ನವದೆಹಲಿ : ನೀವು ಶಾಪಿಂಗ್ ಮಾಲ್‌ಗೆ ಅಥವಾ ಐಸ್ ಕ್ರೀಮ್ ಪಾರ್ಲರ್‌ಗೆ ಹೋಗಿದ್ದರೆ, ಐಸ್‌ಕ್ರೀಂ ವ್ಯಕ್ತಿ ಪ್ರಾಂಕ್ ಮಾಡುತ್ತಾ ಜನರಿಗೆ ಐಸ್ ಕ್ರೀಂ ನೀಡಲು ಸತಾಯಿಸುವುದನ್ನು ನೋಡಿರಬಹುದು. ಐಸ್ ಕ್ರೀಂ ತರಲು ಹೋದಾಗ ಒಂದೇ ಬಾರಿಗೆ ಐಸ್ ಕ್ರೀಂ ಕೊಡದೆ ಮೋಜು ಮಸ್ತಿ ಮಾಡುತ್ತಲೇ ಇರುತ್ತಾರೆ. ಇಲ್ಲಿ ಪುಟ್ಟ ಹುಡುಗಿಯ ಜೊತೆಗೆ ಐಸ್ ಕ್ರೀಂ ನೀಡುವ ವ್ಯಕ್ತಿ ಹೀಗೆ ಆಟ ಆಡಿದ್ದಾನೆ. ಆದರೆ ಈ ಪುಟ್ಟ ಹುಡುಗಿ ವ್ಯಕ್ತಿಗೆ ಅರಿಯದ ಪಾಠವನ್ನೇ ಕಲಿಸಿದ್ದಾಳೆ.
ಈ ವಿಡಿಯೋದಲ್ಲಿ (Viral video) ಐಸ್ ಕ್ರೀಮ್ ಮ್ಯಾನ್ ಪುಟ್ಟ ಹುಡುಗಿಗೆ ಐಸ್ ಕ್ರೀಂ ನೀಡದೇ ಆಟ ಆಡಿಸುತ್ತಾನೆ. ಎಲ್ಲಾ ಗ್ರಾಹಕರಂತೆ ಈ ಹುಡುಗಿಯ ಜೊತೆಗೆ ಕೂಡಾ ಐಸ್ ಕ್ರೀಂ ಮಾರುವ ವ್ಯಕ್ತಿ ಪ್ರಾಂಕ್ ಮಾಡಲು ಶುರು ಮಾಡುತ್ತಾನೆ. ಆದರೆ ಈ ಪುಟ್ಟ ಹುಡುಗಿ ಐಸ್ ಕ್ರೀಂ (Ice cream video) ಮಾರುವವನ ಈ ನಡೆ ತನ್ನ ಮೇಲೆ ಯಾವ ಪರಿಣಾಮವೂ ಬೀರೇ ಇಲ್ಲ ಎನ್ನುವ ಹಾಗೆ ತನ್ನ ಅಪಾದಿಗೆ ಕುಣಿಯಲು ಆರಂಭಿಸುತ್ತಾಳೆ. ಹುಡುಗಿಯ ವರ್ತನೆ ಕಂಡು ಐಸ್ ಕ್ರೀಂ ಮಾರುವ ವ್ಯಕ್ತಿ ಕಕ್ಕಾಬಿಕ್ಕಿ. ಹುಡುಗಿಯ ಈ ವಿಡಿಯೋ ಸಾಮಾಜಿಕ ಜಾಲ ತಾಣದಲ್ಲಿ (Social media) ಭಾರೀ ವೈರಲ್ ಆಗುತ್ತಿದೆ. ಹುಡುಗಿ ತಾನು ಯಾರಿಗೂ ಕಡಿಮೆ ಇಲ್ಲ ಎನ್ನುವಂತೆ ಐಸ್ ಕ್ರೀಮ್ ವ್ಯಕ್ತಿಗೆ ಪಾಠ ಕಲಿಸುತ್ತಾಳೆ. ವೈರಲ್ ಆಗಿರುವ ವೀಡಿಯೊವನ್ನು ಶಾಪಿಂಗ್ ಮಾಲ್‌ನಲ್ಲಿ ಚಿತ್ರೀಕರಿಸಲಾಗಿದೆ.
ಇದನ್ನೂ ಓದಿ : Viral Video: ಹಾವು - ಹಲ್ಲಿಯ ಈ ಕಾಳಗದಲ್ಲಿ ಗೆಲ್ಲುವವರು ಯಾರು? ರೋಮಾಂಚನಕಾರಿ ವಿಡಿಯೋ ಇಲ್ಲಿದೆ
ಅಂಗಡಿಯವನು ಐಸ್ ಕ್ರೀಂ ಕೊಡುವ ಬದಲು ಟರ್ಕಿಶ್ ಶೈಲಿಯಲ್ಲಿ ಜಗ್ಲಿಂಗ್ ಮಾಡಲು ಪ್ರಾರಂಭಿಸುವುದನ್ನು ವಿಡಿಯೋದಲ್ಲಿ ಕಾಣಬಹುದು. ಅಷ್ಟರಲ್ಲಿ ಐಸ್ ಕ್ರೀಮ್ ಮ್ಯಾನ್ ಗೆ ಪಾಠ ಕಲಿಸಲು ನಿರ್ಧರಿಸಿದ ಹುಡುಗಿ ಐಸ್ ಕ್ರೀಂನಿಂದ ತನ್ನ ಗಮನವನ್ನು ಬೇರೆಡೆ ಹರಿಸುತ್ತಾಳೆ. ಅಲ್ಲಿ ನುಡಿಸುವ ಸಂಗೀತಕ್ಕೆ ನೃತ್ಯ (baby dance video) ಮಾಡಲು ಪ್ರಾರಂಭಿಸುತ್ತಾಳೆ.
और परेशान करो बच्चे को. pic.twitter.com/a394mquc8o
— Awanish Sharan (@AwanishSharan) November 26, 2021
ಇದಾದ ನಂತರ ಐಸ್ ಕ್ರೀಂ ವ್ಯಕ್ತಿ ಕೂಡ ಅಂಗಡಿ ಬಿಟ್ಟು ಹೊರಗೆ ಬಂದು ಹುಡುಗಿಯ ಜೊತೆ ಡ್ಯಾನ್ಸ್ ಮಾಡ್ತಾನೆ. ಈ ಮುದ್ದಾದ ವಿಡಿಯೋವನ್ನು ಐಎಎಸ್ ಅಧಿಕಾರಿ ಅವ್ನಿಶ್ ಶರಣ್ ಟ್ವಿಟರ್‌ನಲ್ಲಿ (Twitter) ಹಂಚಿಕೊಂಡಿದ್ದಾರೆ. ಈ ವಿಡಿಯೋಗೆ ಇದುವರೆಗೆ 1 ಲಕ್ಷ 80 ಸಾವಿರಕ್ಕೂ ಹೆಚ್ಚು ವೀಕ್ಷಣೆ ಸಿಕ್ಕಿದೆ. ಹುಡುಗಿಯ ಈ ಶೈಲಿಯನ್ನು ಜನರು ತುಂಬಾ ಇಷ್ಟಪಡುತ್ತಾರೆ.
ಇದನ್ನೂ ಓದಿ : ತಂದೆಯ ಕುಡಿತದ ಚಟದಿಂದ ಬೇಸತ್ತ ಕಂದಮ್ಮ, ಕಣ್ಣೀರಿಡುತ್ತಾ ನೀಡುತ್ತಿದೆ ದೂರು ಇಲ್ಲಿದೆ ವಿಡಿಯೋ
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ
