳରେ ଘଟଣା ସ୍ଥଳରେ ହି ଉଭୟଙ୍କର ମୃତ୍ୟୁ ହୋଇଥିଲା।

ମୃତ ମହିଳାଙ୍କ ପରିବାରକୁ କ୍ଷତି ପୂରଣ ପ୍ରଦାନ ସହ ଗାଡିକୁ ଚିହ୍ନଟ କରିବା ପାଇଁ ଦାବି କରି ବ୍ରହ୍ମପୁର ଓ ଦିଗପହଣ୍ଡି ରାସ୍ତାକୁ ଅବରୋଧ କରି ରଖିଛନ୍ତି। ଫଳରେ ଗାଡି ଚଳାଚଳ ବାଧାପ୍ରାପ୍ତ ହୋଇଛି। ଘଟଣାସ୍ଥଳରେ ପୋଲିସ (Ganjam Police) ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିଛି।