Kitchen Vastu Tips: അടുക്കളയിൽ വരുത്തുന്ന ഈ തെറ്റുകൾ കുടുംബാംഗങ്ങൾക്ക് ദോഷം ചെയ്യും; ശ്രദ്ധിക്കുക!

ഹിന്ദു മതത്തിൽ വാസ്തുശാസ്ത്രത്തിന് വലിയ പ്രാധാന്യമുണ്ട്. വീട്ടിൽ വാസ്തുശാസ്ത്രം പാലിക്കേണ്ടത് വളരെ പ്രധാനമാണ്. അല്ലാത്തപക്ഷം, നിങ്ങൾക്ക് ദോഷഫലങ്ങൾ അനുഭവിക്കേണ്ടി വരും. അടുക്കള വീട്ടിലെ പ്രധാനഭാ​ഗമാണ്. ഇവിടെ വാസ്തുശാസ്ത്രം പാലിക്കേണ്ടത് വളരെ പ്രധാനപ്പെട്ട കാര്യമായി കണക്കാക്കുന്നു.

അടുക്കളയിൽ വാസ്തുശാസ്ത്രത്തിന് വിരുദ്ധമായി എന്തെങ്കിലും പ്രശ്നം ഉണ്ടെങ്കിൽ അത് കുടുംബാം​ഗങ്ങൾക്ക് ദോഷഫലം ഉണ്ടാക്കും. അടുക്കളയുമായി ബന്ധപ്പെട്ട് പാലിക്കേണ്ട ചില വാസ്തു നിയമങ്ങൾ എന്തെല്ലാമാണെന്നും ഇവയിൽ വരുത്തുന്ന തെറ്റുകൾ നിങ്ങളുടെ കുടുംബത്തിൽ എന്തെല്ലാം ദോഷങ്ങൾ വരുത്തുമെന്നും അറിയാം.

വാസ്തുശാസ്ത്ര നിയമപ്രകാരം അടുക്കള വീടിന്റെ വടക്കുപടിഞ്ഞാറ് ദിശയിൽ ആയിരിക്കണം. അബദ്ധത്തിൽ പോലും വീടിന്റെ തെക്ക് ദിശയിൽ അടുക്കള നിർമിക്കരുത്. ഇത്തരത്തിൽ സംഭവിച്ചാൽ വലിയ പ്രശ്നങ്ങൾ നേരിടേണ്ടി വരും. അടുക്കളയിലെ പ്രധാനപ്പെട്ട ഒന്നാണ് ​ഗ്യാസ് സ്റ്റൗ. ഇത് എപ്പോഴും വൃത്തിയായി സൂക്ഷിക്കണം. ​ഗ്യാസ് സ്റ്റൗവിന്റെ വലത് വശത്താണ് സൂക്ഷിക്കേണ്ടത്.

അടുക്കളയിലെ സിങ്കിന്റെ അടിയിൽ ഒരിക്കലും ചവറ്റുകുട്ട സൂക്ഷിക്കരുത്. ചവറ്റുകുട്ട എപ്പോഴും അടച്ച് സൂക്ഷിക്കണം. കാരണം, മാലിന്യം അടുക്കളയിൽ തുറന്നിരിക്കുന്നതും ഇത് കാണുന്നതും അശുഭമായാണ് കണക്കാക്കുന്നത്. ഇത് വീട്ടിൽ നെ​ഗറ്റീവ് ഊർജം ഉണ്ടാകാൻ കാരണമാകും. അതുപോലെ, അത്താഴം കഴിച്ചതിന് ശേഷമുള്ള എച്ചിൽ പാത്രങ്ങൾ സിങ്കിൽ സൂക്ഷിക്കരുത്.

ഇത് കുടുംബത്തിൽ പല ദോഷങ്ങളും വരാൻ കാരണമാകും. പാത്രങ്ങൾ എപ്പോഴും കഴുകി സൂക്ഷിക്കുന്നതാണ് ഉത്തമം. അടുക്കളയിൽ ദൈവങ്ങളുടെ ചിത്രങ്ങളോ വി​ഗ്രഹങ്ങളോ വയ്ക്കരുത്. മരുന്നുകൾ അടുക്കളയിൽ സൂക്ഷിക്കരുത്. മരുന്നുകൾ അടുക്കളയിൽ സൂക്ഷിക്കുന്നത് വാസ്തുശാസ്ത്രം അനുസരിച്ച് ചികിത്സ ഫലിക്കാതിരിക്കാൻ കാരണമാകുമെന്നാണ് പറയുന്നത്.