Jioର ଧମାକା: ୨ ସହରରେ ଆରମ୍ଭ ହେଲା 5G ସେବା, ଏହି ୟୁଜର୍ସମାନଙ୍କୁ ମିଳିବ ମାଗଣା ଅସୀମିତ ଡାଟା

Jio 5G Service: ଏୟାରଟେଲ (Airtel 5G) ନିଜର ଉପଭୋକ୍ତାମାନଙ୍କୁ 5G ନେଟୱାର୍କ ଏକ୍ସପିରିୟନ୍ସ କରିବାର ସୁଯୋଗ ଦେଉଛି । ସେପଟେ ଜିଓ ନିଜର ସେବାକୁ କିଛି ନିର୍ଦ୍ଧିଷ୍ଟ ସ୍ଥାନରେ ଲାଇଭ୍ କରିଛି । ଏହି ସେବା ପାଇଁ କମ୍ପାନୀ ୟୁଜର୍ସଙ୍କୁ ଜିଓ ୱେଲକମ୍ ଅଫର (Jio Welcome Offer) ମଧ୍ୟ ଦେଉଛି ।

Jio 5G Service: ରିଲାଏନ୍ସ ଜିଓ (Reliance Jio) ନିଜର 5G  ସେବା (5G Service in India) କୁ ଶୀଘ୍ର ବିସ୍ତାର କରୁଛି । କମ୍ପାନୀ ନିକଟ ଅତୀତରେ ଚେନ୍ନାଇରେ ନିଜର 5G ସେବା (Jio 5G Service) ଆରମ୍ଭ କରିଥିଲା । ଏହାସହ ରାଜସ୍ଥାନର ନାଥଦ୍ୱାରରେ ଜିଓ ଟ୍ରୁ 5G (Jio True 5G) ଆଧାରିତ ୱାଇ-ଫାଇ ସେବା (Wi-Fi Service) ଆରମ୍ଭ କରିଥିଲା । ବର୍ତ୍ତମାନ କମ୍ପାନୀ ଏହାକୁ ବିସ୍ତାର କରି ଏହାର ତାଲିକାରେ ଅନ୍ୟ ଦୁଇଟି ସହର ଯୋଡିଛି । କମ୍ପାନୀ ଗୁରୁବାର ବେଙ୍ଗାଲୁରୁ (Jio 5G Services in Bengaluru) ଓ ହାଇଦ୍ରାବାଦ (Jio 5G Services in Hyderabad) ରେ ନିଜର 5ଜି ସେବା ଆରମ୍ଭ କରିଛି । 5G ସେବା ଆରମ୍ଭ ହେବାର ପ୍ରାୟ ଏକ ମାସ ପରେ କମ୍ପାନୀ ଏହାକୁ ଅନ୍ୟ ଦୁଇଟି ସହରକୁ ବିସ୍ତାର କରିଛି । ଗତ ମାସରେ ଦଶହରା ଅବସରରେ ଜିଓ ନିଜର 5G ସେବା ଆରମ୍ଭ କରିଥିଲା ।​

ଏଠାରେ କହି ରଖୁଛୁ ଯେ, ଜିଓ ପ୍ରାରମ୍ଭରେ କେବଳ ୪ଟି ସହରରେ ଦିଲ୍ଲୀ, ମୁମ୍ବାଇ, କୋଲକାତା ଏବଂ ବାରାଣାସୀରେ ନିଜର 5G ସେବା ଆରମ୍ଭ କରିଥିଲା । ଅବଶ୍ୟ ପରେ କମ୍ପାନୀ 5G ସେବାକୁ ଅନ୍ୟ ଦୁଇଟି ସହରକୁ ବିସ୍ତାର କରିଛି । ବର୍ତ୍ତମାନ ଚେନ୍ନାଇରେ ଜିଓର ସେବା ମଧ୍ୟ ଉପଲବ୍ଧ ଅଛି । ଏଥି ସହିତ ରାଜସ୍ଥାନର ନାଥଦ୍ୱାରରେ Jio True 5G ଆଧାରିତ ୱାଇ-ଫାଇ ସେବା ଆରମ୍ଭ କରାଯାଇଛି । ବର୍ତ୍ତମାନ ବେଙ୍ଗାଲୁରୁ ଓ ହାଇଦ୍ରାବାଦ ପରି ଦୁଇଟି ସହର ଏହି ତାଲିକାରେ ସାମିଲ କରାଯାଇଛି । ଅର୍ଥାତ ବର୍ତ୍ତମାନ ଜିଓର 5G ସେବା ସମୁଦାୟ ୮ଟି ସହରରେ ଉପଲବ୍ଧ ଅଛି । ଏହି ସହରଗୁଡିକରେ ରହୁଥିବା ଉପଭୋକ୍ତାମାନେ Jio 5G ସେବାର ଲାଭ ଉଠାଇପାରିବେ ।

