Vicky Kaushalଙ୍କ ସହ ସରପ୍ରାଇଜ୍ ବିବାହକୁ ନେଇ ମୁହଁ ଖୋଲିଲେ Katrina Kaif

କ୍ୟାଟ୍ରିନା କୈଫ୍ ଶେଷରେ ଭିକ୍କି କୌଶଲଙ୍କ ସହ ସରପ୍ରାଇଜ୍ ବିବାହକୁ ନେଇ ମୁହଁ ଖୋଲିଛନ୍ତି । ତେବେ କୋରୋନା ସେମାନଙ୍କ ପାଇଁ ବିଶେଷ ପ୍ରତିବନ୍ଧକ ଥିବାରୁ ସେମାନେ ଆୟୋଜନରୁ ଦୁରେଇ ରହିଥିଲେ ।

କ୍ୟାଟ୍ରିନା କୈଫ୍ ଏବଂ ଭିକ୍କି କୌଶଲଙ୍କ ସରପ୍ରାଇଜ୍ ବିବାହକୁ ନେଇ ମୁହଁ ଖୋଲିଲେ କ୍ୟାଟ୍ରିନା । କ୍ୟାଟ୍ରିନା କୈଫ୍ ଏବଂ ଭିକ୍କିଙ୍କ ବିବାହ ଏକ ସ୍ୱପ୍ନିଳ ଘଟଣା ଥିଲା ମାତ୍ର ଏହି ଯୋଡ଼ି ଏହାକୁ ଅନେକ ସମୟ ଧରି ଲୁକ୍କାୟିତ ଭାବରେ ରଖିଥିଲେ । ତେବେ ଅନେକ ଅଭିନେତା/ଅଭିନେତ୍ରୀ ଗତବର୍ଷ ଡିସେମ୍ୱର ୯ ରେ ରାଜସ୍ଥାନର ରଣଥମ୍ବୋର ରିସର୍ଟରେ ଏହି ଯୋଡ଼ିଙ୍କ  ବିଶାଳ ବିବାହ ସମାରୋହରେ ସାମିଲ ହେବାପାଇଁ ଏକାଠି ହୋଇଥିଲେ । ଦୁହେଁ ସନ୍ଧ୍ୟାରେ ସୋସିଆଲ ମିଡିଆରେ ସମାରୋହର ଅଫିସିଆଲ୍ ଚିତ୍ର ସେୟାର ନକରିବା ପର୍ଯ୍ୟନ୍ତ ବିବାହର ଖବର ନିଶ୍ଚିତ ହୋଇନଥିଲା ।

ପ୍ରେମରେ ପରିପୂର୍ଣ୍ଣ ସେମାନଙ୍କ ବିବାହ ସମାରୋହରେ କ୍ୟାଟ୍ରିନା ଏବଂ ଭିକ୍କି ଅତ୍ୟନ୍ତ ସୁନ୍ଦର ଦେଖାଯାଉଥିଲେ । ଆଉ ମଙ୍ଗଳବାର ଦିନ, କ୍ୟାଟ୍ରିନା ଶେଷରେ ନିଜ ବିବାହର ଖବରକୁ ଏତେ ଦିନ ପର୍ଯ୍ୟନ୍ତ ଲୁଚାଇବାକୁ କାହିଁକି ନିଷ୍ପତ୍ତି ନେଲେ ସେ ବିଷୟରେ ପର୍ଦ୍ଦାଫାଶ କରିଥିଲେ । ଗତକାଲି ସନ୍ଧ୍ୟାରେ ଅଭିନେତା ଭିକ୍କିଙ୍କ ସହ ଫିଲ୍ମଫେୟାର ଆୱାର୍ଡ ୨୦୨୨ ରେ ରେଡ କାର୍ପେଟରେ ପାଦ ରଖିଥିଲେ । ଯେତେବେଳେ ଜୁମ୍ ତାଙ୍କୁ ବିବାହ ବିଷୟରେ ପଚାରିଥିଲେ, ସେ କହିଥିଲେ ଯେ ଏହା ଏକ ବ୍ୟକ୍ତିଗତ ବିଷୟ କରିବାକୁ ଚାହୁଁଥିଲେ ତାହା ନୁହେଁ ବରଂସେମାନେ କୋଭିଡ୍-୧୯(COVID-19) ପ୍ରତିବନ୍ଧକକୁ ଡରୁଥିଲେ । କ୍ୟାଟ୍ରିନା କହିଛନ୍ତି, “ମୁଁ ଭାବୁଛି ଏହାକୁ ଅଧିକ ବ୍ୟକ୍ତିଗତ ରଖିବାକୁ ଚେଷ୍ଟା କରିବା ଅପେକ୍ଷା, ଦୁର୍ଭାଗ୍ୟବଶତଃ ଆମେ କୋଭିଡ୍-୧୯(COVID-19)ର ପ୍ରଭାବରେ ଅଧିକ ସୀମିତ ରହିଯାଇଥିଲୁ । ଆପଣ ଜାଣନ୍ତି ମୋ ପରିବାର କୋଭିଡ -19 ଦ୍ୱାରା ବ୍ୟକ୍ତିଗତ ଭାବରେ ପ୍ରଭାବିତ ହୋଇଥିଲେ, ଏବଂ ଏହାକୁ କିଛି ଗୁରୁତ୍ୱପୂର୍ଣ ଭାବରେ ଗ୍ରହଣ କରିବାକୁ ପଡିଥିଲା ।

