Suryakumar Yadav Century: ଶେଷ ବଲରେ ଛକା ମାରି ନିଜର ପ୍ରଥମ ଆଇପିଏଲ ଶତକ ପୂରା କଲେ ସୂର୍ଯ୍ୟକୁମାର ଯାଦବ, ଦେଖନ୍ତୁ ଭିଡିଓ

Suryakumar Yadav Century 1st IPl century: ସପ୍ତମ ଓଭରରେ ରୋହିତ ଶର୍ମାଙ୍କ ଆଉଟ ହେବା ପରେ ସୂର୍ଯ୍ୟକୁମାର ଯାଦବ କ୍ରିଜକୁ ଆସିଥିଲେ ଓ ପ୍ରଥମ ଇନିଂସ ଶେଷ ପର୍ଯ୍ୟନ୍ତ ଅପରାଜିତ ରହିଥିଲେ । ତାଙ୍କ ଇନିଂସ ଆଧାରରେ ମୁମ୍ବାଇ ୨୧୮ ରନ୍ ସ୍କୋର କରିଥିଲା ।

Suryakumar Yadav Century: ସୂର୍ଯ୍ୟକୁମାର ଯାଦବ ନିଜ ଆଇପିଏଲ କ୍ୟାରିୟରରେ ପ୍ରଥମ ଥର ପାଇଁ ଏକ ଶତକ ହାସଲ କରିଛନ୍ତି । ଗୁଜୁରାଟ ଟାଇଟାନ୍ସ ବିପକ୍ଷ ଇନିଂସର ଶେଷ ବଲରେ ଏକ ଛକା ମାରି ମୁମ୍ବାଇ ଇଣ୍ଡିଆନ୍ସର ଷ୍ଟାର ବ୍ୟାଟ୍ସମ୍ୟାନ୍ ଜବରଦସ୍ତ ଶତକ ମାରିଥିଲେ । ସୂର୍ଯ୍ୟ ୪୯ଟି ବଲରେ ନିଜ ଶତକ ପୂରଣ କରିଥିଲେ । ଏହି ବିସ୍ଫୋରକ ଶତକ ଆଧାରରେ ମୁମ୍ବାଇ ୫ ୱିକେଟ୍ ହରାଇ ୨୧୮ ରନ୍ ସଂଗ୍ରହ କରିଥିଲା । ଗତ ଏକ ବର୍ଷରେ ଟି-୨୦ କ୍ରିକେଟରେ ସୂର୍ଯ୍ୟଙ୍କର ଏହା ହେଉଛି ଚତୁର୍ଥ ଶତକ । ଏହା ସହିତ ସୂର୍ଯ୍ୟ ସଚିନ ତେନ୍ଦୁଲକରଙ୍କ ପରି ଏକ ଅଦ୍ଭୁତ କାର୍ଯ୍ୟ କରିଥିଲେ ।

ୱାନ୍ଖେଡେ ଷ୍ଟାଡିୟମରେ କ୍ରମାଗତ ଭାବରେ ଚମତ୍କାର ବ୍ୟାଟିଂ କରୁଥିବା ମୁମ୍ବାଇ ଇଣ୍ଡିଆନ୍ସ ପୁଣି ଥରେ ଏହି ପ୍ରଦର୍ଶନ ଜାରି ରଖିଛି । ଅଧିନାୟକ ରୋହିତ ଶର୍ମା ଓ ଇଶାନ କିଶନଙ୍କ ଜୋରଦାର ଆରମ୍ଭ ପରେ ସୂର୍ଯ୍ୟକୁମାର ଯାଦବ ଦଳର ରନ ଆଗକୁ ବଢ଼ାଇବରେ ମହତ୍ୱପୂର୍ଣ୍ଣ ଦାୟିତ୍ୱ ନିଭାଇଥିଲେ ଓ ସେ ନିଜ ଶୈଳୀରେ ବ୍ୟାଟିଂ କରି ଗୁଜୁରାଟର ବୋଲରମାନଙ୍କୁ ଅସହାୟ କରି ଦେଇଥିଲେ।

A moment to remember for Suryakumar Yadav.