କାହାକୁ ମିଳିବ ସେବା

Jio 5G ସେବା ବ୍ୟବହାର ପାଇଁ ଗ୍ରାହକଙ୍କୁ Jio Welcome Offer ଦିଆଯାଉଛି । Jio Welcome Offer ହେଉଛି ଏକ ଇନଭାଇଟ୍-ଆଧାରିତ ଅଫର, ଯାହା କେବଳ କିଛି ୟୁଜର୍ସଙ୍କୁ ହିଁ ମିଳୁଛି । କମ୍ପାନୀ ଅନୁଯାୟୀ, ୟୁଜର୍ସମାନେ 1Gbps ଜିବିପିଏସ ସ୍ପିଡରେ ଅସୀମିତ ଡାଟା ପାଇପାରିବେ । ଏଥିପାଇଁ ଗ୍ରାହକଙ୍କୁ କୌଣସି ଅତିରିକ୍ତ ଦେୟ ଦେବାକୁ ପଡିବ ନାହିଁ । ଅର୍ଥାତ ଯଦି ଆପଣ Jio Welcome ପାଇଛନ୍ତି । ତେବେ ଆପଣ ମାଗଣାରେ 5G ଇଣ୍ଟରନେଟ୍ ବ୍ୟବହାର କରିବାକୁ ସକ୍ଷମ ହେବେ । କମ୍ପାନୀ ନିଜର 5G ସେବାକୁ ପର୍ଯ୍ୟାୟକ୍ରମେ ବିସ୍ତାର କରୁଛି ।

ଅଧିକ ପଢ଼ନ୍ତୁ:-ଆମ ମନରେ ଆପଣଙ୍କ ପ୍ରତି ସମ୍ମାନ ଆହୁରି ବଢ଼ିଯାଇଛି... ଋଷଭ ପନ୍ତଙ୍କ ଏହି 'ବଳିଦାନ'କୁ ପ୍ରଶଂସା କରୁଛନ୍ତି ଫ୍ୟାନ୍ସ

ଅଧିକ ପଢ଼ନ୍ତୁ:-ସେମିଫାଇନାଲରେ ଭାରତର ପରାଜୟ ପରେ ବିରାଟ କୋହଲିଙ୍କ ଭଉଣୀ ଲେଖିଲେ ଭାବପ୍ରବଣ ପୋଷ୍ଟ୍, ଜାଣନ୍ତୁ କ'ଣ କହିଲେ

ଅଧିକ ପଢ଼ନ୍ତୁ:-ପାକିସ୍ତାନ ପିଏମ ଶାହବାଜ ଭାରତର ପରାଜୟକୁ ନେଇ ଉଡ଼ାଇଲେ ମଜାକ, ଭାରତୀୟ ଫ୍ୟାନ୍ସ ଲଗାଇଲେ କ୍ଲାସ୍

କିପରି ପାଇବେ  Jio Welcome Offer?

Jio Welcome Offer ପାଇଁ ୟୁଜର୍ସମାନଙ୍କୁ ଇନଭାଇଟ୍ ପଠାଇବାର ଅଛି ।  କିଛି ୟୁଜର୍ସଙ୍କୁ ଏଥିପାଇଁ ରେଜିଷ୍ଟ୍ରେସନର ବିକଳ୍ପ ଦେଖାଯାଉଥିବ । ଏଥିପାଇଁ ଆପଣଙ୍କୁ ପ୍ରଥମେ My Jio ଆପକୁ ଯିବାକୁ ପଡ଼ିବ । ଏଠାରେ ଆପଣ ନିଜେ ହୋମ ସ୍କ୍ରିନରେ Jio Welcome Offer ର ବିକଳ୍ପ ପାଇବେ । ଯଦି ଆପଣ Jio Welcome Offerର ବ୍ୟାନର ଦେଖୁଛନ୍ତି, ତେବେ ଏଥିରେ କ୍ଲିକ୍ କରନ୍ତୁ । ଅନ୍ୟ ପଟେ, ଯଦି ବିକଳ୍ପ ଦେଖାଯାଉ ନାହିଁ, ତେବେ ପେଜକୁ ରିଫ୍ରେଶ କରନ୍ତୁ । Jio Welcome Offerର ପେଜରେ କ୍ଲିକ୍ କରିବା ମାତ୍ରେ ଆପଣ ଅନ୍ୟ ଏକ ପେଜରେ ପହଞ୍ଚିବେ, ଯେଉଁଥିରେ Jio True 5G ସମ୍ବନ୍ଧୀୟ ସୂଚନା ରହିବ ।

ଏହି ଉପାୟରେ ଆପଣ ଆପଣଙ୍କର ଆଗ୍ରହକୁ ପଞ୍ଜିକରଣ କରିପାରିବେ । ଏହା ପରେ ୟୁଜର୍ସମାନଙ୍କୁ Jio ରୁ କନ୍ଫର୍ମେଶନ ଆସିବାର ଅପେକ୍ଷା କରିବାକୁ ପଡିବ । ଏହି ଉପାୟରେ ଆପଣ Jio Welcome Offer ପାଇଁ ନିଜ ନମ୍ୱରକୁ ରେଜିଷ୍ଟ୍ରେସନ କରିପାରିବେ । ମନେରଖନ୍ତୁ ଯେ Jio 5G ସେବା ବର୍ତ୍ତମାନ କେବଳ କିଛି ନିର୍ଦ୍ଦିଷ୍ଟ ସହରରେ ଉପଲବ୍ଧ ରହିଛି । ଏହା ସାରା ଦେଶରେ ଉପଲବ୍ଧ ନୁହେଁ । Jio 5G ସେବା ପାଇଁ ଆପଣଙ୍କୁ ବର୍ତ୍ତମାନ ଏକ ନୂତନ ସିମ୍ କାର୍ଡ ନେବାକୁ ପଡିବ ନାହିଁ । ଉପଭୋକ୍ତାମାନେ କେବଳ ବର୍ତ୍ତମାନର ସିମ୍ କାର୍ଡରେ Jio 5G ସେବା ବ୍ୟବହାର କରିପାରିବେ । ଏଥିପାଇଁ କୌଣସି ଅଫିସିଆଲ୍ ରିଚାର୍ଜ ପ୍ଲାନ୍ ଜାରି କରାଯାଇ ନାହିଁ ।