ତିନି ଥର ଫେଲ ହେଲା Landing, ଏକ ଘଣ୍ଟା ଧରି ବିମାନରେ ପଡ଼ିଗଲା କାନ୍ଦ ବୋବାଳି

ନୂଆଦିଲ୍ଲୀ: ସୁଖଃଦ ଓ ଶୀଘ୍ର ନିଜ ଗନ୍ତବ୍ୟସ୍ଥଳରେ ପହାଞ୍ଚାଇ ଦିଏ ବିମାନ ସେବା । ହେଲେ ବେଳେ ଏହି ସେବାରେ ତ୍ରୁଟି ଦେଖାଦେବାରୁ ଯାତ୍ରୀଙ୍କ ଜୀବନ ସଙ୍କଟରେ ପକାଇଦିଏ । ଆଜି ଏମିତି ଏକ ଘଟଣା ଘଟିଛି ଯାହାକୁ ଶୁଣିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ । ଅହମ୍ମଦାବାଦରୁ ଉଡ଼ାଣ ଭରି ଜୈସଲମେର ଯାଉଥିବା Spiceget ବିମାନରେ ଯାନ୍ତ୍ରିକ ତ୍ରୁଟି କାରଣରୁ ରନୱେରେ ଅବତରଣ କରିନପାରିବାରୁ ଦେଖାଦେଇଥିଲା ଏକ ବଡ଼ ସଙ୍କଟ । 

ବିମାନର ପାଇଲଟ ତିନି ଥର ଭିନ୍ନ ଭିନ୍ନ ପ୍ରୟାସ ସତ୍ତ୍ୱେ ଅବତରଣ କରିବାରେ ବିଫଳ ହୋଇଥିଲେ ଏବଂ ବିମାନଟି ପ୍ରାୟ ଏକ ଘଣ୍ଟା ପର୍ଯ୍ୟନ୍ତ ଆକାଶରେ ରହି ଯାତ୍ରୀମାନଙ୍କ ମଧ୍ୟରେ ଆତଙ୍କ ସୃଷ୍ଟି କରିଥିଲା । କିଛି ଯାତ୍ରୀ ଭୟରେ ଭୋ ଭୋ ହୋଇ କାନ୍ଦିବାକୁ ଲାଗିଲେ। ପରେ ବିମାନଟିକୁ ଅହମ୍ମଦାବାଦ (Ahmedabad) କୁ ଫେରାଇ ଦିଆଯାଇଥିଲା। ସେଠାରେ ବିମାନଟି ସୁରକ୍ଷିତ ଭାବେ ଅବତରଣ କରିଥିଲା । ପ୍ରାୟ ଦୁଇ ଘଣ୍ଟା ପରେ ବିମାନଟି ଅନ୍ୟ ପାଇଲଟଙ୍କ ତତ୍ତ୍ବାବଧାନରେ ଜୈସଲମେର (Jaisalmer)କୁ ପଠାଯିବା ପରେ ସେଠାରେ ସୁରକ୍ଷିତ ଭାବେ ଅବତରଣ କରିଥିଲା ।

Also Read: କଣ କଲୁରେ କଳିଯୁଗର ପୁଅ ?

ମିଳିଥିବା ସୂଚନା ଅନୁଯାୟୀ, ସ୍ପାଇସଜେଟ୍ (Spicejet) ବିମାନ ସେବା SG3012 ଶନିବାର ଦିନ ପ୍ରାୟ ୧୨.୦୫ ମିନିଟ୍ ସମୟରେ ଅହମ୍ମଦାବାଦରୁ ଜୈସଲମେର ଅଭିମୁଖେ ଉଡ଼ାଣ ଭରିଥିଲା।  ପ୍ରାୟ ୧ ଟାରେ ଏହି ବିମାନଟି ଜୈସଲମେର ବିମାନବନ୍ଦର ନିକଟରେ ପହଞ୍ଚିଥିଲା । ବିମାନକୁ ସୁରକ୍ଷିତ ଭାବେ ଅବତରଣ କରିବାକୁ ପାଇଲଟଙ୍କ ଦ୍ୱାରା ଚେଷ୍ଟା କରାଯାଇଥିଲା, କିନ୍ତୁ ସେ ଏଥିରେ ବିଫଳ ହୋଇଥିଲେ । ଏହା ପରେ ପୁଣିଥରେ ବିମାନକୁ ମଝି ଆକାଶକୁ ନେବାକୁ ପଡ଼ିଥିଲା ପରେ ବିମାନଟିକୁ ଦୁଇଟି ଭିନ୍ନ ଦିଗରେ ଅବତରଣ କରିବାକୁ ଚେଷ୍ଟା କରାଯାଇଥିଲା, କିନ୍ତୁ ଯାନ୍ତ୍ରିକ ତ୍ରୁଟି କାରଣରୁ ବିମାନ ଅବତରଣ କରିପାରିଲା ନାହିଁ। 

Also Read:  ହୋଲି ପୂର୍ବରୁ ଏହି ସରକାରୀ କର୍ମଚାରୀଙ୍କ ପାଇଁ ଖୁସି ଖବର

ଏହା ପରେ ବିମାନ (Flight)ଟି ପ୍ରାୟ ଏକ ଘଣ୍ଟା ଧରି ଆକାଶରେ ବୁଲୁଥିଲା । ଏହା ପରେ ପ୍ରାୟ ଦୁଇଟା ସମୟରେ ପାଇଲଟ୍ ବିମାନଟିକୁ ଅହମ୍ମଦାବାଦ (Ahmedabad) କୁ ଫେରାଇ ନେଇଥିଲେ। ୨.୪୦ ମିନିଟ ସମୟରେ ସେଠାରେ ସୁରକ୍ଷିତ ଭାବେ ବିମାନଟିକୁ ଅବତରଣ କରାଯାଇଥିଲା । ଏହାପରେ ସେଥିରେ ଥିବା ଯାତ୍ରୀ ନିଜେ ସୁରକ୍ଷିତ ଥିବା ନେଇ ଫଟୋ ଓ ଭିଡିଓ ସୋସିଆଲ ମିଡିଆ (Social Media) ରେ ସେୟାର କରିଥିଲେ ଯାହା ଏବେ ଖୁବ୍ ଭାଇରାଲ ହେବାରେ ଲାଗିଛି।