France: ହିଜାବ ପରେ ବୁର୍କିନି ପାଇଁ ତେଜିଲା ବିବାଦ

ବୁର୍କିନୀ ହେଉଛି ଏକ ସ୍ୱତନ୍ତ୍ର ପ୍ରକାର ସ୍ୱିମ ସୁଟ୍ ଯାହା ମୁସଲମାନ ମହିଳା ନିଜ ଶରୀର ଘୋଡାଇବା ପାଇଁ ବ୍ୟବହାର କରିଥାନ୍ତି।

Controversy for Burkini after Burka: ମୁସଲିମ ମହିଳାଙ୍କ ପୋଷାକକୁ ନେଇ ପୁଣି ଥରେ ଫ୍ରାନ୍ସରେ ଆରମ୍ଭ ହୋଇଯାଇଛି ବିତର୍କ। ଦେଶର ଗ୍ରେନୋବଲ୍ ସହର ଗତ ସୋମବାର ମୁସଲିମ ମହିଳାଙ୍କୁ ଏକ ସରକାରୀ ସୁଇମିଂ ପୁଲ ରେ ବୁର୍କିନୀ ସମେତ ସମସ୍ତ ସ୍ୱିମ ସୁଟ୍ ପିନ୍ଧିବାକୁ ଅନୁମତି ମିଳିଛି। ଏନେଇ ଫ୍ରାନ୍ସ ମନ୍ତ୍ରୀ କହିଛନ୍ତି ଯେ ସେ ଏହି ନିଷ୍ପତ୍ତିକୁ ବିରୋଧ କରୁଛନ୍ତି ଏବଂ ଏହି ନିୟମକୁ ପରିବର୍ତ୍ତନ କରିବେ।

ବୁର୍କିନୀ ହେଉଛି ଏକ ସ୍ୱତନ୍ତ୍ର ପ୍ରକାର ସ୍ୱିମ ସୁଟ୍ ଯାହା ମୁସଲମାନ ମହିଳା ନିଜ ଶରୀର ଏବଂ କେଶକୁ ଘୋଡାଇବା ପାଇଁ ବ୍ୟବହାର କରିଥାନ୍ତି। ଅନେକ ଫରାସୀ ସମାଲୋଚକ ଏହାକୁ ଇସଲାମ ଧର୍ମର ପ୍ରତୀକ ଏବଂ ଫ୍ରାନ୍ସ ଧର୍ମନିରପେକ୍ଷ ପରମ୍ପରାକୁ ଅପମାନ କରିବା ଭଳି ଦୃଷ୍ଟିର ଦେଖୁଛନ୍ତି। ଅନେକ ଦକ୍ଷିଣପନ୍ଥୀ ଏବଂ କିଛି ନାରୀବାଦୀ ଲୋକ ଏହା ଉପରେ ପ୍ରତିବନ୍ଧକ ଲଗାଇବାକୁ ଦାବି କରୁଛନ୍ତି।

ଗତ ସୋମବାର ଗ୍ରେନୋବେଲ ଆଲପାଇନ୍ ସହରରେ ଘୋଷଣା କରାଯାଇଥିଲା ଯେ ସମସ୍ତେ ସରକାରୀ ସୁଇମିଂ ପୁଲ ରେ ନିଜ ପସନ୍ଦ ମୁତାବକ ପୋଷାକ ପିନ୍ଧି ପାରିବେ। ସମସ୍ତ ମହିଳା ବୁର୍କିନୀ ପିନ୍ଧିପାରିବେ। ବର୍ତ୍ତମାନ ପର୍ଯ୍ୟନ୍ତ ଫ୍ରାନ୍ସର ସମସ୍ତ ରାଜ୍ୟରେ ମହିଳା ପାରମ୍ପରିକ ସ୍ୱିମ୍ସୁଟ୍ ପିନ୍ଧିବା ଏବଂ ପୁରୁଷଙ୍କ ପାଇଁ ଏକ ଟ୍ରଙ୍କ୍ ପିନ୍ଧିବା ବାଧ୍ୟତାମୂଳକ ଥିଲା। ହେଲେ ଗ୍ରେନୋବଲ୍ ମେୟର ଏରିକ୍ ପିଓଲ୍ ଏହି ନିୟମ ପରିବର୍ତ୍ତନ କରିଛନ୍ତି। ସେ ଦେଶର ଜଣେ ମହାନ ନେତାଙ୍କ ମଧ୍ୟରୁ ଅନ୍ୟତମ। 

ହେଲେ ତାଙ୍କର ଏହି ନିଷ୍ପତ୍ତି ଆସିବା ପରେ ବିରୋଧୀ ତାଙ୍କୁ ବିରୋଧ କରୁଛନ୍ତି। ଯେତେବେଳେ ମେୟର ପିଓଲ୍ ଏହି ପ୍ରସ୍ତାବକୁ ଗୃହ ସମ୍ମୁଖରେ ଉଠାଇଲେ ସେତେବେଳେ ତାଙ୍କ ସମର୍ଥନରେ ୨୯ ଏବଂ ବିରୋଧରେ ୨୭ ଭୋଟ୍ ମିଳିଥିଲା। ଏହି ପ୍ରସ୍ତାବକୁ ମାତ୍ର ୨ ଖଣ୍ଡ ଭୋଟ୍ ପାଇଁ ଅନୁମୋଦନ କରାଯାଇଛି। ମେୟର ପିଓଲ୍ କହିଛନ୍ତି ଆମେ ଚାହୁଁଛୁ ଯେ ମହିଳା ଏବଂ ପୁରୁଷ ନିଜ ପସନ୍ଦ ମୁତାବକ ପୋଷାକ ପିନ୍ଧି ପାରିବେ।

ଗ୍ରେନୋବଲ୍ ମେୟର ଏରିକ୍ ପିଓଲ୍ ଙ୍କ ଏହି ନିୟମ ସାମ୍ନାକୁ ଆସିବା ପରେ ଗୃହ ମନ୍ତ୍ରୀ ଜେରାଲ୍ଡ ଡାରମୈନିନ୍ ଏହି ଘୋଷଣାକୁ ଉତ୍ତେଜକ ବୋଲି କହିଛନ୍ତି। ସେ କହିଛନ୍ତି ଯେ ଏହା ଫ୍ରାନ୍ସର ଧର୍ମନିରପେକ୍ଷ ମୂଲ୍ୟବୋଧର ବିପରୀତ। ସେ ଏହି ନିଷ୍ପତ୍ତିକୁ ଆଇନଗତ ଭାବେ ଚ୍ୟାଲେଞ୍ଜ କରିବେ। ଏହା ସହିତ ମେୟର ଙ୍କ ଘୋଷଣା ପରେ ଗ୍ରେନୋବଲ ସହରର ପୂର୍ବତନ ମେୟର ଆଲେନ୍ କାରିଗନନ୍ ମଧ୍ୟ ଏହି ପ୍ରସଙ୍ଗରେ ସ୍ଥାନୀୟ ଜନମତ ସଂଗ୍ରହ କରିବାକୁ କହିଛନ୍ତି। ଏନେଇ ସେ କହିଛନ୍ତି ଆପଣ ଏପରି ସମ୍ବେଦନଶୀଳ ବିଷୟ ଉପରେ କୌଣସି ଜବରଦସ୍ତ ନିଷ୍ପତ୍ତି ନେଇ ପାରିବେ ନାହିଁ। ଆପଣଙ୍କର କୌଣସି ବୈଧତା ନାହିଁ। ଆପଣ ଏଥିପାଇଁ ନିର୍ବାଚିତ ହୋଇନାହାଁନ୍ତି।