President Election in India 2022: ପରିସଂଖ୍ୟାନ ଅନୁଯାୟୀ, ଏହି ନିର୍ବାଚନରେ ୪ ହଜାର ୮୦୯ ଜଣ ଭୋଟର ରହିବେ । ଏଥିମଧ୍ୟରେ ୭୭୬ ଲୋକସଭା ଓ ରାଜ୍ୟସଭା ସାଂସଦ ଏବଂ ସମସ୍ତ ରାଜ୍ୟର ୪ ହଜାର ୧୨୦ ଜଣ ବିଧାୟକ ଅଛନ୍ତି ।
Trending Photos
12
7
12
5 "ସାଙ୍କେତିକ ଫଟୋ")
President Election in India 2022: ଭାରତର ନିର୍ବାଚନ ଆୟୋଗ (ECI) ଗୁରୁବାର ଦିନ ରାଷ୍ଟ୍ରପତି ନିର୍ବାଚନ ତାରିଖ ଘୋଷଣା କରିଛି । ନିର୍ବାଚନ ଅଧିକାରୀ ଅପରାହ୍ନ ୩ ଟାରେ ଏକ ସାମ୍ବାଦିକ ସମ୍ମିଳନୀ କରି ଏହାର ସୂଚନା ଦେଇଛନ୍ତି । ନିର୍ବାଚନ ଆୟୋଗ ଅନୁସାରେ ୧୮ ଜୁଲାଇରେ ଭୋଟଗ୍ରହଣ ହେବ ଓ ୨୧ ଜୁଲାଇରେ ଭୋଟ ଗଣତି ହେବ । ବିଶେଷ କଥା ହେଉଛି ବର୍ତ୍ତମାନର ରାଷ୍ଟ୍ରପତି ରାମ ନାଥ କୋବିନ୍ଦଙ୍କ କାର୍ଯ୍ୟକାଳ ଜୁଲାଇ ୨୪ ରେ ଶେଷ ହେବ । ଏଥି ସହିତ, ଭାରତୀୟ ସମ୍ବିଧାନର ଧାରା ୬୨ ଅନୁଯାୟୀ, ଚଳିତ କାର୍ଯ୍ୟକାଳ ଶେଷ ହେବା ପୂର୍ବରୁ ପରବର୍ତ୍ତୀ ରାଷ୍ଟ୍ରପତିଙ୍କ ନିର୍ବାଚନ ଜରୁରୀ । ବର୍ତ୍ତମାନ ଜାଣନ୍ତୁ ରାଷ୍ଟ୍ରପତି ନିର୍ବାଚନର ପୂରା ପ୍ରକ୍ରିୟା ...
କିପରି ନିର୍ବାଚିତ ହୁଅନ୍ତି ରାଷ୍ଟ୍ରପତି?
ଭାରତରେ ରାଷ୍ଟ୍ରପତି ନିର୍ବାଚିତ ଇଲେକ୍ଟୋରାଲ କଲେଜ ସିଷ୍ଟମ ମାଧ୍ୟମରେ ହୋଇଥାଏ । ଯେଉଁଥିରେ ସାଂସଦ ଏବଂ ବିଧାୟକମାନେ ଭୋଟ ଦିଅନ୍ତି । ଏହି ସମଗ୍ର ପ୍ରକ୍ରିୟା ନିର୍ବାଚନ ଆୟୋଗଙ୍କ ତତ୍ତ୍ୱାବଧାନରେ ହୋଇଥାଏ । ଏବେ ପ୍ରଶ୍ନ ହେଉଛି ଇଲେକ୍ଟୋରାଲ କଲେଜ ସିଷ୍ଟମ କ’ଣ? ଏହା ରାଜ୍ୟସଭା ଓ ଲୋକସଭାର ନିର୍ବାଚିତ ସଦସ୍ୟମାନଙ୍କ ଦ୍ୱାରା ତିଆରି ହୋଇଥାଏ । ଏଥିସହ ଏଥିରେ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳର ବିଧାନସଭା ନିର୍ବାଚିତ ସଦସ୍ୟମାନେ ସାମିଲ ହୋଇଥାନ୍ତି ।
ପରିସଂଖ୍ୟାନ ଦୃଷ୍ଟିରୁ କହିବାକୁ ଗଲେ ଏହି ନିର୍ବାଚନରେ ୪ ହଜାର ୮୦୯ ଜଣ ଭୋଟର ରହିବେ । ଏଥିମଧ୍ୟରେ ୭୭୬ ଲୋକସଭା ଓ ରାଜ୍ୟସଭା ସାଂସଦ ଏବଂ ସମସ୍ତ ରାଜ୍ୟର ୪ ହଜାର ୧୨୦ ଜଣ ବିଧାୟକ ଅଛନ୍ତି ।
ଗୋଟିଏ ଭୋଟର ମୂଲ୍ୟ ଗୋଟିଏ ହୋଇ ନଥାଏ