ତେବେ ସେତେବେଳେ ଟିଭି ହେଉ କି ସୋସିଆଲ ମିଡିଆ ସବୁଠି ଏହି ପ୍ରେମୀଯୁଗଳ ଅଭିନେତା ଭିକ୍କି କୌଶଲ ଏବଂ ଅଭିନେତ୍ରୀ କ୍ୟାଟ୍ରିନା କୈଫଙ୍କ ବିବାହକୁ ନେଇ ଚର୍ଚ୍ଚା ଜୋର ଧରିଥିଲା । ସେମାନେ ଦୁହେଁ ପ୍ରଥମେ କୋର୍ଟରେ ବିବାହ କରିଥିବା ବେଳେ  ଦୁହିଁଙ୍କର ପ୍ରି-ୱେଡିଙ୍ଗ ଥିମ୍ ମଧ୍ୟ ମାସ୍ନାକୁ ଆସିଥିଲା । ଡିସେମ୍ୱର ୬ ତାରିଖରେ ରାଜସ୍ଥାନ ଅଭିମୁଖେ ବିକି ଓ କ୍ୟାଟ୍ରିନା ବାହାରିଥିଲେ ଏବଂ ସେଠାରେ ୭ରୁ ଆରମ୍ଭ ହୋଇଥିଲା ବିବାହ ପୂର୍ବର କାର୍ଯ୍ୟକ୍ରମ । ରାଜସ୍ଥାନ ସିକ୍ସ ସେନ୍ସେ ସ ଫୋର୍ଟରେ ଭିକ୍କି-କ୍ୟାଟଙ୍କ ବିବାହ ଏବଂ ବିବାହ ପୂର୍ବରୁ ହେବାକୁ ଥିବା ସମସ୍ତ କାର୍ଯ୍ୟକ୍ରମ ପାଇଁ ପ୍ରସ୍ତୁତି ହୋଇଥିଲା । ଦୁହେଁ ପୁରା ଯୋଜନା କରି ସଙ୍ଗୀତ, ମେହେନ୍ଦୀ ଓ ବିବାହ ପାଇଁ ଥିମ୍ ପ୍ରସ୍ତୁତ କରିଥିଲେ । ଦୁହିଁଙ୍କ ବିବାହ ବଲିଉଡରେ  ସବୁଠୁ ଚର୍ଚ୍ଚିତ ବିବାହ ଥିଲା ।

ତେବେ କ୍ୟାଟ୍ରିନା କୈଫ୍ -ଭିକ୍କି କୌଶଲ କାହିଁକି ସେମାନଙ୍କ ବିବାହ ଖବରକୁ ଦୀର୍ଘ ସମୟ ପର୍ଯ୍ୟନ୍ତ ଲୁଚାଇ ରଖିଲେ?

