iPhone 16: ପୂରୁଣା ଫୋନ୍ ବଦଳରେ ଶସ୍ତାରେ ପାଇପାରିବେ ଆଇ-ଫୋନ୍- ୧୬

iPhone 16: ଆପଲ୍ ଆଇଫୋନ୍ ୧୬ (୧୨୮ ଜିବି) ର ମୂଲ୍ୟ ୭୯,୯୦୦ ଟଙ୍କା ରଖାଯାଇଛି। କିନ୍ତୁ ଗ୍ରାହକମାନେ ଏକ୍ସଚେଞ୍ଜ ଅଫରର ଲାଭ ଉଠାଇ ପାରିବେ। ଯଦି ଆପଣ ପୁରୁଣା ଆଇଫୋନ୍ ୧୪ ବଦଳରେ ଏକ ନୂଆ ଆଇଫୋନ୍ ୧୬ କିଣୁଛନ୍ତି, ତେବେ ଏଥିରେ ୨୫,୦୦୦ ଟଙ୍କା ରିହାତି ମିଳିବ। ଏହା ପରେ ଆଇଫୋନ୍ ୧୬ର ମୂଲ୍ୟ ୫୪,୯୦୦ ଟଙ୍କାକୁ ହ୍ରାସ ପାଇଯିବ।

iPhone 16: ଆପଲ୍ ଆଇଫୋନ୍ ୧୬ ସିରିଜ୍ ଲଞ୍ଚ ହେବା ପରେ ଏବେ ଏହା ଚର୍ଚ୍ଚାରେ ରହିଛି। ଏହି କ୍ରମରେ ଚାରୋଟି ମଡେଲ୍ ଅଛି ଏବଂ ସେସବୁର ପ୍ରି-ବୁକିଂ ସେପ୍ଟେମ୍ବର ୧୩ ରୁ ଆରମ୍ଭ ହେବ। ଏହି ସିରିଜର ଚାରୋଟି ନୂଆ ମଡେଲର ମୂଲ୍ୟ ବିଷୟରେ କହିବାକୁ ଗଲେ, ଭାରତରେ ଆଇଫୋନ୍ ୧୬ ର ଆରମ୍ଭ ମୂଲ୍ୟ ୭୯,୯୦୦ ଟଙ୍କା ଥିବାବେଳେ ଆଇଫୋନ୍ ୧୬ ପ୍ଲସ୍ ର ପ୍ରାରମ୍ଭିକ ମୂଲ୍ୟ ୮୯,୯୦୦ ଟଙ୍କା ରହିଛି। ଯେତେବେଳେ କି ଏହାର ଆଇଫୋନ୍ ୧୬ ପ୍ରୋର ପ୍ରାରମ୍ଭିକ ମୂଲ୍ୟ ୧,୧୯,୯୦୦ ଟଙ୍କା ଏବଂ ଆଇଫୋନ୍ ୧୬ ପ୍ରୋ ମ୍ୟାକ୍ସର ମୂଲ୍ୟ ୧,୪୪,୯୦୦ ଟଙ୍କା ରହିଛି। ଯେଉଁମାନେ ନୂଆ ଆଇଫୋନ୍ କିଣିବା ପାଇଁ ଅପେକ୍ଷା କରିଛନ୍ତି ସେମାନେ ଏହାକୁ କିଣିବାକୁ ବହୁତ ଉତ୍ସାହିତ।

ବିଶେଷ କଥା ହେଉଛି ଆପଲ୍ ଏହାର କ୍ରେତାମାନଙ୍କ ପାଇଁ ଅନେକ ଆକର୍ଷଣୀୟ ଡିଲ୍ ଏବଂ ରିହାତି ପ୍ରଦାନ କରୁଛି, ଯେଉଁ କାରଣରୁ ଅତି ଶସ୍ତା ଦରରେ ବିକ୍ରି ହେବ ଆଇ-ଫୋନ୍। ଆପଲ୍ ଆଇଫୋନ୍ ୧୬ (୧୨୮ ଜିବି) ର ମୂଲ୍ୟ ୭୯,୯୦୦ ଟଙ୍କା ରଖାଯାଇଛି। କିନ୍ତୁ ଗ୍ରାହକମାନେ ଏକ୍ସଚେଞ୍ଜ ଅଫରର ଲାଭ ଉଠାଇ ପାରିବେ। ଯଦି ଆପଣ ପୁରୁଣା ଆଇଫୋନ୍ ୧୪ ବଦଳରେ ଏକ ନୂଆ ଆଇଫୋନ୍ ୧୬ କିଣୁଛନ୍ତି, ତେବେ ଏଥିରେ ୨୫,୦୦୦ ଟଙ୍କା ରିହାତି ମିଳିବ। ଏହା ପରେ ଆଇଫୋନ୍ ୧୬ର ମୂଲ୍ୟ ୫୪,୯୦୦ ଟଙ୍କାକୁ ହ୍ରାସ ପାଇଯିବ।

ଆଇଫୋନ୍ ୧୬ରେ ୬.୧ ଇଞ୍ଚ ଡିସପ୍ଲେ ରହିଛି। ଏଥିରେ ଡାଇନାମିକ୍ ଆଇଲେଣ୍ଡ ଏବଂ ୨୦୦୦ ନିଟ୍ ପର୍ଯ୍ୟନ୍ତ ବ୍ରାଇଟନେସ୍ ସହିତ ଏକ ସୁପର ରେଟିନା XDR OLED ଡିସପ୍ଲେ ରହିଛି। ଆପଲ୍ ଆଇଫୋନ୍ ୧୬ ନୂଆ A18 ଚିପ୍ ସହିତ କାମ କରେ। ଆପଲ୍ କହିଛି ଯେ ନୂଆ ଚିପ୍ A16 Bionic ଠାରୁ 30% ଦ୍ରୁତ ଥିବାବେଳେ ଜିପିୟୁ 40% ଦ୍ରୁତ ଗତିରେ କାମ କରିବ।

ଆଇଫୋନ୍ ୧୬ ରେ ୪୮ ମେଗାପିକ୍ସେଲ ପ୍ରାଥମିକ ସେନ୍ସର ଏବଂ ୧୨ ମେଗାପିକ୍ସେଲ ଅଲ୍ଟ୍ରା ୱାଇଡ୍ ସେନ୍ସର ଅଛି, ଯାହା ମାକ୍ରୋ ସଟ ପାଇଁ ମଧ୍ୟ ବ୍ୟବହାର କରାଯାଇପାରିବ। ୪୮ ମେଗାପିକ୍ସେଲ ପ୍ରାଥମିକ କ୍ୟାମେରା ମଧ୍ୟ 2x ଜୁମ୍ ସହିତ ୧୨ ମେଗାପିକ୍ସେଲ ଟେଲିଫୋଟୋ ଲେନ୍ସ ଭାବରେ କାର୍ଯ୍ୟ କରେ। ଫୋନର ଆଗରେ ୧୨ ମେଗାପିକ୍ସେଲର ଫ୍ରଣ୍ଟ କ୍ୟାମେରା ରହିଛି। ଆପଲ୍ କହିଛି ଯେ ଆଇଫୋନ୍ ୧୬ ସିରିଜ୍ ଏକ ଲଙ୍ଗ ଲାଷ୍ଟିଂ ବ୍ୟାଟେରୀ ସହିତ ଆସିଛି।