ପିଏଫଆଇ ପକ୍ଷରୁ କୁହାଯାଇଛି ସଙ୍ଗଠନ ବିରୋଧରେ ଆସିଥିବା ଅଭିଯୋଗ ଏ ପର୍ଯ୍ୟନ୍ତ ପ୍ରମାଣିତ ହୋଇନାହିଁ।
Trending Photos
5
13
5
10 "ହିଜାବ ସମର୍ଥନରେ ରାଲି କରି ବିବାଦରେ ମୌଳବାଦୀ ସଙ୍ଗଠନ PFI; ଜାଣନ୍ତୁ କାରଣ")
ଜୟପୁର: କର୍ଣ୍ଣାଟକ ଉଡୁପି ଜିଲ୍ଲାରୁ ଆରମ୍ଭ ହୋଇଥିବା ହିଜାବ ବିବାଦ ଏବେ ରାଜସ୍ଥାନ ଠାରେ ପହଞ୍ଚିଛି। ବିବାଦୀୟ ତଥା ମୌଳବାଦୀ ସଙ୍ଗଠନ ପପୁଲାର୍ ଫ୍ରଣ୍ଟ ଅଫ୍ ଇଣ୍ଡିଆ ଗୁରୁବାର କୋଟା ଠାରେ ହିଜାବ ସମର୍ଥନରେ ଏକ ପଦଯାତ୍ରା କରିଛି। ବିଜେପି ଏହାକୁ ବିରୋଧ କରି ରାଜ୍ୟରେ କ୍ଷମତାସୀନ କଂଗ୍ରେସ ସରକାର ତୁଷ୍ଟିକରଣ ରାଜନୀତି କରୁଥିବା ନେଇ ଅଭିଯୋଗ କରିଛି। ଭୋଟ୍ ବ୍ୟାଙ୍କ ରାଜନୀତି ପାଇଁ କଂଗ୍ରେସ ଏଭଳି ଏକ ସଙ୍ଗଠନକୁ ରାଲି କରିବାକୁ ଅନୁମତି ଦିଆଯାଇଥିବା ଦଳ ପକ୍ଷରୁ କୁହାଯାଇଛି।
ଏନେଇ ପପୁଲାର୍ ଫ୍ରଣ୍ଟ ଅଫ୍ ଇଣ୍ଡିଆ (Popular Front of India) ପିଏଫଆଇ (PFI) ପକ୍ଷରୁ କହାଯାଇଛି ସଙ୍ଗଠନକୁ ୭୫ ବର୍ଷ ପୂର୍ଣ୍ଣ ହୋଇଛି। ସେ ନେଇ ସଙ୍ଗଠନ ପକ୍ଷରୁ ବିଭିନ୍ନ ସ୍ଥାନରେ ରାଲି କରାଯାଉଛି। କୋଟା ଠାରେ କରାଯାଇଥିବା ରାଲି ପାଇଁ ଜିଲ୍ଲା ପ୍ରଶାସନ ଅନୁମତି ଦେଇଛି। ହିଜାବ ଆମ ଲାଗି କୌଣସି ପ୍ରସଙ୍ଗ ନୁହେଁ। ଏହା ହେଉଛି ଆମର ସାମ୍ବିଧାନିକ ଅଧିକାର। ଆମେ ସାମ୍ବିଧାନିକ ଅଧିକାରକୁ ଛାଡି଼ ପାରିବୁ ନାହିଁ ବୋଲି କହିଛନ୍ତି ପିଏଫଆଇ କୋଟା ଜିଲ୍ଲା ଅଧ୍ୟକ୍ଷ ସାଜିଦ ଖାନ। ଏହା ସହିତ ପିଏଫଆଇ କହିଛି ଯେ ସଙ୍ଗଠନ ବିରୋଧରେ ଆସିଥିବା ଅଭିଯୋଗ ଏ ପର୍ଯ୍ୟନ୍ତ ପ୍ରମାଣିତ ହୋଇନାହିଁ।
