ଖୁବଶୀଘ୍ର ଶସ୍ତା ହେବ ପେଟ୍ରୋଲ-ଡିଜେଲ ଦାମ, ଜାଣନ୍ତୁ କଣ କହିଲେ ଅର୍ଥମନ୍ତ୍ରୀ?

ନୂଆଦିଲ୍ଲୀ: ପେଟ୍ରୋଲ ଏବଂ ଡିଜେଲ ଦରରେ କ୍ରମାଗତ ବୃଦ୍ଧି ଯୋଗୁଁ ସାଧାରଣ ଜନତା ଅଣନିଃଶ୍ୱାସୀ । ଏଥିରୁ ଟିକେ ଆଶ୍ୱସ୍ତି ପାଇଁ ମୋଦି ସରକାର ଦେବାକୁ ଯାଉଛନ୍ତି ଏକ ସରପ୍ରାଇଜ । ପ୍ରକୃତରେ ପେଟ୍ରୋଲ ଡିଜେଲର ମୁଦ୍ରାସ୍ଫୀତିରେ ସବୁଠାରୁ ବଡ ଅଂଶ ହେଉଛି କେନ୍ଦ୍ର ସରକାର ଏବଂ ରାଜ୍ୟ ସରକାରଙ୍କ ଟିକସ। ଜିଏସଟି ଅଧୀନରେ ପେଟ୍ରୋଲ ଡିଜେଲ ଆଣିବାକୁ ସରକାର ବର୍ତ୍ତମାନ ଗୁରୁତର ସହ ବିଚାର କରୁଛନ୍ତି। 

ମଙ୍ଗଳବାର ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ, GST ପରିଷଦର ପରବର୍ତ୍ତୀ ବୈଠକରେ ଦ୍ରବ୍ୟ ଏବଂ ସେବା କର ଅଧୀନରେ ପେଟ୍ରୋଲ ଏବଂ ଡିଜେଲ ଆଣିବାକୁ ପ୍ରସ୍ତାବ ଉପରେ ଆଲୋଚନା କରାଯିବା ଅତ୍ୟନ୍ତ ଖୁସିର କଥା ।ସୂଚନାଯୋଗ୍ୟ, ଯେ ପେଟ୍ରୋଲ ଡିଜେଲର ଖୁଚୁରା ମୂଲ୍ୟରେ ଭାଟ୍ ଏବଂ କେନ୍ଦ୍ର ସରକାରଙ୍କ ଏକ୍ସାଇଜ୍ ଡ୍ୟୁଟିର ଅଂଶ ୫୦ ପ୍ରତିଶତରୁ ଅଧିକ। ପେଟ୍ରୋଲରେ ୬୦ ପ୍ରତିଶତ ହେଉଛି ସରକାରଙ୍କ ଟିକସ, ଯେଉଁଥିରୁ ୩୬ ପ୍ରତିଶତ ହେଉଛି ଏକ୍ସାଇଜ୍ ଡ୍ୟୁଟି, ଯାହା କେନ୍ଦ୍ର ସରକାରଙ୍କ ଦ୍ୱାରା ଆଦାୟ କରାଯାଏ। ଡିଜେଲର ଖୁଚୁରା ମୂଲ୍ୟର ୫୩ ପ୍ରତିଶତ ମୋଟ ଟିକସ ବାଣ୍ଟିଥିବାବେଳେ ଏହାର ୩୯ ପ୍ରତିଶତ କେନ୍ଦ୍ରୀୟ ଏକ୍ସାଇଜ୍ ଡ୍ୟୁଟି ଅଟେ।

