IND Vs PAK T20 World Cup: ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ‘ਹਾਈ ਵੋਲਟੇਜ’ ਮੈਚ , ਵਿਰਾਟ ਕੋਹਲੀ 'ਤੇ ਸਭ ਦੀਆ ਨਜ਼ਰਾਂ

IND Vs PAK T20 World Cup: ਨਿਊਯਾਰਕ ‘ਚ 9 ਜੂਨ ਨੂੰ ਹੋਣ ਵਾਲਾ ਇਹ ਮੈਚ ਖਿਡਾਰੀਆਂ ਦੇ ਖੇਡ ਹੁਨਰ ਦੇ ਨਾਲ-ਨਾਲ ਉਨ੍ਹਾਂ ਦੀ ਮਾਨਸਿਕ ਤਾਕਤ ਦਾ ਵੀ ‘ਟੈਸਟ’ ਹੋਵੇਗਾ। ਜੋ ਟੀਮ ਦਬਾਅ ਦਾ ਸਾਹਮਣਾ ਕਰੇਗੀ ਅਤੇ ਆਪਣਾ ਸਰਵੋਤਮ ਪ੍ਰਦਰਸ਼ਨ ਕਰੇਗੀ, ਉਹ ਜੇਤੂ ਰਹੇਗੀ।

IND Vs PAK T20 World Cup: ਟੀ-20 ਵਿਸ਼ਵ ਕੱਪ 'ਚ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਹੋਣ ਵਾਲੇ ਮੈਚ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ। ਇਹ ਮੈਚ ਨਿਊਯਾਰਕ ਦੇ ਨਸਾਊ ਕਾਊਂਟੀ ਸਟੇਡੀਅਮ 'ਚ ਹੋਵੇਗਾ। ਟੀ-20 ਵਿਸ਼ਵ ਕੱਪ 2024 (T-20 World Cup 2024) ਭਾਵੇਂ ਹੀ 1 ਜੂਨ ਨੂੰ ਅਮਰੀਕਾ ਅਤੇ ਕੈਨੇਡਾ ਦੇ ਮੈਚ ਨਾਲ ਸ਼ੁਰੂ ਹੋ ਗਿਆ ਹੋਵੇ ਪਰ ਕ੍ਰਿਕਟ ਪ੍ਰਸ਼ੰਸਕ ਭਾਰਤ ਅਤੇ ਪਾਕਿਸਤਾਨ (India Vs Pakistan) ਵਿਚਾਲੇ ‘ਹਾਈ ਵੋਲਟੇਜ’ ਮੈਚ ਨਾਲ ਟੂਰਨਾਮੈਂਟ ਦਾ ਉਤਸ਼ਾਹ ਹੋਰ ਵਧੇਗਾ।

ਨਿਊਯਾਰਕ ‘ਚ 9 ਜੂਨ ਨੂੰ ਹੋਣ ਵਾਲਾ ਇਹ ਮੈਚ ਖਿਡਾਰੀਆਂ ਦੇ ਖੇਡ ਹੁਨਰ ਦੇ ਨਾਲ-ਨਾਲ ਉਨ੍ਹਾਂ ਦੀ ਮਾਨਸਿਕ ਤਾਕਤ ਦਾ ਵੀ ‘ਟੈਸਟ’ ਹੋਵੇਗਾ। ਜੋ ਟੀਮ ਦਬਾਅ ਦਾ ਸਾਹਮਣਾ ਕਰੇਗੀ ਅਤੇ ਆਪਣਾ ਸਰਵੋਤਮ ਪ੍ਰਦਰਸ਼ਨ ਕਰੇਗੀ, ਉਹ ਜੇਤੂ ਰਹੇਗੀ। ਟੀ-20 ਵਿਸ਼ਵ ਕੱਪ ਦੀ ਗੱਲ ਕਰੀਏ ਤਾਂ ਦੋਵੇਂ ਦੇਸ਼ 7 ਵਾਰ ਆਹਮੋ-ਸਾਹਮਣੇ ਹੋ ਚੁੱਕੇ ਹਨ, ਜਿਸ ‘ਚ ਭਾਰਤੀ ਟੀਮ 5 ਵਾਰ ਅਤੇ ਪਾਕਿਸਤਾਨੀ ਟੀਮ ਇਕ ਵਾਰ ਜਿੱਤੀ ਹੈ। ਇੱਕ ਮੈਚ ਟਾਈ ਦੇ ਰੂਪ ਵਿੱਚ ਦਰਜ ਕੀਤਾ ਗਿਆ ਹੈ। ਹਾਲਾਂਕਿ 2007 ਦੇ ਇਸ ਮੈਚ ਦਾ ਫੈਸਲਾ ‘ਬਾਲ ਆਊਟ’ ਨਾਲ ਹੋਇਆ ਸੀ, ਜਿਸ ‘ਚ ਟੀਮ ਇੰਡੀਆ ਜਿੱਤ ਗਈ ਸੀ।

