IND vs SA 2nd ODI: ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ତିନି ମ୍ୟାଚ୍ ବିଶିଷ୍ଟ ODI ସିରିଜର ଦ୍ୱିତୀୟ ମ୍ୟାଚ୍ ମଙ୍ଗଳବାର ଦିନ (୧୯ ଡିସେମ୍ବର ୨୦୨୩) ଗାରେବାରର ସେଣ୍ଟ ଜର୍ଜ ପାର୍କ ଷ୍ଟାଡିୟମରେ ଖେଳାଯିବ । ପ୍ରଥମ ODI ରେ ଭାରତୀୟ ଦଳ ଚମତ୍କାର ପ୍ରଦର୍ଶନ କରି ଦକ୍ଷିଣ ଆଫ୍ରିକାକୁ ୮ ୱିକେଟରେ ପରାସ୍ତ କରିଥିଲା ।
Trending Photos
12
5
12
12 "IND vs SA 2nd ODI")
IND vs SA 2nd ODI Playing 11 Predicted: ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ତିନି ମ୍ୟାଚ୍ ବିଶିଷ୍ଟ ODI ସିରିଜର ଦ୍ୱିତୀୟ ମ୍ୟାଚ୍ ୧୯ ଡିସେମ୍ବର ୨୦୨୩ ଅର୍ଥାତ୍ ମଙ୍ଗଳବାର ଦିନ ଗାରେବାରର ସେଣ୍ଟ ଜର୍ଜ ପାର୍କ ଷ୍ଟାଡିୟମରେ ଖେଳାଯିବ। ଦିନକିଆ ସିରିଜରେ କେଏଲ ରାହୁଲ ଟିମ୍ ଇଣ୍ଡିଆର ଅଧିନାୟକ ଅଛନ୍ତି । ପ୍ରଥମ ଦିନିକିଆରେ ଭାରତୀୟ ଦଳ ଦକ୍ଷିଣ ଆଫ୍ରିକାକୁ ୮ ୱିକେଟରେ ପରାସ୍ତ କରିଛି । ଡେବ୍ୟୁ କରିଥିବା ସାଇ ସୁଦର୍ଶନ ପ୍ରଥମ ODI ରେ ଏକ ଚମତ୍କାର ଇନିଂସ ଖେଳିଥିଲେ । ସେ ଅପରାଜିତ ୫୫ ରନ୍ ସଂଗ୍ରହ କରି ଭାରତର ବିଜୟରେ ଏକ ଗୁରୁତ୍ୱପୂର୍ଣ୍ଣ ଅବଦାନ ରଖିଥିଲେ । ଏଭଳି ପରିସ୍ଥିତିରେ କେଏଲ ରାହୁଲ ଦ୍ୱିତୀୟ ଦିନିକିଆ ମ୍ୟାଚରେ ପ୍ଲେଇଂ-11 ରେ ପରିବର୍ତ୍ତନ କରୁଥିବା ଦେଖିବାକୁ ମିଳିବ ।
ଡେବ୍ୟୁ କରିବାର ସୁଯୋଗ ପାଇବେ ଏହି ଖେଳାଳୀ
ଶ୍ରେୟସ୍ ଆୟରଙ୍କୁ ଭାରତ ବନାମ ଦକ୍ଷିଣ ଆଫ୍ରିକାର ଦ୍ୱିତୀୟ ODI ମ୍ୟାଚରେ ଖେଳୁଥିବା ଦେଖିବାକୁ ମିଳିବ ନାହିଁ, କାରଣ ସେ ଟେଷ୍ଟ ଦଳର ଏକ ଅଂଶ । ଏଭଳି ପରିସ୍ଥିତିରେ ସେ ଟେଷ୍ଟ ମ୍ୟାଚ୍ ପାଇଁ ପ୍ରସ୍ତୁତି ଆରମ୍ଭ କରିଛନ୍ତି । ରିଙ୍କୁ ସିଂ କିମ୍ବା ରଜତ ପାଟିଦାର ଶ୍ରେୟାସ ଆୟରଙ୍କ ସ୍ଥାନରେ ଡେବ୍ୟୁ କରିବାର ସୁଯୋଗ ପାଇପାରନ୍ତି । ଉଭୟ ଖେଳାଳି ଏପର୍ଯ୍ୟନ୍ତ ODI ରେ ଡେବ୍ୟୁ କରିନାହାଁନ୍ତି । ଏଭଳି ପରିସ୍ଥିତିରେ କେଏଲ ରାହୁଲ ଦ୍ୱିତୀୟ ODI ରେ ଏହି ଖେଳାଳିଙ୍କ ସ୍ୱପ୍ନକୁ ପୂରଣ କରୁଥିବା ଦେଖିବାକୁ ମିଳିବ ।
ଭାରତ ପାଇଁ କିଏ କରିବେ ଓପନିଂ?
ଦକ୍ଷିଣ ଆଫ୍ରିକା ବିପକ୍ଷ ଦ୍ୱିତୀୟ ଦିନିକିଆ ପାଇଁ ଟିମ୍ ଇଣ୍ଡିଆ ତରଫରୁ ଓପନିଂ କରିବାକୁ ରୁତୁରାଜ ଗାଇକୱାଡ ଓ ସାଇ ସୁଦର୍ଶନ ଆସିବେ । ପ୍ରଥମ ଦିନିକିଆ ମ୍ୟାଚରେ ରୁତୁରାଜ ଗାଇକୱାଡଙ୍କ ବ୍ୟାଟ୍ ଶାନ୍ତ ଥିଲା, କିନ୍ତୁ ଡେବ୍ୟୁ ମ୍ୟାଚ୍ ରେ ସାଇ ସୁଦର୍ଶନ ୪୩ ଟି ବଲରେ ସମ୍ମୁଖୀନ ହୋଇଥିଲେ ଓ ୯ଟି ଚୌକା ଓ ଗୋଟିଏ ଛକା ସହାୟତାରେ ୫୫ ରନର ଅପରାଜିତ ଇନିଂସ ଖେଳିଥିଲେ । ଏହି ସମୟ ମଧ୍ୟରେ ତାଙ୍କର ଷ୍ଟ୍ରାଇକ୍ ହାର ୧୨୭ ଥିଲା ।
ଭାରତର ସମ୍ଭାବ୍ୟ ପ୍ଲେଇଂ-11
ଭାରତ: କେ.ଏଲ୍ ରାହୁଲ (ଅଧିନାୟକ ଏବଂ ୱିକେଟ୍ କିପର), ରୁତୁରାଜ ଗାଇକୱାଡ, ସାଇ ସୁଦର୍ଶନ, ତିଲକ ଭର୍ମା, ସଞ୍ଜୁ ଶାମସନ, ଅକ୍ଷର ପଟେଲ, କୁଲଦୀପ ଯାଦବ, ମୁକେଶ କୁମାର, ଅର୍ଶଦୀପ ସିଂ, ଆବେଶ ଖାନ, ରିଙ୍କୁ ସିଂ ।