ଲୋକସଭାରେ  Finance Bill 2021 ଉପରେ ଆଲୋଚନା ବେଳେ ଅର୍ଥମନ୍ତ୍ରୀ ସୀତାରମଣ (Finance Minister Nirmala Sitharaman) କହିଛନ୍ତି ଯେ, କେନ୍ଦ୍ର ଓ ରାଜ୍ୟ ସରକାର ପେଟ୍ରୋଲ ଏବଂ ଡିଜେଲ ଉପରେ ଟିକସ ସଂଗ୍ରହ କରୁଛନ୍ତି। ତେବେ କେନ୍ଦ୍ର ଏହାର ଟିକସ ସଂଗ୍ରହର ଏକ ଅଂଶ ରାଜ୍ୟ ସହ ଅଂଶୀଦାର କରିଛି। ସେ କହିଛନ୍ତି ଯେ ମୁଁ ସଚ୍ଚୋଟ ଭାବରେ ଅନୁଭବ କରୁଛି ଯେ ଅନେକ ରାଜ୍ୟ ଏହା ଉପରେ ନଜର ରଖିବେ। ପରବର୍ତ୍ତୀ ଜିଏସଟି ପରିଷଦ ବୈଠକ (GST Meeting) ରେ ଯଦି ଏହି ପ୍ରସଙ୍ଗ ଆସେ, ତେବେ ମୁଁ ଏହାକୁ ନେଇ ଖୁସି ହେବି, ଏଥିରେ ମୋର କୌଣସି ଅସୁବିଧା ନାହିଁ ବୋଲି ସେ କହିଛନ୍ତି । ଜିଏସଟି ପରିଷଦରେ ଯାହା ନିଷ୍ପତ୍ତି ନିଆଯିବ ରାଜ୍ୟମାନେ ଆଲୋଚନା କରିବା ଉଚିତ୍।

ଖବରନୁଯାୟୀ, ପେଟ୍ରୋଲ (Petrol) ଏବଂ ଡିଜେଲକୁ (Diesel)  GST Goods and Services Taxଅଧୀନରେ ଆଣିବା ଉଚିତ ବୋଲି ଦିଲ୍ଲୀ ଏବଂ ମହାରାଷ୍ଟ୍ର ସରକାର ପୂର୍ବରୁ ପରାମର୍ଶ ଦେଇଛନ୍ତି। ଅର୍ଥମନ୍ତ୍ରୀ ସୀତାରମଣ ମଧ୍ୟ ଏହି ପରାମର୍ଶ ଦେଇସାରିଛନ୍ତି। ତେବେ ସରକାର ସଂସଦରେ ମଧ୍ୟ ସ୍ୱୀକାର କରିଛନ୍ତି ଯେ ଏଭଳି କୌଣସି ପରାମର୍ଶ ଆସିନାହିଁ ଯେଉଁଥିରେ ପେଟ୍ରୋଲ ଡିଜେଲକୁ GST ଅଧୀନରେ ଅଣାଯିବ ବୋଲି କୁହାଯାଇଛି।

ଗତ ୯ ମାସ ଧରି ପେଟ୍ରୋଲ ଏବଂ ଡିଜେଲ ମୂଲ୍ୟ କ୍ରମାଗତ ଭାବେ ବୃଦ୍ଧି ପାଉଛି, ଯଦିଓ ଗତକାଲିର ମୂଲ୍ୟରେ ୧୭ ପଇସା ହ୍ରାସ ଘଟିଛି ତଥାପି ଗ୍ରାହକ ଆସ୍ୱଶ୍ତି ଲାଭ କରିନାହାଁନ୍ତି । ଏନସିପିର ସୁପ୍ରିୟା ସୁଲେ କେନ୍ଦ୍ର ସରକାରଙ୍କୁ ଟାର୍ଗେଟ କରି କହିଛନ୍ତି ଯେ, କେନ୍ଦ୍ରର ଏକ୍ସାଇଜ୍ ଡ୍ୟୁଟି ଲିଟର ପିଛା ୩୮ ଟଙ୍କା ଥିବାବେଳେ ରାଜ୍ୟଗୁଡିକ ଲିଟର ପିଛା ୧୯ ଟଙ୍କା ଭ୍ୟାଟ୍ ଆଦାୟ କରୁଛନ୍ତି। ଏଭଳି ପରିସ୍ଥିତିରେ କେନ୍ଦ୍ର ସରକାର ପ୍ରଥମେ ଏହାର ଏକ୍ସାଇଜ୍ ହ୍ରାସ କରିବା ଉଚିତ୍।