T20 World Cup 2024: ଲିଗ୍ ପର୍ଯ୍ୟାୟରୁ ବାଦ ପଡିବ ପାକିସ୍ତାନ? ଆଶଙ୍କା ପ୍ରକାଶ କଲେ ୱାସିମ ଆକ୍ରାମ

T20 World Cup 2024: ଭେଟେରାନ କ୍ରିକେଟର ୱାସିମ ଆକ୍ରାମ (Wasim Akram) ବିଶ୍ୱାସ କରନ୍ତି ଯେ ଆମେରିକା ବିପକ୍ଷରେ ଲଜ୍ଜାଜନକ ପରାଜୟ ପରେ ପାକିସ୍ତାନ କ୍ରିକେଟ୍ ଦଳ ଟୁର୍ଣ୍ଣାମେଣ୍ଟର ପରବର୍ତ୍ତୀ ପର୍ଯ୍ୟାୟରେ ପହଞ୍ଚିବା କଷ୍ଟସାଧ୍ୟ ହେବ। ଗୁରୁବାର ଦିନ ଆମେରିକା ସୁପର ଓଭରରେ ପାକିସ୍ତାନକୁ ପରାସ୍ତ କରିଛି। ୨୦୦୯ ରେ ଟି-୨୦ ବିଶ୍ୱକପ୍ ଟାଇଟଲ୍ ଜିତିଥିବା ପାକିସ୍ତାନ କ୍ରିକେଟ୍ ଦଳର ପ୍ରଦର୍ଶନ ସମସ୍ତ ତିନୋଟି ବିଭାଗରେ ଅତ୍ୟନ୍ତ ନିରାଶାଜନକ ଥିଲା। ପାକିସ୍ତାନର ପରବର୍ତ୍ତୀ ମ୍ୟାଚ୍ ଭାରତ ବିପକ୍ଷରେ ଅଛି, ଟୁର୍ଣ୍ଣାମେଣ୍ଟରେ ରହିବାକୁ ହେଲେ କୌଣସି ପ୍ରକାରେଏହି ମ୍ୟାଚ୍ ଜିତିବାକୁ ପଡ଼ିବ। କାରଣ ଆମେରିକା ଦୁଇଟି ମ୍ୟାଚ୍ ଜିତିଛି ଓ ଗ୍ରୁପ୍ ଏରେ ଭାରତ ଗୋଟିଏ ମ୍ୟାଚ୍ ଜିତିଛି, ଏହି ଗ୍ରୁପ୍ ର ଅନ୍ୟ ଦଳଗୁଡିକ ପରବର୍ତ୍ତୀ ପର୍ଯ୍ୟାୟ ପାଇଁ ଯୋଗ୍ୟତା ପାଇବା କଷ୍ଟକର ହୋଇପଡିଛି।

ESPNcricinfo ସହିତ କଥାବାର୍ତ୍ତା କରି ଆକ୍ରାମ ପାକିସ୍ତାନ ଦଳର ପ୍ରଦର୍ଶନକୁ ଦୁଃଖଦାୟକ ବୋଲି ବର୍ଣ୍ଣନା କରିଛନ୍ତି ଏବଂ ଦାବି କରିଛନ୍ତି ଯେ ସେ ଏବଂ ପାକିସ୍ତାନୀ ଦଳର ପ୍ରଶଂସକମାନେ ନିଶ୍ଚିତ ଥିବେ ଯେ ସେମାନେ ଜିତିବେ। ୱାସିମ ଆମେରିକାର ପ୍ରଦର୍ଶନକୁ ପ୍ରଶଂସା କରିଥିଲେ। ତାଙ୍କ କହିବାନୁସାରେ, ଆମେରିକା ତିନୋଟି ବିଭାଗରେ ଭଲ ପ୍ରଦର୍ଶନ କରିଥିଲା। ଅକ୍ରାମ ବିଶ୍ୱାସ କରନ୍ତି ଯେ ପାକିସ୍ତାନ ପରବର୍ତ୍ତୀ ରାଉଣ୍ଡରେ ପହଞ୍ଚିବା ପାଇଁ ସଂଘର୍ଷ କରିପାରେ କାରଣ ସେମାନଙ୍କୁ ଭାରତ ଓ ଅନ୍ୟ ଦୁଇଟି ଦଳ ସହ ଭଲ ଦଳ ଖେଳିବାକୁ ପଡିବ।

ୱାସିମ ଆକ୍ରାମ କହିଛନ୍ତି, “ଦୁଃଖଦ ପ୍ରଦର୍ଶନ। ସେମାନେ ଆମେରିକା ବିପକ୍ଷରେ ଖେଳୁଥିଲେ। ମୁଁ ଓ ପାକିସ୍ତାନୀ ପ୍ରଶଂସକମାନେ ମଧ୍ୟ ଜିତିବେ ବୋଲି ନିଶ୍ଚିତ ଥିଲୁ। ଆମେରିକା ଯେପରି ଭାବେ କ୍ରିକେଟ୍ ଖେଳିଲା, ତାକୁ ପୂରା କ୍ରେଡିଟ୍ ଯାଏ। ପ୍ରଥମ ଇନିଂସ, ଦ୍ୱିତୀୟ ଇନିଂସ ଓ  ସୁପର ଓଭର ଯେତେବେଳେ ସେମାନେ ଟାର୍ଗେଟକୁ ପିଛା କରବାକୁ ବାହାରିଥିଲେ ସେତେବେଳେ ଭଲ ପ୍ରଦର୍ଶନ କରିଥିଲେ। ଏକ ସୁପର ଓଭରରେ ୩୬ ରନ୍ ୧୯ ରନ୍ ଭଳି ଅନୁଭବ କରାଏ। ଆମେରିକା ଭଲ ପ୍ରଦର୍ଶନ କଲା। ଭାରତ ଏବଂ ଅନ୍ୟ ଦୁଇଟି ଭଲ ଦଳ ଖେଳିବାକୁ ପଡୁଥିବାରୁ ଏଠାରୁ ସୁପର ୮ ପାଇଁ ଯୋଗ୍ୟତା ହାସଲ କରିବାକୁ ପାକିସ୍ତାନ ସଂଘର୍ଷ କରିବ।"