ମାଧ୍ୟାକର୍ଷଣ ବଳ କାମ କରୁ ନଥିବାରୁ ଏଠାରେ ଘଟେ ଅନେକ ଆଶ୍ଚର୍ଯ୍ୟଜନକ ଜିନିଷ...
Trending Photos
ପ୍ରଜ୍ଞା ପାରମିତା ପତ୍ରୀ, ଭୁବନେଶ୍ୱର: ପୃଥିବୀରେ ଏପରି ଅନେକ ଜାଗା ଅଛି ଯେଉଁଠି ଅନେକ ଆଶ୍ଚର୍ଯ୍ୟଜନକ ଜିନିଷ ଦେଖିବାକୁ ମିଳିଥାଏ । ସେହିପରି ପୃଥିବୀରେ ଏପରି ୫ଟି ସ୍ଥାନ ଅଛି ଯେଉଁଠି ମାଧ୍ୟାକର୍ଷଣ ବଳ କାମ କରେ ନାହିଁ । ମାଧ୍ୟାକର୍ଷଣ ବଳ ବିଷୟରେ ସମସ୍ତଙ୍କୁ ଊଣା ଅଧିକ ଜଣା ଥିବ । ଅତି ସରଳ ଭାଷାରେ କହିବାକୁ ଗଲେ ମାଧ୍ୟାକର୍ଷଣ ବଳ ସମସ୍ତ ବସ୍ତୁ ବା ପଦାର୍ଥକୁ ପୃଥିବୀପୃଷ୍ଠକୁ ଆକୃଷ୍ଟ କରିଥାଏ । ଉଦାହରଣ ମାଧ୍ୟାକର୍ଷଣ ବଳ ଯୋଗୁଁ ଗଛରେ ଆମ୍ବଟିଏ ତଳ ଆଡ଼କୁ ଝୁଲିକି ଥାଏ । ଝରଣାର ପାଣି ତଳକୁ ଖସିଥାଏ । ପୃଥିବୀପୃଷ୍ଠରେ ମାଧ୍ୟାକର୍ଷଣ ବଳ ଥିବାରୁ ପ୍ରାଣୀଜଗତ ଚଲାବୁଲା କରିବା ପାଇଁ ସକ୍ଷମ ହେଉଛନ୍ତି । କିନ୍ତୁ ମହାକାଶରେ ମାଧ୍ୟାକର୍ଷଣ ବଳ ନଥିବାରୁ ସମସ୍ତ ପଦାର୍ଥ ଭାସମାନ ଅବସ୍ଥାରେ ଥାଏ ।
ତେବେ ପୃଥିବୀରେ ଏପରି କିଛି ସ୍ଥାନ ଅଛି ଯେଉଁଠି ମାଧ୍ୟାକର୍ଷମ ବଳ ବା ଗ୍ରାଭିଟେସନାଲ ଫୋର୍ସ କାମ କରେ ନାହିଁ । ଜାଣନ୍ତୁ ସେହି ୫ଟି ସ୍ଥାନ ବିଷୟରେ...
