ನದಿಯ ತಟದಲ್ಲಿತ್ತು 100 ಅಡಿ ಉದ್ದದ ದೈತ್ಯ ಹಾವು, ಇಲ್ಲಿದೆ ಎದೆ ಝಲ್ಲೆನಿಸುವ ವಿಡಿಯೋ

ನವದೆಹಲಿ : ಹಾವು ಎಂದರೆ ಸಾಕು ಎಂಥವರ ಎದೆ ಕೂಡಾ ನಡುಗಿಬಿಡುತ್ತದೆ. ಹಾವು ಸಣ್ಣದಾಗಿರಲಿ ದೊಡ್ಡದಾಗಿರಲಿ ಹಾವಿನ (Snake)  ಬಳಿ ಸುಳಿಯುವುದು ಯಾರಿಗೂ ಇಷ್ಟವಿರುವುದಿಲ್ಲ. ಅದರಲ್ಲೂ ದೈತ್ಯ ಹಾವು ಕಣ್ಣೆದುರಿಗೆ ಬಂದರೆ ? ಅಂಥಹ ಯೋಚನೆಯಿಂದಲೇ ಎದೆ ಝಲ್ಲೆನ್ನಿಸುತ್ತದೆ.   

ಈ ವಿಡಿಯೋ (Video) ನೆಟ್ಟಿಗರನ್ನು ಬೆಚ್ಚಿ ಬೀಳಿಸುವಂತಿದೆ. ಇಂಟರ್‌ನೆಟ್ ಲೋಕದಲ್ಲಿ ಯಾವ ವಿಡಿಯೋ ಯಾವಾಗ ವೈರಲ್ ಆಗಿ ಬಿಡುತ್ತದೆ ಹೇಳಲು ಸಾಧ್ಯವಿಲ್ಲ. ಕೆಲವು ವಿಡಿಯೋಗಳು ಮನಸ್ಸಿಗೆ ಮುದ ನೀಡುತ್ತವೆ. ಇನ್ನು ಕೆಲವು ಆಘಾತವನ್ನು ಉಂಟು ಮಾಡುತ್ತವೆ. ಕೆಲವು ವಿಡಿಯೋ ಪರಮ ಅಚ್ಚರಿಯನ್ನು ಮೂಡಿಸುತ್ತದೆ. ಅಂಥದ್ದೇ ಒಂದು ವಿಡಿಯೋ ಇಲ್ಲಿ ವೈರಲ್ ಆಗಿದೆ. ಈ ವಿಡಿಯೋದಲ್ಲಿ (Viral video) ಅನಕೊಂಡಾವನ್ನು ಹೋಲುವ ಹೆಬ್ಬಾವನ್ನು ಕಾಣಬಹುದು.  ನದಿಯ ದಡದಲ್ಲಿ ಮಲಗಿರುವ ಬೃಹತ್ ದೈತ್ಯ ಹೆಬ್ಬಾವು ಇಲ್ಲಿ ಕಾಣ ಸಿಗುತ್ತದೆ. ಕೆಲ ಸೆಕೆಂಡುಗಳ ಈ ವಿಡಿಯೋವನ್ನು ಸಾವಿರಾರು ಮಂದಿ ವೀಕ್ಷಿಸಿದ್ದಾರೆ. ನೆಟ್ಟಿಗರು ಕೂಡ ಈ ವಿಡಿಯೋಗೆ ಭಾರೀ ಕಮೆಂಟ್ ಮಾಡುತ್ತಿದ್ದಾರೆ.

ಇದನ್ನೂ ಓದಿ : Viral Video: ಮಹಿಳೆಗೆ ಅಮಾನುಷವಾಗಿ ಥಳಿಸಿದ ವಿಡಿಯೋ ವೈರಲ್, ಆಪ್ ಶಾಸಕಿ ವಿರುದ್ಧ ಆರೋಪ

100 ಅಡಿ ಉದ್ದದ  ಈ ಹಾವು ಕಾಡಿನಲ್ಲಿ ನದಿಯ ದಡದಲ್ಲಿ ಮಲಗಿರುವ ವಿಡಿಯೋ ವೈರಲ್ (Snake viral video) ಆಗಿದೆ.  ಇಷ್ಟೊಂದು ದೈತ್ಯಾಕಾರದ ಹಾವನ್ನು ನೋಡಿದರೆ ಕೈ ಕಾಲು ನಡುಗಿ ಬಿಡುತ್ತದೆ.  ಹಲವಾರು ಟನ್ ತೂಕದ ಈ  ಹಾವು ನದಿಯ ದಡದಲ್ಲಿ ಮಲಗಿರುವುದನ್ನು ಕಾಣಬಹುದು. ಈ ವೀಡಿಯೊ ಯಾವಾಗದ್ದು ಮತ್ತು ಎಲ್ಲಿಯದ್ದು ಎನ್ನುವುದು ಖಚಿತವಾಗಿಲ್ಲ. ಆದರೆ ಇದು ಅಮೆಜಾನ್ ಕಾಡು ಎಂದು ನೆಟ್ಟಿಗರು  ಹೇಳುತ್ತಿದ್ದಾರೆ. ಈ ವಿಡಿಯೋ ನೋಡಿ ಹಲವರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.