ଏ ପ୍ରସଙ୍ଗରେ ପ୍ରତିକ୍ରିୟା ରଖି ବିଜେପି (BJP) ପକ୍ଷରୁ କୁହାଯାଇଛି ଅନେକ ରାଜ୍ୟରେ ପିଏଫଆଇ ଭଳି ଏକ ମୌଳବାଦୀ ସଙ୍ଗଠନ ଉପରେ ପ୍ରତିବନ୍ଧକ ଲଗାଯାଇଛି। ଏଭଳି ସଙ୍ଗଠନକୁ ରାଲି କରିବାକୁ ଅନୁମତି ଦେବା ତୁଷ୍ଟିକରଣ ରାଜନୀତି କରିବା ବ୍ୟତୀତ ଅନ୍ୟ କିଛି ନୁହେଁ।
ରାଜ୍ୟରେ ପିଏଫଆଇ ଭଳି ଏକ ସଙ୍ଗଠନ ପକ୍ଷରୁ ରାଲି ଆୟୋଜନ କରାଯିବା ଘଟଣାରେ ମତ ରଖି ରାଜସ୍ଥାନ ବିଜେପି ସଭାପତି ସତୀଶ ପୁନିଆ କହିଛନ୍ତି ମୋତେ ଏହା ଲାଗୁନାହିଁ ପିଏଫଆଇ ଭଳି ଏକ ସଙ୍ଗଠନର ଉଦ୍ଦେଶ୍ୟ ହେଉଛି ଗଣତନ୍ତ୍ରକୁ ବଞ୍ଚାଇବା। ଅନେକ ସ୍ଥାନରେ ଏହାକୁ ନିଷେଧ କରାଯାଇଛି। ଦେଶ ବିରୋଧୀ କାର୍ଯ୍ୟକଳାପରେ ସମ୍ପୃକ୍ତ ଥିବା ନେଇ ଏହି ସଙ୍ଗଠନ ବିରୋଧରେ ଅଭିଯୋଗ ରହିଛି। ହିଜାବ ପ୍ରସଙ୍ଗ ବ୍ୟତୀତ ଦେଶରେ ଅନେକ ପ୍ରସଙ୍ଗ ଅଛି ଯାହା ଉପରେ ଆଲୋଚନା ହେବା ଆବଶ୍ୟକ। ପିଏଫଆଇ ଭଳି ଏକ ସଂସ୍ଥାକୁ ରାଲି ଆୟୋଜନ କରିବା ଭଳି କାର୍ଯ୍ୟକ୍ରମ କରିବାକୁ ଅନୁମତି ଦିଆଯିବା ଆବଶ୍ୟକ ନାହିଁ ତାହା ମୁଁ ଜାଣେ ନାହିଁ। ଏପରି କାର୍ଯ୍ୟକ୍ରମ ସମାଜ ପାଇଁ ବିପଦ।
Also Read: Charitable Organization ମାନ୍ୟତା ହରାଇଲା PFI; କାର୍ଯ୍ୟକଳାପ ଉପରେ ରହିବ ସତର୍କ ନଜର
ଏହା ସହିତ ପିଏଫଆଇ କହିଛି ଯେ ସଙ୍ଗଠନ ବିରୋଧରେ ଆସିଥିବା ଅଭିଯୋଗ ଏ ପର୍ଯ୍ୟନ୍ତ ପ୍ରମାଣିତ ହୋଇନାହିଁ।
ପିଏଫଆଇ ବିରୋଧରେ ରହିଥିବା ଅଭିଯୋଗ
ପିଏଫଆଇ କ'ଣ?
କାହିଁକି ପିଏଫଆଇ ବିରୋଧରେ ଉଠୁଛି ପ୍ରଶ୍ନ?
ପିଏଫଆଇ ଭଳି ଏକ ସଙ୍ଗଠନ ଉପରେ ସମ୍ପୂର୍ଣ୍ଣ ପ୍ରତିବନ୍ଧକ ଲଗାଇଛନ୍ତି ଝାଡ଼ଖଣ୍ଡ ସରକାର। ହେଲେ ଉତ୍ତର ପ୍ରଦେଶ, ଆସାମ, କର୍ଣ୍ଣାଟକ, କେରଳ ଭଳି ରାଜ୍ୟରେ ଏହି ସଙ୍ଗଠନ ଉପରେ କଟକଣା ଲଗାଇବା ପାଇଁ ଆରମ୍ଭ ହୋଇଯାଇଛି ପ୍ରସ୍ତୁତି।