ସ୍ୱର୍ଣ୍ଣିମ ଚଟାଣ, ମିୟାଁମାର
ଏହି ସ୍ୱର୍ଣ୍ଣିମ ଚଟାଣକୁ କିୟତିଆୟ ପଗଡ଼ା ବୋଲି କୁହାଯାଇଥାଏ । ଏହି ଚଟାଣକୁ ଦେଖିଲେ ଏପରି ଲାଗେ ଯେ ଚଟାଣଟି ଯେକୈଣସି ମୁହୂର୍ତ୍ତରେ ତଳକୁ ଖସି ପଡ଼ିବ । ମାତ୍ର ଆଶ୍ଚର୍ଯ୍ୟର କଥା ଯେ ଆଜିକୁ ପ୍ରାୟ ୨୫୦୦ ବର୍ଷ ହେବ ଚଟାଣଟି ଏହି ସ୍ଥାନରେ ଏହିପରି ଭାବରେ ହିଁ ରହିଛି । ଆଉ ସେଠାରେ ବସବାସ କରୁଥିବା ଲୋକଙ୍କ ବିଶ୍ୱାସ ଅନୁସାରେ ଚଟାଣ ଭିତରେ ବୌଦ୍ଧଙ୍କ ଚୁଟି ଥିବାରୁ ପଥରଟି ଏପରି ଅବସ୍ଥାରେ ରହିଛି । ମାତ୍ର ମହିଳାମାନେ ଚଟାଣର ପାଖ ମାଡ଼ିଲେ ଚଟାଣଟି ତଳକୁ ଖସି ପଡ଼ିବ ବି ଲୋକଙ୍କ ବିଶ୍ୱାସ । ଆଉ ସେଥିପାଇଁ ୨୪ ଘଣ୍ଟା ସୁରକ୍ଷାକର୍ମୀଙ୍କୁ ମୁତୟନ କରାଯାଇଥାଏ ମହିଳାଙ୍କ ପ୍ରବେଶ ନିଶେଷଦ୍ଧ ପାଇଁ । ମାତ୍ର ବିଜ୍ଞାନ ଅନୁସାରେ ଏହା ପଛରେ ଲୁଚି ରହିଥିବା ପ୍ରକୃତ କଥା ହେଉଛି ଯେ ଏହି ସ୍ଥାନରେ ପୃଥିବୀର ମାଧ୍ୟାକର୍ଷଣ ବଳ କାମ କରେ ନାହିଁ । ଆଉ ସେଥିପାଇଁ ପଥରଟି ତଳକୁ ନ ଖସି ସେହି ସ୍ଥାନରେ ହିଁ ଲାଗି ରହିଛି ।
ରିଭର୍ସ ଝରଣା, ଇଂଲଣ୍ଡ
ଏହି କଥା ଶୁଣିବାକୁ ଆଶ୍ଚର୍ଯ୍ୟ ଲାଗିପାରେ ଯେ ଏଠି ଝରଣାର ପାଣି ଉପର ଦିଗକୁ ଉଠିଥାଏ । ମାତ୍ର ଏହି କଥାଟି ସମ୍ପୂର୍ଣ୍ଣ ସତ । ଇଂଲଣ୍ଡର ଦରବାଏସିରେ ଜିଲ୍ଲାର ହାଏଫିଲ୍ଡ ନିକଟରେ ରହିଛି ଏପରି ଏକ ଝରଣା ଯାହାର ପାଣି ତଳଆଡ଼କୁ ନଖସି ଉପର ଆଡ଼କୁ ବୋହିଥାଏ । ଏହି ସ୍ଥାନରେ ଏହା ଦେଖିବାକୁ ମିଳେ ଯେ କିନ୍ଦର ନଦୀର ପାଣି କିଛି ସ୍ଥାନ ଯାଏ ତଳକୁ ଖସିବା ପରେ ପରବର୍ତ୍ତି ସ୍ଥାନରେ ତାହା ଓଲଟା ଦିଗକୁ ଅର୍ଥାତ ତଳୁ ଉପର ଆଡ଼କୁ ବୋହିଥାଏ । ଆଉ ଏହି ସମସ୍ତ ପ୍ରକ୍ରିୟା ହେବା ପଛର କାରଣ ମାଧ୍ୟାକର୍ଷଣ ଶକ୍ତିର ଅନୁପସ୍ଥିତି । ଏହି ସ୍ଥାନରେ ମାଧ୍ୟାକର୍ଷଣ ବଳ କାମ କରୁନଥିବାରୁ ଏବଂ ପବନର ଚାପ ଅଧିକ ଥିବାରୁ ପାଣି ଉପର ପଟକୁ ବା ଅଲଟା ଭାବେ ବୋହିଥାଏ । ଏହି ସ୍ଥାନ ଏକ ବିଶିଷ୍ଟ ପର୍ଯ୍ୟଟନ ସ୍ଥଳୀଭାବେ ମାନ୍ୟତା ପାଇଛି ।
