Bengal Bypolls: ମମତା ବାନାର୍ଜୀଙ୍କ ପାଖରେ ରହିଛି ଏତିକି ସମ୍ପତ୍ତି, ନିର୍ବାଚନ ଆଫିଡେଭିଟରେ ହେଲା ଖୁଲାସା

ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଆଗାମୀ ଭବାନୀପୁର ଉପ-ନିର୍ବାଚନରେ ତୃଣମୂଳ କଂଗ୍ରେସ (TMC) ପାର୍ଟିରୁ ପ୍ରତିଦ୍ୱନ୍ଦିତା କରୁଛନ୍ତି । ତାଙ୍କୁ ଏହି ନିର୍ବାଚନରେ ବିଜେପିରୁ ପ୍ରିୟଙ୍କା ଟେବ୍ରୁୱାଲ ଟକ୍କର ଦେଉଛନ୍ତି ।

କୋଲକାତା: ପଶ୍ଚିମବଙ୍ଗରେ ବିଧାନସଭା ଉପ-ନିର୍ବାଚନର (West Bengal Bypolls) ବିଗୁଲ ବାଜି ସାରିଛି । ରାଜ୍ୟର ମୁଖ୍ୟମନ୍ତ୍ରୀ ମମତା ବାନାର୍ଜୀ ନିଜେ ତୃଣମୂଳ କଂଗ୍ରେସର (TMC) ପତାକା ଉଡ଼ାଇବାକୁ ଭବାନୀପୁର ନିର୍ବାଚନରୁ ଲଢ଼ୁଛନ୍ତି । ଏଥି ସହ ତାଙ୍କୁ କଡ଼ା ଟକ୍କର ଦେବା ପାଇଁ ବିଜେପି (BJP) ଜୋରଦାର ପ୍ରସ୍ତୁତି ଚଳାଇଛି । ଏହି ଉପ-ନିର୍ବାଚନରେ ବିଜେପି ପ୍ରସିଦ୍ଧ ଓକିଲ ପ୍ରିୟଙ୍କା ଟେବ୍ରୁୱାଲଙ୍କୁ ମମତାଙ୍କ ବିପକ୍ଷରେ ଠିଆ କରାଇଛି ।

ମମତା ବାନାର୍ଜୀଙ୍କ ପାଖରେ ଏତିକି ସମ୍ପତ୍ତି 
୩୦ ସେପ୍ଟେମ୍ବରରେ ହେବାକୁ ଥିବା ଉପ-ନିର୍ବାଚନକୁ ନେଇ ମମତା ବାନାର୍ଜୀ ସମ୍ପୂର୍ଣ୍ଣ ଆତ୍ମବିଶ୍ୱାସୀ ମନେ ହେଉଛନ୍ତି । ସେ ଭବାନୀପୁରରୁ ମଧ୍ୟ ନିଜର ପାର୍ଥିପତ୍ର ଦାଖଲ କରିଛନ୍ତି । ଏଥି ସହିତ ବିଜେପି ନେତାମାନେ ମଧ୍ୟ ସେମାନଙ୍କର ଦାବିକୁ ଦୃଢ଼ କରିବାକୁ ଚେଷ୍ଟା କରୁଛନ୍ତି । ଏହି ସମୟରେ, ନିର୍ବାଚନ ଆୟୋଗ (EC) କୁ ଦିଆଯାଇଥିବା ଆଫିଡେଭିଟ୍ ଅନୁଯାୟୀ ସିଏମ୍ ମମତା ବାନାର୍ଜୀଙ୍କୁ ପ୍ରାୟ ୬୯,୨୫୫ ଟଙ୍କା ନଗଦ ଟଙ୍କା ଥିବା ସୂଚନା ଦିଆଯାଇଛି । ବାସ୍ତବରେ ନନ୍ଦିଗ୍ରାମ ବିଧାନସଭା ନିର୍ବାଚନ ପୂର୍ବରୁ ମମତାଙ୍କ ତରଫରୁ ଏହି ଆଫିଡେଭିଟ୍ ଦାଖଲ କରାଯାଇଥିଲା । ଏହାପରେ ସେ ବ୍ୟାଙ୍କ ଆକାଉଣ୍ଟରେ ପ୍ରାୟ ୧୨ ଲକ୍ଷ, ୨ ହଜାର ୩୫୬ ଟଙ୍କା ଜମା ଦେଖାଇଥିଲେ । ମୁଖ୍ୟମନ୍ତ୍ରୀଙ୍କ ପାଖରେ ଜାତୀୟ ସଞ୍ଚୟ ପ୍ରମାଣପତ୍ର (NSC) ଆକାରରେ ୧୮,୪୯୦ ଟଙ୍କା ନିବେଶ ଅଛି । ଅନ୍ୟ ପଟେ, ଯଦି ଆମେ ଅଳଙ୍କାର ବିଷୟରେ କଥା ହେଉ, ତେବେ ମମତାଙ୍କ ପାଖରେ କେବଳ ୯ ଗ୍ରାମର ଅଳଙ୍କାର ଅଛି ।

