Guru Vakri 2022: 12 വർഷത്തിന് ശേഷം വ്യാഴം വക്രഗതിയിൽ; നവംബർ 24 വരെ ഈ രാശിക്കാരുടെ ബിസിനസിലും കരിയറിലും വൻ അഭിവൃദ്ധി!

Jupiter Vakri In Pisces: ഓരോ ഗ്രഹവും ഒരു നിശ്ചിത സമയത്ത് അതിന്റെ സ്ഥാനം മാറുന്നു. ഗ്രഹങ്ങളുടെ സ്ഥാനചലനം 12 രാശിക്കരുടെ ജീവിതത്തെയും ബാധിക്കും. ഇപ്പോഴിതാ 12 വർഷത്തിന് ശേഷം വ്യാഴം അതിന്റെ സ്വന്തം രാശിയായ മീനത്തിൽ വക്രഗതിയിൽ സഞ്ചരിക്കും. ഈ അവസ്ഥയിൽ നവംബർ 24 വരെ തുടരും. വ്യാഴത്തിന്റെ പ്രതിലോമഫലം എല്ലാ രാശിക്കാരുടെയും ജീവിതത്തെ ബാധിക്കുമെങ്കിലും ഈ 3 രാശികളിൽ അത് പ്രത്യേക സ്വാധീനം ചെലുത്തും. വ്യാഴത്തിന്റെ വക്രഗതി ഈ 3 രാശിക്കാർക്ക് ബിസിനസിലും കരിയറിലും സുവർണ്ണ നേട്ടം ഉണ്ടാക്കും. 

ഇടവം (Taurus): മീനരാശിയിൽ വ്യാഴം വക്രഗതിയിൽ നിൽക്കുന്നത് ഈ രാശിക്കാരുടെ നല്ല ദിവസങ്ങൾക്ക് തുടക്കമാകും. വ്യാഴം ഈ രാശിയിൽ നിന്ന് പതിനൊന്നാം സ്ഥാനത്തേക്ക് പിന്തിരിഞ്ഞുവെന്ന് നമുക്ക് പറയാം. ഇത് വരുമാനത്തിന്റെയും ലാഭത്തിന്റെയും സ്ഥലമായി കണക്കാക്കപ്പെടുന്നു. അതുകൊണ്ടുതന്നെ വ്യാഴത്തിന്റെ പിന്മാറ്റം അവരുടെ വരുമാനത്തിൽ വർദ്ധനവിന് സാധ്യതയുണ്ട്. പുതിയ മാധ്യമത്തിലൂടെ വരുമാനം ഉണ്ടാകും. ഈ കാലയളവിൽ ബിസിനസ്സിൽ നല്ല ലാഭത്തിന് സാധ്യതയുണ്ട്. പ്രധാനപ്പെട്ട ഏത് ഇടപാടിനും അന്തിമരൂപം നൽകാം. വാഹനങ്ങളും വസ്തുവകകളും വാങ്ങുന്നതിന് ഈ സമയം അനുയോജ്യമാണ്.

ഗുരു ഇടവം രാശിയുടെ എട്ടാം ഭാവത്തിന്റെ അധിപൻ ആണെന്നാണ് പറയപ്പെടുന്നത്. അതിനാൽ ഗവേഷണവുമായി ബന്ധപ്പെട്ട ആളുകൾക്ക് ഈ സമയം മികച്ചതായിരിക്കും. നിങ്ങൾക്ക് ഈ സമയം വിട്ടുമാറാത്ത രോഗങ്ങളിൽ നിന്നും മുക്തി നേടാം. ഓപൽ രത്നം ധരിക്കുന്നത് നല്ലതായിരിക്കും.

മിഥുനം (Gemini): ഈ രാശിക്കാർക്ക് ഈ കാലയളവിൽ ബിസിനസിലും കരിയറിലും പ്രതീക്ഷിച്ച വിജയം ലഭിക്കും. വ്യാഴം നിങ്ങളുടെ പത്താം ഭാവത്തിൽ വക്രഗതിയിൽ ചലിക്കുകയാണ്. ഇത് ജോലിയുടെയും ബിസിനസ്സിന്റെയും കാരകനായിട്ടാണ് കണക്കാക്കുന്നത്. ഈ കാലയളവിൽ ഒരു പുതിയ ജോലി ഓഫർ വന്നേക്കാം. സ്ഥാനക്കയറ്റത്തിനും ഇൻക്രിമെന്റിനും സാധ്യതയുണ്ട്. ബിസിനസ്സിൽ പുതിയ ഓർഡർ ലഭിക്കുന്നത് ലാഭം നൽകും. പുതിയ ബിസിനസ് ബന്ധങ്ങൾ ഉടലെടുക്കും. ബിസിനസ് വികസിക്കും, നല്ല ലാഭത്തിന് സാധ്യതയുണ്ട്. കോടതി വ്യവഹാരങ്ങളിൽ വിജയം ഉണ്ടാകും. മരതകം അണിയുന്നത് ഈ രാശിക്കാർക്ക് ഗുണം ചെയ്യും.

കർക്കടകം (Cancer): വ്യാഴത്തിന്റെ വക്രഗതി ഈ രാശിക്കാർക്ക് പെട്ടെന്നുള്ള ധനലാഭത്തിന് സാധ്യതയുണ്ടാക്കും. വ്യാഴം ഒമ്പതാം ഭാവത്തിലാണ് വക്രഗതിയിൽ സഞ്ചരിക്കുന്നത്. ഇത് ഭാഗ്യത്തിന്റെയും വിദേശ യാത്രയുടെയും സ്ഥലമായി കണക്കാക്കപ്പെടുന്നു. അതിനാൽ ഈ സമയത്ത് ഭാഗ്യത്തിന് പൂർണ്ണ പിന്തുണ ലഭിക്കും. മുടങ്ങിക്കിടക്കുന്ന ജോലിയിൽ നിങ്ങൾക്ക് വിജയം ലഭിക്കും. ബിസിനസ്സുമായി ബന്ധപ്പെട്ട് ചെറുതോ വലുതോ ആയ യാത്രകൾക്ക് സാധ്യത. ഈ യാത്ര നിങ്ങൾക്ക് പ്രയോജനകരമാകും. വിദേശ രാജ്യങ്ങളുമായി ബന്ധപ്പെട്ട ബിസിനസ്സുള്ളവർക്കും ഈ സമയം അനുകൂലമാണ്.

കർക്കടക രാശിക്കാരുടെ ആറാം ഭാവത്തിന്റെ അധിപൻ വ്യാഴമാണെന്നാണ് പറയപ്പെടുന്നത്. ഇത് രോഗത്തിന്റെയും കോടതിയുടെയും ശത്രുവിന്റെയും കാരകനായി കണക്കാക്കപ്പെടുന്നു. മീനരാശിയിൽ വ്യാഴം പിന്നോക്കം നിൽക്കുന്നതിനാൽ ധൈര്യവും ശക്തിയും വർദ്ധിക്കും. രഹസ്യ ശത്രുക്കളെ കീഴടക്കുന്നതിൽ വിജയിക്കും. ഇതോടൊപ്പം, നിങ്ങളുടെ രാശിയുടെ അധിപനായ ചന്ദ്രനുമായുള്ള സൗഹൃദം കാരണം ഈ സമയം നിങ്ങൾക്ക് ശുഭകരമാണെന്ന് തെളിയും.

(Disclaimer: ഇവിടെ നൽകിയിരിക്കുന്ന വിവരങ്ങൾ പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്)

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy