Champions Trophy 2025: ଚାମ୍ପିଅନ୍ସ ଟ୍ରଫି ପାଇଁ ପାକିସ୍ତାନ ଯିବ କି ଟିମ୍ ଇଣ୍ଡିଆ? ପାକିସ୍ତାନର ପୂର୍ବତନ ଖେଳାଳି ଦେଲେ ବଡ଼ ବୟାନ

Champions Trophy 2025: ଚାମ୍ପିଅନ୍ସ ଟ୍ରଫିକୁ ନେଇ ପାକିସ୍ତାନର ଜଣେ ପୂର୍ବତନ ଖେଳାଳି ଏକ ବଡ଼ ବୟାନ ଦେଇଛନ୍ତି। ଏହା ବ୍ୟତୀତ ସେ ଆଇସିସିର ନୂତନ ଅଧ୍ୟକ୍ଷ ଜୟ ଶାହଙ୍କୁ ମଧ୍ୟ ପ୍ରଶଂସା କରିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ଆଗାମୀ ସମୟରେ କ୍ରିକେଟ୍ ରେ ଭାରତ ଓ ପାକିସ୍ତାନ ମଧ୍ୟରେ ସମ୍ପର୍କ ବହୁତ ସୁଦୃଢ଼ ହେବ।

ICC Champions Trophy 2025: ପାକିସ୍ତାନ ୨୦୨୫ ମସିହାରେ ଆଇସିସି ଚାମ୍ପିଅନ୍ସ ଟ୍ରଫି ଟୁର୍ଣ୍ଣାମେଣ୍ଟ ଆୟୋଜନ କରିବାକୁ ଯାଉଛି, ଯାହା ବିଶ୍ୱ କ୍ରିକେଟରେ ପ୍ରତ୍ୟାବର୍ତ୍ତନ କରିବା ପାଇଁ ପାକିସ୍ତାନ ପାଇଁ ଏକ ବଡ଼ ସୁଯୋଗ। ୧୯୯୬ ପରଠାରୁ ଏହା ପ୍ରଥମ ଥର ହେବ,ଯେତେବେଳେ ପାକିସ୍ତାନରେ ଏକ ପ୍ରମୁଖ ଆଇସିସି ଟୁର୍ଣ୍ଣାମେଣ୍ଟ ଅନୁଷ୍ଠିତ ହେବ। ସମଗ୍ର ବିଶ୍ୱରେ କ୍ରିକେଟ୍ ପ୍ରଶଂସକଙ୍କ ପାଇଁ ଏହା ଏକ ବିଶେଷ ଉତ୍ସବ, କିନ୍ତୁ ଏହି ଟୁର୍ଣ୍ଣାମେଣ୍ଟରେ ଭାରତ ପାକିସ୍ତାନ ଯିବାକୁ ନେଇ କଳ୍ପନାଜଳ୍ପନା ଲାଗି ରହିଛି।

ଏକ ବଡ଼ କଥା ହେଉଛି ଜୟ ଶାହ ନୂଆ ଆଇସିସି ଚେୟାରମ୍ୟାନ୍ ଭାବରେ ନିର୍ବାଚିତ ହୋଇଛନ୍ତି। ଯିଏ ୧ ଡିସେମ୍ବର ୨୦୨୪ ରୁ ଆଇସିସି ଚେୟାରମ୍ୟାନ୍ ଭାବରେ ଦାୟିତ୍ୱ ଗ୍ରହଣ କରିବେ। ବିଶେଷକରି ଭାରତ-ପାକିସ୍ତାନ କ୍ରିକେଟ୍ ସମ୍ପର୍କକୁ ନେଇ ଏହି ନିଯୁକ୍ତି ଅନେକ କ୍ରିକେଟ୍ ପ୍ରଶଂସକ ଏବଂ ବିଶେଷଜ୍ଞଙ୍କ ମଧ୍ୟରେ ଆଲୋଚନାର ବିଷୟ ପାଲଟିଛି। ଶାହଙ୍କ ନିଯୁକ୍ତି ସମ୍ପର୍କରେ ପୂର୍ବତନ ପାକିସ୍ତାନ କ୍ରିକେଟ୍ ବୋର୍ଡ (ପିସିବି) ଅଧିନାୟକ ରସିଦ ଲତିଫ ନିଜ ୟୁଟ୍ୟୁବ ଚ୍ୟାନେଲର କହିଛନ୍ତି ଯେ ଯଦି ଜୟ ଶାହ ସର୍ବସମ୍ମତି କ୍ରମେ ନିର୍ବାଚିତ ହେବାର ଅର୍ଥ ହେଉଛି PCB ମଧ୍ୟ ନିଜର ଅନୁମୋଦନ ଦେଇଛି। ଲତିଫ କହିଛନ୍ତି ଯେ ଭାରତ ପାକିସ୍ତାନ ଯାତ୍ରା କରିବାର ୫୦% ସୁଯୋଗ ରହିଛି।

ଲତିଫଙ୍କ ଏହି ବୟାନ ଗୁଡ଼ିକ ଭାରତ-ପାକିସ୍ତାନ କ୍ରିକେଟ୍ ସଂପର୍କରେ ଏକ ସମ୍ଭାବ୍ୟ ସକରାତ୍ମକ ପରିବର୍ତ୍ତନ ଆଡ଼କୁ ସୂଚିତ କରେ। ପିସିବିର ସମର୍ଥନ ସୂଚାଇ ଦେଇଛି ଯେ ଦୁଇ ଦେଶର କ୍ରିକେଟ୍ ବୋର୍ଡ ମଧ୍ୟରେ କୂଟନୈତିକ ଚୁକ୍ତି ହୋଇପାରେ, ଯାହା ଟୁର୍ଣ୍ଣାମେଣ୍ଟ ସ୍ଥଳରେ ଆଲୋଚନା ପାଇଁ ବାଟ ଖୋଲିପାରେ। ଜୟ ଶାହା ଆଇସିସି ଚେୟାରମ୍ୟାନ୍ ହେବା ପରେ ଭାରତ ଏବଂ ପାକିସ୍ତାନ ମଧ୍ୟରେ କ୍ରିକେଟ୍ ସମ୍ପର୍କରେ ଉନ୍ନତି ହେବାର ଆଶା ବଢ଼ିଛି।

ରସିଦ ଲତିଫ ଜୟ ଶାହାଙ୍କ ନେତୃତ୍ୱକୁ ମଧ୍ୟ ପ୍ରଶଂସା କରିଛନ୍ତି, ଯାହା ଉଭୟ ବିସିସିଆଇ ଏବଂ ଆଇସିସି ପାଇଁ ଲାଭଦାୟକ ହେବ ବୋଲି କହିଛନ୍ତି। ସେ କହିଛନ୍ତି ଯେ ଶାହାଙ୍କ ନେତୃତ୍ୱ ଭାରତ ଏବଂ ପାକିସ୍ତାନ ମଧ୍ୟରେ କ୍ରିକେଟ୍ ପାଇଁ ଏକ ଭଲ ପରିବେଶ ସୃଷ୍ଟି କରିପାରିବ ଯାହା ଦ୍ୱିପାକ୍ଷିକ କ୍ରିକେଟ୍ ପ୍ରତ୍ୟାବର୍ତ୍ତନରେ ସହାୟକ ହେବ। ଶାହାଙ୍କ ନେତୃତ୍ୱରେ ଆଇସିସି ନିଷ୍ପତ୍ତି ଭାରତ ଏବଂ ପାକିସ୍ଥାନ ମଧ୍ୟରେ କ୍ରିକେଟ୍ ସମ୍ପର୍କକୁ ସୁଦୃଢ଼ କରିବାରେ ସହାୟକ ହୋଇପାରେ।