World's richest beggar: ବିଳାସପୂର୍ଣ୍ଣ ଫ୍ଲାଟରେ ରହୁଥିବା ଦୁନିଆର ସବୁଠାରୁ ଧନୀ ଭିକାରୀ !

World's richest beggar: 

ଆମେ ଦାନଧର୍ମ କରିବାକୁ ପୂଣ୍ୟର କାମ ବୋଲି ମନେ କରିଥାଉ ।. ଏମିତିରେ ବି ଆମକୁ କୁହାଯାଏ ଯେ, ଯଦି ପାଖରେ ଆବଶ୍ୟକତାଠାରୁ କିଛି ଅଧିକ ଅଛି ତେବେ ଆପଣଙ୍କ ସାହାଯ୍ୟ ଆବଶ୍ୟକ କରୁଥିବା ବ୍ୟକ୍ତିଙ୍କୁ ସାହାଯ୍ୟ କରିବା ଭଲ କାମ । ତେଣୁ ଆମେ ବେଳେ ବେଳେ ରାସ୍ତାକଡରେ ବସୁଥିବା ଭିକାରୀଙ୍କୁ ଦାନ ଦେଇଥାଉ । ତେବେ ଦାନ ଦେଉଥିବା ବେଳେ ଆପଣ କେବେ ଜାଣିବାକୁ ଚେଷ୍ଟା କରିଛନ୍ତି କି ଯେ, ଭିକ ମାଗୁଥିବା ବ୍ୟକ୍ତି ଜଣକ ପ୍ରକୃତରେ ଦରିଦ୍ର ନା ସେ ଜଣେ ପେଶାଦାର ଭିକାରୀ ? ଆଜି ଆମେ ଆପଣଙ୍କୁ ଏଭଳି ଜଣେ ଭିକାରୀଙ୍କ ବାବଦରେ କହିବୁ ଯିଏ କୁଆଡେ ଦୁନିଆର ସବୁଠାରୁ ଧନୀ ଭିକାରୀ । ଆଉ ସେ ରହୁଛନ୍ତି ମୁମ୍ବାଇରେ ।

ମୁମ୍ବାଇରେ ରହୁଥିବା ଏହି ବ୍ୟକ୍ତି ଜଣକ ହେଉଛନ୍ତି ପେଶାଦାର ଭିକାରୀ । ଅର୍ଥାତ ସେ କୌଣସି ଅଭାବ ଅସୁବିଧାରେ ପଡ଼ି ଭିକ୍ଷାବୃତିକୁ ଆପଣାଇ ନାହାନ୍ତି । ସହଜ ଓ ବିନା ପରିଶ୍ରମରେ ଆମଦାନୀ ପାଇଁ ସେ ଏହି ରାସ୍ତା ବାଛିଛନ୍ତି । ସେ ଘର ଏବଂ ବାଣିଜ୍ୟିକ ପ୍ରତିଷ୍ଠାନ ଭଡା ଦେଇ ଲକ୍ଷ ଲକ୍ଷ ରୋଜଗାର କରନ୍ତି ।

ପିଲା ପଢନ୍ତି ଦାମୀ ସ୍କୁଲରେ,ବାପା ମାଗନ୍ତି ଭିକ୍ଷା !

ଭାରତର ଧନୀ ଭିକାରୀଙ୍କ ନାମ ହେଉଛି ଭରତ ଜୈନ । ସେ ଜଣେ କୋଟିପତି ଭିକାରୀ । ପରିବାରରେ ତାଙ୍କର ଅଛନ୍ତି ବାପା,ଭାଇ,ଦୁଇ ପୁଅ ଓ ପତ୍ନୀ । ଭିକ୍ଷାକରି ସେ ମାସକୁ ୭୦ରୁ ୭୫ ହଜାର ଟଙ୍କା ବା ବାର୍ଷିକ ୯ ଲକ୍ଷ ପର୍ଯ୍ୟନ୍ତ ରୋଜଗାର କରନ୍ତି । ଭାଇମାନଙ୍କୁ ରୋଜଗାର ଦେବାକୁ ସେ ଗୋଟିଏ ଷ୍ଟେଶନାରୀ ଦୋକାନ ଖୋଲିଛନ୍ତି । ମୁମ୍ବାଇ ଭଳି ମହାନଗରରେ ତାଙ୍କର ନିଜସ୍ୱ ବଙ୍ଗଳା ରହିଛି । ଏହା ସହିତ ଗୋଟିଏ ବ୍ୟବସାୟୀକ ପରିସରରେ ଦୋକାନ ଘର ରହିଛି । ଯାହାକୁ ଭଡ଼ା  ଦେଇ ମଧ୍ଯ ସେ ଲକ୍ଷାଧିକ ଟଙ୍କା ରୋଜଗାର କରନ୍ତି । ତାଙ୍କର ଦୁଇ ପିଲା ଦାମୀ କନଭେଣ୍ଟ ସ୍କୁଲରେ ପଢନ୍ତି ।

ଧନୀ ହେବା ପରେ ବି ଛାଡ଼ି ନାହାନ୍ତି ଭିକ୍ଷାବୃତ୍ତି

ଭାରତ ଜୈନଙ୍କର ମୋଟ ସମ୍ପତ୍ତିର ମୂଲ୍ୟ ୭.୫ କୋଟି ହୋଇଥିବା ବେଳେ  ମୁମ୍ବାଇରେ ତାଙ୍କର 2 ବଖରା ଘର ଅଛି। ଏହା ବ୍ୟତୀତ ଥାନେରେ ତାଙ୍କର ଦୁଇଟି ଦୋକାନ ଅଛି, ଯାହା ଭଡ଼ାରେ ଚାଲିଛି । କୋଟି କୋଟି ଟଙ୍କା ରୋଜଗାର କରିବା ପରେ ତାଙ୍କ ପରିବାର ତାଙ୍କୁ ବାରମ୍ବାର ଭିକ ମାଗିବା ବନ୍ଦ କରିବାକୁ କହିଥିଲେ। କିନ୍ତୁ  ଭରତ ମନା କରିଦେଇଥିଲେ । ସେ କହିଥିଲେ ଯେ,ଯେଉଁ କାମ ତାଙ୍କୁ ଏତେ ସମ୍ପତି ଦେଇଛି ସେ କାମକୁ ସେ ଛାଡ଼ି ପାରିବେ ନାହିଁ । ସୂଚନାଯୋଗ୍ୟ ଯେ, ନିକଟରେ ଗୋଟିଏ ପାକିସ୍ତାନୀ ଭିଡିଓ ଭାଇରାଲ ହୋଇଥିଲା ଯେଉଁଥିଲେ ଜଣେ ଯୁବତୀ ମାଲେସିଆରେ ଭିକ୍ଷାକରି କୋଟିପତି ହୋଇଥିବା ଦାବି କରିଥିଲେ ।