Elon Mask News: ਐਲੋਨ ਮਸਕ ਦੇ ਐਕਸ 'ਤੇ ਲਗਭਗ 192 ਮਿਲੀਅਨ ਫਾਲੋਅਰਜ਼ ਹਨ ਅਤੇ ਲੋਕ ਉਸ ਨੂੰ ਐਕਸ 'ਤੇ ਬਹੁਤ ਧਿਆਨ ਨਾਲ ਸੁਣਦੇ ਹਨ। 2022 ਵਿੱਚ, ਐਲੋਨ ਮਸਕ ਨੇ ਲਗਭਗ 44 ਬਿਲੀਅਨ ਰੁਪਏ ਵਿੱਚ ਟਵਿਟਰ ਖਰੀਦਿਆ।
Trending Photos
6
6
5
5 "Elon Mask News: ਐਲੋਨ ਮਸਕ ਨੇ ਕਮਲਾ ਹੈਰਿਸ ਦੀ ਡੀਪਫੇਕ ਵੀਡੀਓ ਕੀਤਾ ਸ਼ੇਅਰ, ਲੋਕਾਂ ਨੇ ਕੀਤੀ ਆਲੋਚਨਾ")
Elon Mask News: ਐਲੋਨ ਮਸਕ ਨੇ ਅਮਰੀਕੀ ਉਪ ਰਾਸ਼ਟਰਪਤੀ ਕਮਲਾ ਹੈਰਿਸ ਦੀ ਇੱਕ ਡੀਪਫੇਕ ਵਾਲੀ ਵੀਡੀਓ ਸ਼ੇਅਰ ਕੀਤੀ ਸੀ। ਜਿਸ ਤੋਂ ਬਾਅਦ ਮਸਕ ਨੂੰ ਸੋਸ਼ਲ ਮੀਡੀਆ 'ਤੇ ਆਲੋਚਨਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਲੋਕਾਂ ਨੇ ਇਸ ਨੂੰ ਪਲੇਟਫਾਰਮ ਐਕਸ ਦੀਆਂ ਨੀਤੀਆਂ ਦੀ ਉਲੰਘਣਾ ਵੀ ਕਿਹਾ ਹੈ। ਮਸਕ ਨੇ ਕਮਲਾ ਹੈਰਿਸ ਦਾ ਇੱਕ ਵੀਡੀਓ ਰੀਪੋਸਟ ਕੀਤਾ ਸੀ, ਜਿਸ ਵਿੱਚ ਉਸ ਦੀ ਵੀਡੀਓ 'ਤੇ ਸੈਕਿੰਡ ਵਾਇਸ ਓਵਰ ਦਿਖਾਈ ਦੇ ਰਿਹਾ ਸੀ। ਇਸ ਵੀਡੀਓ 'ਚ ਕਮਲਾ ਹੈਰਿਸ ਅਮਰੀਕੀ ਰਾਸ਼ਟਰਪਤੀ ਜੋ ਬਾਈਡਨ ਨੂੰ ਬੁੱਢਾ ਕਹਿੰਦੇ ਹੋਏ ਦੇਖਿਆ ਗਿਆ। ਕਮਲਾ ਇਸ ਵੀਡੀਓ 'ਚ ਕਹਿੰਦੀ ਹੈ ਕਿ ਬੁੱਢੇ ਬਾਈਡਨ ਨੂੰ ਦੇਸ਼ ਚਲਾਉਣ ਦੀ ਪਹਿਲੀ ਗੱਲ ਵੀ ਨਹੀਂ ਪਤਾ।
ਵੀਡੀਓ ਅਸਲ ਵਿੱਚ ਰੂੜੀਵਾਦੀ ਪੋਡਕਾਸਟਰ ਕ੍ਰਿਸ ਕੋਹਲਜ਼ ਨਾਲ ਜੁੜੇ ਇੱਕ ਐਕਸ ਅਕਾਊਂਟ ਦੁਆਰਾ ਪੋਸਟ ਕੀਤਾ ਗਿਆ ਸੀ ਅਤੇ ਜਿਸ ਨੂੰ ਪੈਰੋਡੀ ਲੇਬਲ ਦਿੱਤਾ ਗਿਆ ਸੀ। ਮਸਕ ਨੇ ਸ਼ੁੱਕਰਵਾਰ ਨੂੰ ਇਸਨੂੰ ਰਿਪੋਸਟ ਕੀਤਾ ਅਤੇ ਇੱਕ ਹਾਸੇ ਵਾਲਾ ਇਮੋਜੀ ਜੋੜਿਆ ਅਤੇ ਲਿਖਿਆ ਕਿ ਇਹ ਸ਼ਾਨਦਾਰ ਹੈ।
