IPL 2020 KKR vs RR: ಗೆಲುವಿನ ನಂತರ ಮಹತ್ವದ ವಿಷಯ ಹಂಚಿಕೊಂಡ ದಿನೇಶ್ ಕಾರ್ತಿಕ್

ದುಬೈ: ದುಬೈ ಅಂತರರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಬುಧವಾರ ರಾಜಸ್ಥಾನ್ ರಾಯಲ್ಸ್ (Rajasthan Royals) ಅವರನ್ನು ಸೋಲಿಸಿ ಕೋಲ್ಕತಾ ನೈಟ್ ರೈಡರ್ಸ್ (Kolkata Knight Riders) ತಮ್ಮ ಎರಡನೇ ಗೆಲುವು ದಾಖಲಿಸಿರಬಹುದು, ಆದರೆ ತಂಡದ ಸಾಧನೆ ಸುಧಾರಿಸಿದೆ ಎಂದು ತಂಡದ ನಾಯಕ ದಿನೇಶ್ ಕಾರ್ತಿಕ್ ಹೇಳಿದ್ದಾರೆ. 

ದುಬೈ ಅಂತರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆದ ಐಪಿಎಲ್ (IPL 2020) ಟೂರ್ನಿಯ 12ನೇ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಕೋಲ್ಕತಾ ನೈಟ್ ರೈಡರ್ಸ್ ತಂಡ 20 ಓವರ್‌ಗಳಲ್ಲಿ 6 ವಿಕೆಟ್ ಕಳೆದುಕೊಂಡು 174 ರನ್ ಗಳಿಸಿತು. ಈ ಪಂದ್ಯವನ್ನು ರಾಜಸ್ಥಾನ್ ರಾಯಲ್ಸ್ ತಂಡ 37 ರನ್‌ಗಳಿಂದ ಕಳೆದುಕೊಂಡಿತು.

ಪಂದ್ಯದ ನಂತರ ಮಾತನಾಡಿದ ದಿನೇಶ್ ಕಾರ್ತಿಕ್ (Dinesh Karthik), 'ನಾನು ಈ ಗೆಲುವನ್ನು ಪರಿಪೂರ್ಣ ಎಂದು ಕರೆಯುವುದಿಲ್ಲ. ನಾವು ಸುಧಾರಿಸಬೇಕಾದ ಹಲವು ಸ್ಥಳಗಳಿವೆ. ಇದು ಉತ್ತಮ ಪಂದ್ಯವಾಗಿತ್ತು. ಅನೇಕ ವಿಷಯಗಳು ನನಗೆ ತೃಪ್ತಿಯನ್ನು ನೀಡಿತು ಎನ್ನುತ್ತಾ ಕಾರ್ತಿಕ್ ತಂಡದ ಯುವ ಆಟಗಾರರನ್ನು ಹೊಗಳಿದರು. ಇದೇ ಸಂದರ್ಭದಲ್ಲಿ ದಿನೇಶ್ ಶುಬ್ಮನ್ ಗಿಲ್ ಅವರ ಅದ್ಭುತ ಬ್ಯಾಟಿಂಗ್ ಬಗ್ಗೆ ತುಂಬಾ ಸಂತೋಷಪಟ್ಟರು ಮತ್ತು ತಂಡದ ಬಿಗಿಯಾದ ಫೀಲ್ಡಿಂಗ್ ಬಗ್ಗೆ ತೃಪ್ತರಾಗಿರುವುದಾಗಿ ತಿಳಿಸಿದರು.

ಶುಬ್ಮನ್ ಗಿಲ್ ಪ್ರಾರಂಭಿಸಿದ ರೀತಿ ನನಗೆ ಇಷ್ಟವಾಯಿತು. ಆಂಡ್ರೆ ರಸ್ಸೆಲ್ ಮತ್ತು ಇಯೊನ್ ಮೋರ್ಗಾನ್ ಆಡಿದ ರೀತಿಯಿಂದಲೂ ನನಗೆ ಸಂತೋಷವಾಗಿದೆ. ಒಳ್ಳೆಯದು ಏನೆಂದರೆ ಯುವ ಆಟಗಾರರು ಎಷ್ಟೇ ಎತ್ತರವಾಗಿದ್ದರೂ ಕ್ಯಾಚ್‌ಗೆ ಹೋಗುತ್ತಿದ್ದರು. ಇದು ಸಾಕಷ್ಟು ವಿಶೇಷವಾಗಿದೆ. ಅವರು ಇಲ್ಲಿಗೆ ಬಂದು ಅವರ ಆಟವನ್ನು ಆಡುವುದು ಅದ್ಭುತವಾಗಿದೆ ಎಂದು ದಿನೇಶ್ ಕಾರ್ತಿಕ್ ಪಂದ್ಯದ ಬಗ್ಗೆ ತಮ್ಮ ಮನದಾಳದ ಮಾತುಗಳನ್ನು ಹಂಚಿಕೊಂಡಿದ್ದಾರೆ.