ਦੋਵਾਂ ਦੇਸ਼ਾਂ ਦੇ ਟੀ-20 ਵਿਸ਼ਵ ਕੱਪ ਦੇ ਹੁਣ ਤੱਕ ਦੇ ਮੈਚਾਂ ‘ਤੇ ਵਿਰਾਟ ਕੋਹਲੀ (Virat Kohli) ਦਾ ਖਾਸ ਪ੍ਰਭਾਵ ਰਿਹਾ ਹੈ। 2012 ਤੋਂ ਲੈ ਕੇ ਹੁਣ ਤੱਕ ਟੀ-20 ਵਿਸ਼ਵ ਕੱਪ ਵਿੱਚ ਟੀਮ ਇੰਡੀਆ ਨੇ ਪਾਕਿਸਤਾਨ ਖ਼ਿਲਾਫ਼ ਜੋ ਚਾਰ ਜਿੱਤਾਂ ਦਰਜ ਕੀਤੀਆਂ ਹਨ, ਉਹ ਵਿਰਾਟ ਦੇ ਆਲੇ-ਦੁਆਲੇ ਕੇਂਦਰਿਤ ਹਨ।

ਭਾਰਤੀ ਟੀਮ ਨੇ ਟੀ-20 ਵਿਸ਼ਵ ਕੱਪ 'ਚ ਜਿੱਤ ਦੇ ਨਾਲ ਆਪਣੀ ਸ਼ੁਰੂਆਤ ਕੀਤੀ ਹੈ। ਟੀਮ ਦੇ ਸਾਰੇ ਖਿਡਾਰੀਆਂ ਨੇ ਆਇਰਲੈਂਡ ਖਿਲਾਫ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਤੇਜ਼ ਅਤੇ ਸਪਿਨ ਗੇਂਦਬਾਜ਼ਾਂ ਨੇ ਵਿਕਟਾਂ ਲਈਆਂ। ਇਸ ਤੋਂ ਪਹਿਲਾਂ ਵੀ ਬੰਗਲਾਦੇਸ਼ ਖਿਲਾਫ ਅਭਿਆਸ ਮੈਚ 'ਚ ਪੂਰੀ ਟੀਮ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ। ਅਜਿਹੇ 'ਚ ਰੋਹਿਤ ਸ਼ਰਮਾ ਦੀ ਪਲੈਨਿੰਗ ਅਤੇ ਟੀਮ ਇੰਡੀਆ ਦਾ ਪ੍ਰਦਰਸ਼ਨ, ਇਸ ਸਮੇਂ ਸਭ ਕੁਝ ਠੀਕ ਲੱਗ ਰਿਹਾ ਹੈ। ਇਸ ਦੇ ਉਲਟ ਆਇਰਲੈਂਡ ਖਿਲਾਫ ਮੈਚ ਹਾਰਨ ਤੋਂ ਬਾਅਦ ਪਾਕਿਸਤਾਨ ਇੰਗਲੈਂਡ ਖਿਲਾਫ ਸੀਰੀਜ਼ ਹਾਰ ਗਿਆ ਹੈ। ਪਾਕਿਸਤਾਨ ਨੇ ਜਿਵੇਂ ਹੀ ਟੀ-20 ਵਿਸ਼ਵ ਕੱਪ 'ਚ ਪ੍ਰਵੇਸ਼ ਕੀਤਾ, ਉਹ ਅਮਰੀਕਾ ਵਰਗੀ ਟੀਮ ਤੋਂ ਹਾਰ ਗਿਆ।