ਮਸਕ ਦੀ ਇਸ ਪੋਸਟ ਨੂੰ ਹੁਣ ਤੱਕ 130 ਮਿਲੀਅਨ ਲੋਕ ਦੇਖ ਚੁੱਕੇ ਹਨ ਅਤੇ ਇਹ ਲਗਾਤਾਰ ਵਧ ਰਿਹਾ ਹੈ। ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਨਾਲ ਬਣੀ ਇਹ ਵੀਡੀਓ ਨਵੰਬਰ 'ਚ ਹੋਣ ਵਾਲੀਆਂ ਚੋਣਾਂ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ।
ਹੈਰਿਸ ਦੇ ਚੋਣ ਮੁਹਿੰਮ ਨੇ ਕਿਹਾ ਕਿ ਸਾਨੂੰ ਲੱਗਦਾ ਹੈ ਕਿ ਅਮਰੀਕੀ ਲੋਕ ਅਸਲ ਆਜ਼ਾਦੀ, ਮੌਕੇ ਅਤੇ ਸੁਰੱਖਿਆ ਨੂੰ ਗਲੇ ਲਗਾਉਣਗੇ ਜੋ ਕਮਲਾ ਹੈਰਿਸ ਪ੍ਰਦਾਨ ਕਰ ਰਹੀ ਹੈ ਨਾ ਕਿ ਡੋਨਾਲਡ ਟਰੰਪ ਅਤੇ ਐਲੋਨ ਮਸਕ ਦੇ ਝੂਠੇ ਅਤੇ ਫਰਜ਼ੀ ਵਾਅਦਿਆਂ ਨੂੰ।
ਇਸ ਮਹੀਨੇ ਦੀ ਸ਼ੁਰੂਆਤ 'ਚ ਮਸਕ ਨੇ ਟਰੰਪ ਦਾ ਸਮਰਥਨ ਕੀਤਾ ਸੀ ਅਤੇ ਫਿਰ ਬਾਅਦ 'ਚ ਜਦੋਂ ਟਰੰਪ 'ਤੇ ਜਾਨਲੇਵਾ ਹਮਲਾ ਹੋਇਆ ਤਾਂ ਮਸਕ ਖੁੱਲ੍ਹ ਕੇ ਟਰੰਪ ਦੇ ਸਮਰਥਨ 'ਚ ਆ ਗਏ, ਇਸ ਵਿਚਾਲੇ ਅਜਿਹੀਆਂ ਖਬਰਾਂ ਵੀ ਆਈਆਂ ਕਿ ਮਸਕ ਨੇ ਟਰੰਪ ਨੂੰ ਹਰ ਮਹੀਨੇ 45 ਕਰੋੜ ਰੁਪਏ ਦੇਣ ਦਾ ਵਾਅਦਾ ਕੀਤਾ ਹੈ।
ਡੈਮੋਕ੍ਰੇਟਿਕ ਸੈਨੇਟਰ ਗੇਵਿਨ ਨਿਊਜ਼ਮ ਨੇ ਐਕਸ 'ਤੇ ਇਕ ਪੋਸਟ ਲਿਖ ਕੇ ਕਿਹਾ ਕਿ ਇਹ ਇਕ ਡੀਪਫੇਕ ਵੀਡੀਓ ਹੈ ਅਤੇ ਇਸ ਤਰ੍ਹਾਂ ਦੇ ਮੀਡੀਆ 'ਤੇ ਜਲਦੀ ਤੋਂ ਜਲਦੀ ਪਾਬੰਦੀ ਲਗਾਈ ਜਾਣੀ ਚਾਹੀਦੀ ਹੈ। ਅਸੀਂ ਜਲਦੀ ਹੀ ਇਸ 'ਤੇ ਪਾਬੰਦੀ ਲਗਾਉਣ ਲਈ ਬਿੱਲ ਲਿਆਵਾਂਗੇ। ਇਸ 'ਤੇ ਮਸਕ ਨੇ ਜਵਾਬ ਦਿੱਤਾ ਕਿ ਪੈਰੋਡੀ ਵੀਡੀਓ ਅਮਰੀਕਾ 'ਚ ਕਾਨੂੰਨੀ ਹੈ ਅਤੇ ਉਸ ਪੋਸਟ ਦੇ ਹੇਠਾਂ ਅਸਲੀ ਵੀਡੀਓ ਵੀ ਸ਼ੇਅਰ ਕੀਤਾ ਹੈ।