ଅଧିକ ପଢ଼ନ୍ତୁ: ଭଲ ଖବର! କୃଷକଙ୍କ ଆକାଉଣ୍ଟରେ ଆସିବ ୪୦୦୦ ଟଙ୍କା, ଜାଣନ୍ତୁ କେବେ ପାଇବେ ଏହାର ଲାଭ?

ମମତାଙ୍କ ଜିତିବା ଜରୁରୀ
ଚଳିତ ବର୍ଷ ୨ ମେ'ରେ ରାଜ୍ୟର ନିର୍ବାଚନ ଫଳାଫଳ ଘୋଷଣା ବେଳେ ମମତା ବାନାର୍ଜୀଙ୍କୁ ତାଙ୍କ ପୁରୁଣା ସହକର୍ମୀ ଶୁଭେନ୍ଦୁ ଅଧିକାରୀଙ୍କ ହାତରେ ପରାଜୟର ସମ୍ମୁଖୀନ ହେବାକୁ ପଡିଥିଲା । ଶୁଭେନ୍ଦୁ ଅଧିକାରୀ ମମତା ବାନାର୍ଜୀଙ୍କୁ ୧ ହଜାର ୯୫୬ ଭୋଟରେ ପରାସ୍ତ କରିଥିଲେ । ଏହା ସତ୍ତ୍ୱେ ରାଜ୍ୟରେ ଟିଏମସିର ବମ୍ପର ବିଜୟ କାରଣରୁ ସେ ସିଏମ ଭାବେ ଶପଥ ଗ୍ରହଣ କରିଥିଲେ । ସାମ୍ବିଧାନିକ ବ୍ୟବସ୍ଥା ଅନୁଯାୟୀ ତାଙ୍କୁ ଛଅ ମାସ ମଧ୍ୟରେ ଗୃହକୁ ନିର୍ବାଚିତ ହେବାକୁ ପଡିବ, ତେଣୁ ସେ ଏଥର ଭବାନୀପୁରରୁ ଭାଗ୍ୟ ପରୀକ୍ଷା କରୁଛନ୍ତି ।

ଅଧିକ ପଢ଼ନ୍ତୁ: ମଥୁରା-ବୃନ୍ଦାବନକୁ ଘୋଷଣା କରାଗଲା ତୀର୍ଥସ୍ଥାନ, ମଦ ଓ ମାଂସ ବିକ୍ରୟ ଉପରେ ଲାଗିଲା ପ୍ରତିବନ୍ଧକ 

'ଦିଦି'ଙ୍କୁ ଚ୍ୟାଲେଞ୍ଜ କରୁଥିବା ପ୍ରିୟଙ୍କା କିଏ?
ମମତା ବାନାର୍ଜୀଙ୍କ ସାମ୍ନାରେ ବିଜେପି ପକ୍ଷରୁ ଲଢ଼ୁଥିବା ପ୍ରିୟଙ୍କା ଟେବ୍ରୁୱାଲ ବୃତ୍ତି ଅନୁଯାୟୀ ଜଣେ ଓକିଲ, ଯିଏକି ବିଜେପି ଯୁବା ମୋର୍ଚ୍ଚାର ଉପାଧ୍ୟକ୍ଷ ମଧ୍ୟ ଅଟନ୍ତି । ପ୍ରିୟଙ୍କା ୨୦୧୪ ରେ ବିଜେପିରେ ଯୋଗ ଦେଇଥିଲେ । ପ୍ରିୟଙ୍କା ହାଇକୋର୍ଟର ଜଣେ ଜଣାଶୁଣା ଓକିଲ ଯିଏକି ବିଜେପି ସାଂସଦ ବାବୁଲ ସୁପ୍ରିଓଙ୍କ ଆଇନ ପରାମର୍ଶଦାତା ମଧ୍ୟ ରହିଛନ୍ତି ।