ସାଂସଦ ଏବଂ ବିଧାୟକଙ୍କ ଦ୍ୱାରା ଦିଆଯାଇଥିବା ଭୋଟର ମୂଲ୍ୟ ଏକରୁ ଅଧିକ ଅଟେ । ଗୋଟିଏ ପଟେ ଲୋକସଭା ଏବଂ ରାଜ୍ୟସଭା ସାଂସଦଙ୍କ ଭୋଟର ମୂଲ୍ୟ ୭୦୮ ରହିଛି । ଏଥି ସହିତ, ଜଣେ ବିଧାୟକଙ୍କ ଭୋଟର ମୂଲ୍ୟ ରାଜ୍ୟଗୁଡିକର ଜନଗଣନା ପରି ବିଷୟ ଉପରେ ନିର୍ଭର କରେ ।
ଜଣେ ବିଧାୟକଙ୍କ ଭୋଟ୍ ଗଣିବା ପାଇଁ ରାଜ୍ୟର ଜନସଂଖ୍ୟାକୁ ବିଧାନସଭାରେ ବିଧାୟକଙ୍କ ସଂଖ୍ୟାରେ ବିଭକ୍ତ କରାଯାଇଥାଏ । ଏହି ଫଳାଫଳକୁ ୧୦୦୦ ହଜାର ଦ୍ୱାରା ବିଭକ୍ତ କରାଯାଇଥାଏ । ଯଦି ଆମେ ରାଜ୍ୟଗୁଡିକ ହିସାବରେ ଦେଖିଲେ, ତେବେ ଉତ୍ତରପ୍ରଦେଶର ଜଣେ ବିଧାୟକଙ୍କ ଭୋଟ୍ ମୂଲ୍ୟ ସର୍ବାଧିକ ୨୦୮ ରେ ରହିଛି । ଯେତେବେଳେ କି, ଅରୁଣାଚଳ ପ୍ରଦେଶରେ ଏହି ସଂଖ୍ୟା ୮ ରେ ଅଛି ।
ସମୁଦାୟ ସଂଖ୍ୟାକୁ ଥରେ ନଜର ପକାନ୍ତୁ
ଏହି ପରିପ୍ରେକ୍ଷୀରେ, ରାଜ୍ୟସଭା ଏବଂ ଲୋକସଭା ସାଂସଦଙ୍କ ପାଇଁ ଭୋଟର ମୂଲ୍ୟ ୫ ଲକ୍ଷ ୫୯ ହଜାର ୪୦୮ ଅଟେ । ଯେତେବେଳେ ବିଧାୟକଙ୍କ କ୍ଷେତ୍ରରେ ଏହି ସଂଖ୍ୟା ୫ ଲକ୍ଷ ୪୯ ହଜାର ୪୯୫ ରେ ରହିଛି । ଏଭଳି ପରିସ୍ଥିତିରେ ଇଲେକ୍ଟୋରାଲ କଲେଜ ଆକଳନ ୧୦ ଲକ୍ଷ ୯୮ ହଜାର ୮୦୩ ରେ ପହଞ୍ଚିଛି ।
କିପରି ବିଜୟୀ ହୁଅନ୍ତି ପ୍ରାର୍ଥୀ?
ଏଠାରେ ପ୍ରାର୍ଥୀ କେବଳ ସଂଖ୍ୟାଗରିଷ୍ଠତା ଆଧାରରେ ଜିତନ୍ତି ନାହିଁ, କିନ୍ତୁ ତାଙ୍କୁ ଏକ ନିର୍ଦ୍ଦିଷ୍ଟ ଭୋଟ୍ ପାଇବାକୁ ପଡିବ । ଗଣନା ସମୟରେ, ଆୟୋଗ ସମସ୍ତ ଇଲେକ୍ଟୋରାଲ୍ କଲେଜ ତରଫରୁ କାଗଜ ବାଲାଟ୍ ଦ୍ୱାରା ଦିଆଯାଇଥିବା ସମସ୍ତ ବୈଧ ଭୋଟ୍ ଗଣନା କରେ । ପ୍ରାର୍ଥୀଙ୍କୁ ମୋଟ ଭୋଟର ୫୦ ପ୍ରତିଶତ ଏବଂ ଗୋଟିଏ ଅତିରିକ୍ତ ଭୋଟ୍ ପାଇବାକୁ ପଡିବ ।
କିପରି ଏହି ଗଣନା ଭିନ୍ନ?
ସାଧାରଣ ନିର୍ବାଚନରେ ଭୋଟରମାନେ ଗୋଟିଏ ଦଳର ପ୍ରାର୍ଥୀଙ୍କୁ ଭୋଟ୍ ଦିଅନ୍ତି । ଯେତେବେଳେ କି, ଇଲେକ୍ଟୋରାଲ୍ କଲେଜରେ ଭୋଟରମାନେ ବାଲାଟ ପେପରରେ ପସନ୍ଦ କ୍ରମରେ ପ୍ରାର୍ଥୀଙ୍କ ନାମ ଲେଖନ୍ତି ।
ଏହା ବି ପଢ଼ନ୍ତୁ: ଉତ୍ତେଜନାମୂଳକ ବୟାନକୁ ନେଇ ଆକ୍ସନ ମୁଡ଼ରେ ପୋଲିସ; ଓୱେସି ଓ ନରସିଂହାନନ୍ଦଙ୍କ ବିରୋଧରେ FIR