ଓରିଗନ ଭୋରଟେକ୍ସ, ରହସ୍ୟମୟ ଘର
ଏହି ସ୍ଥାନଟି ବର୍ତ୍ତମାନ ପ୍ରସିଦ୍ଧ ପର୍ଯ୍ୟଟନ ସ୍ଥଳୀ ଭାବେ ପରିଗଣିତ ହେଉଛି । ଏହି ସ୍ଥାନକୁ ବିଭିନ୍ନ ଦେଶର ଲୋକେ ଅସାଧାରଣ ଜିନିଷର ଅନୁଭବ କରିବା ପାଇଁ ଆସିଥାଏ । ଫଟୋରେ ଥନି ଘରଟି ଓରିଗନର ଗୋଲ୍ଡ ହିଲ ପାଖରେ ଅବସ୍ଥିତ । ଏହି ଘରେ ଏପରି ଏକ ଝାଡ଼ୁ ରହିଛି ଯେଉଁ ଝାଡ଼ୁ କେବେ ତଳେ ପଡ଼େ ନାହିଁ । ତାକୁ ଲମ୍ୱା ଭାବେ ତଳେ ଶୁଆଇବାକୁ ଚୋଷ୍ଟା କଲେ ମଧ୍ୟ ତାହା ତଳେ ପଡ଼ିନଥାଏ । ଏବଂ ସେଠାକୁ ଯାଉଥିବା କୈଣସି ଲୋକ ତଳେ ପଡ଼ନ୍ତି ନାହିଁ ।
ହୁବର ଡ୍ୟାମ, ନେବଦା
୧୯୪୭ ମସିହା ପର୍ଯ୍ୟନ୍ତ ଏହି ଡ୍ୟାମକୁ ବୁଲଡର ଡ୍ୟାମ ବୋଲି କୁହାଯାଉଥିଲା । ଡ୍ୟାମର ଲମ୍ୱ ୭୨୬.୪ ଫୁଟ । ଏହି ସ୍ଥାନରେ ଗ୍ରାଭିଟି କାମ କରୁଛି କି ନାହିଁ ତାହା ଜାଣିବା ପାଇଁ ଏକ ସରଳ ପରୀକ୍ଷା କରିବା ପାଇଁ ପଡ଼ିବ । ଡ୍ୟାମରେ ବୋତଲେ ପାଣିକୁ ତଳକୁ ପକାଇଲେ ତାହା ତଳେ ନପଡ଼ି ଉପର ଆଡ଼କୁ ଉଠିଥାଏ । ଏହି ଡ୍ୟାମଟି ଆମେରିକାର ଦୁଇଟି ରାଜ୍ୟ ନିର୍ମାଣ କରିଥିଲେ ।
ରିଭର୍ସ ଝରଣା, ଭାରତ
ଇଂଲଣ୍ଡ ପରି ଭାରତରେ ମଧ୍ୟ ଏପରି ଏକ ଓଲଟା ଝରଣା ରହିଛି ଯେଉଁଠି ପାଣି ତଳକୁ ଝରିବା ବଦଳରେ ଉପରକୁ ଉଠିଥାଏ । ଏହି ଝରଣା ଥିବା ସ୍ଥାନ ନିକଟକୁ ଯିବା ପାଇଁ ମୁମ୍ୱାଇରୁ ୩ ଘଣ୍ଟାର ସମୟ ଲାଗିଥାଏ । ଏହି ଝରଣାଟି ନୈନିଘାଟରେ ଅଛି ।
ଯଦି ଆପଣ ବି କିଛି ଏହିପରି ସ୍ଥାନକୁ ବୁଲି ଯାଇଛନ୍ତି ଯେଉଁଠି ମାଧ୍ୟାକର୍ଷମ ଶକ୍ତି କାମ କରେ ନାହିଁ ତେବେ ତାହା ସମସ୍ତଙ୍କୁ ଜଣାନ୍ତୁ ।