What a knock, one of the best ever. pic.twitter.com/s2ZgFYqXRC

— Johns. (@CricCrazyJohns) May 12, 2023

ଶେଷ ବଲରେ ଛକା ମାରି ପୂରା କରିଥିଲେ ଶତକ
ସୂର୍ଯ୍ୟକୁମାର ଯାଦବ ରନ୍‌ର ଗତି ମନ୍ଥର ହେବାକୁ ଦେଇନଥିଲେ ଓ ଏହି ସିଜିନର ପଞ୍ଚମ ଅର୍ଦ୍ଧଶତକକୁ ମାତ୍ର ୩୨ ବଲରେ ପୂରା କରିଥିଲେ । ଏହା ପରେ ମଧ୍ୟ ସୂର୍ଯ୍ୟକୁମାରଙ୍କ ବ୍ୟାଟରୁ ଜୋରଦାର ରନ ବର୍ଷା ହୋଇଥିଲା। ଏକ ସମୟରେ ମୁମ୍ବାଇର ସ୍କୋର ୨୦୦ ରୁ କମ୍ ହେବା ପରି ମନେ ହେଉଥିଲା, କିନ୍ତୁ ଶେଷ ୩ ଓଭରରେ ସୂର୍ଯ୍ୟଙ୍କ ବ୍ୟାଟ୍ ଏପରି ରନ ବର୍ଷା କରିଥିଲା ଯେ ମୁମ୍ବାଇ ୨୦୦ ସ୍କୋର ସହଜରେ ଅତିକ୍ରମ କରି ଦେଇଥିଲା । ଶେଷ ଓଭରରେ ସୂର୍ଯ୍ୟଙ୍କୁ ତାଙ୍କ ଶତକ ପୂରଣ କରିବାକୁ ୧୩ ରନ୍ ଆବଶ୍ୟକ ଥିଲା । ସେ ଆଇପିଏଲରେ ନିଜର ପ୍ରଥମ ଶତକ ଅଲଜାରି ଜୋସେଫଙ୍କ ଶେଷ ବଲକୁ ମିଡୱିକେଟରେ ଛକା ମାରି ପୂରା କରିଥିଲେ ।

ସଚିନ ତେନ୍ଦୁଲକରଙ୍କ ରେକର୍ଡ ସହ ହେଲେ ସମକକ୍ଷ
ସୂର୍ଯ୍ୟ ଏହି ଉଜ୍ଜ୍ୱଳ ଶତକକୁ ମାତ୍ର ୪୯ ବଲରେ ୧୧ ଚୌକା ଓ ୬ ଛକା ସହ ପୂରା କରିଥିଲେ । ଏହା ହେଉଛି ଆଇପିଏଲ୍ ୨୦୨୩ ର ଚତୁର୍ଥ ଶତକ । ଏଥି ସହିତ କ୍ରମାଗତ ଦ୍ୱିତୀୟ ମ୍ୟାଚରେ ୱାନ୍ଖଡେ ଷ୍ଟାଡିୟମରେ ଏକ ଶତକ ସ୍କୋର ଦେଖିବାକୁ ମିଳିଛି । ଏହାପୂର୍ବରୁ ରାଜସ୍ଥାନ ରୟାଲ୍ସ ଓପନର୍ ଯଶସ୍ୱି ଜୌସୱାଲ ଏକ ଶତକ ହାସଲ କରିଥିଲେ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ୨୦୧୧ ରେ ସଚିନ ତେନ୍ଦୁଲକରଙ୍କ ଶତକ ପରେ ପ୍ରଥମ ଥର ପାଇଁ ମୁମ୍ବାଇର ଜଣେ ବ୍ୟାଟ୍ସମ୍ୟାନ୍ ୱାନ୍ଖଡେରେ ଏକ ଶତକ ହାସଲ କରିଛନ୍ତି ।