ସେ ଆହୁରି ମଧ୍ୟ କହିଛନ୍ତି ଯେ ବିବାହ ସେମାନଙ୍କ ପାଇଁ ଏୟା ଥିଲା କି ଯାହା ସେମାନେ ଯୋଜନା କରିଥିଲେ ଏବଂ ସ୍ୱପ୍ନ ଦେଖିଥିଲେ। କ୍ୟାଟ୍ରିନା କହିଛନ୍ତି, “ମୁଁ ଭାବୁଛି ଚଳିତ ବର୍ଷ ଏହା ବହୁତ ଭଲ ହୋଇଛି, କିନ୍ତୁ ଏପରି କିଛି ଥିଲା ଯାହା ଫଳରେ ଆମେ ପ୍ରକୃତରେ ସତର୍କ ରହିବାକୁ ଚାହୁଁଥିଲୁ, କିନ୍ତୁ ବିବାହ ଖୁବ୍ ସୁନ୍ଦର ଥିଲା । ମୁଁ ଭାବୁଛି ଆମେ ଦୁହେଁ ବହୁତ ଖୁସି। ”

ସର୍ଦ୍ଦାର ଉଦାମରେ ଅଭିନୟ ପାଇଁ ଶ୍ରେଷ୍ଠ ଅଭିନେତା ଭାବେ ପୁରସ୍କାର ପାଇଥିବା ତାଙ୍କ ସ୍ୱାମୀ ଭିକ୍କିଙ୍କୁ ସମର୍ଥନ ଜଣାଇବା ପାଇଁ କ୍ୟାଟ୍ରିନା ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ । ଏହାସହିତ ଗତକାଲି ରାତିରେ ପୁରସ୍କାର ବିତରଣ ଉତ୍ସବରେ କ୍ୟାଟ୍ରିନା ଭିକ୍କିଙ୍କ ଗାଲରେ ମିଠା ଚୁମ୍ବନ ଦେଉଥିବାର ଏକ ଚିତ୍ର ମଧ୍ୟ ଭାଇରାଲ ହେବାରେ ଲାଗିଛି । ଏହାପୂର୍ବରୁ ମଧ୍ୟ ଏହି ଯୋଡିଙ୍କୁ ଏକାଠି ଦେଖିବାକୁ ମିଳିଥିଲା, କିନ୍ତୁ କୌଣସି ଚଳଚ୍ଚିତ୍ରରେ ନୁହେଁ । ବରଂ ଏହି ଯୋଡି ଅଗଷ୍ଟ ୨୯ ରେ ବାନ୍ଦ୍ରା ମେହବୁବ ଷ୍ଟୁଡିଓରେ ଏକ ବ୍ୟବସାୟିକ ସୁଟ୍ କରିଥିଲେ। ଏହା ସହିତ ଗଣେଷତ୍ସୋବ ଅପଲକ୍ଷେ ଭିକ୍କି ଏବଂ କ୍ୟାଟ୍ରିନା ଅର୍ପିତା ଖାନଙ୍କ ବାସଭବନରେ ଭଗବାନ ଗଣେଶଙ୍କ ଆଶୀର୍ବାଦ ନେଇଥିଲେ। ଏହି ଯୋଡି ସଲମାନ ଖାନ, ରିତିଶ ଦେଶମୁଖ, ଜେନେଲିଆ ଦେଶମୁଖ, ସୋହେଲ ଖାନ, ବରୁଣ ଶର୍ମା ଏବଂ ଅନ୍ୟମାନଙ୍କ ସହ ନଜର ଆସିଥିଲେ।

ୱାର୍କ ଫ୍ରଣ୍ଟରେ ଦେଖିବାକୁ ଗଲେ , କ୍ୟାଟ୍ରିନାଙ୍କୁ ଇଶାନ ଖଟ୍ଟର ଏବଂ ସିଦ୍ଧାର୍ଥ ଚତୁର୍ବେଦୀଙ୍କ ସହ ଭୁତ୍ ପୋଲିସରେ ଦେଖିବାକୁ ମିଳିବ। ଏହା ପରେ ସେ ଟାଇଗର-୩ ରେ ସଲମାନ ଖାନଙ୍କ ସହ ନଜର ଆସିବେ। କୈଫ୍ ଙ୍କୁ ମେରୀ କ୍ରିସମାସ୍ ରେ ବିଜୟ ସେଥୁପାଥୀଙ୍କ ସହ ଦେଖିବାକୁ ମିଳିବ । ଅନ୍ୟ ପଟେ ଭିକ୍କିଙ୍କୁ କିଆରା ଆଡଭାନୀଙ୍କ ସହ ଗୋବିନ୍ଦା ନାମ ମେରାରେ ଦେଖିବାକୁ ମିଳିବ। ତାଙ୍କୁ ଲକ୍ଷ୍ମଣ ଉଟେକରଙ୍କ ଆକ୍ଷାବିହୀନ ରୋମ-କମରେ ସାରା ଅଲି ଖାନଙ୍କ ସହ ମଧ୍ୟ ଦେଖିବାକୁ ମିଳିବ ।