Petrol Diesel Price Hike: രാജ്യത്ത് ഇന്ധന വില ഇന്നും പതിവ് പോലെ വർധിച്ചു (Fuel Price Hiked). പെട്രോള്‍ ലിറ്ററിന് 87 പൈസയും ഡീസല്‍ ലിറ്ററിന് 84 പൈസയുമാണ് വർധിച്ചിരിക്കുന്നത്.  കഴിഞ്ഞ ദിവസവും രാജ്യത്ത് ഇന്ധന വില വര്‍ധിച്ചിരുന്നു. പെട്രോളിനും ഡീസലിനും 42 പൈസയാണ് ഇന്നലെ വർധിച്ചത്. പതിനൊന്നു ദിവസത്തിനിടെ പെട്രോളിന് 10.02 പൈസയും ഡീസലിന് 9.41 പൈസയുമാണ് വർധിച്ചത്.


COMMERCIAL BREAK
SCROLL TO CONTINUE READING

Also Read: Petrol Diesel Price Hike: ഇന്ധനവിലയിൽ കുതിപ്പ് തുടരുന്നു; നട്ടം തിരിഞ്ഞ് പമ്പുടമകളും


കഴിഞ്ഞ 15 ദിവസ്സത്തിനിടെ 13 ദിവസം പെട്രോൾ ഡീസലിന്റെ വില വർധിപ്പിച്ചു (Fuel Price Hiked). പുതുക്കിയ നിരക്ക് പ്രകാരം തിരുവനന്തപുരത്ത് പെട്രോൾ ലിറ്ററിന് 116.32 രൂപയും ഡീസലിന് 103.13 രൂപയുമാണ്. കൊച്ചിയിൽ പെട്രോളിന് 114.33 രൂപയും ഡീസലിന് 101.24 രൂപയുമാണ്. ഇതിനിടയിൽ സംസ്ഥാനത്തെ പെട്രോൾ ഡീസൽ നികുതി കുറയ്ക്കാനാകില്ലെന്ന് ധനമന്ത്രി കെ എൻ ബാലഗോപാൽ പറഞ്ഞു. 


നീണ്ട ഇടവേളയ്ക്ക് ശേഷം പെട്രോളിന്റെയും ഡീസലിന്റെയും വില ഓരോ ദിവസവും ഉയരുകയാണ്. ഇങ്ങനെ ഇന്ധനവില ദിനംപ്രതി കുതിക്കുന്നത് രാജ്യത്തെ നിത്യോപയോഗ സാധനങ്ങളുടെയും പൊതുഗതാഗത സംവിധാനങ്ങളുടെയും വിലയും നിരക്കുകളും വർധിക്കാൻ കാരണമായേക്കും.  137 ദിവസത്തെ ഇടവേളയ്ക്ക് ശേഷം ആരംഭിച്ച ഇന്ധന വില വർധനവ് തുടർച്ചയായി വർധിക്കുകയാണ്.


Also Read: Viral Video: കളി തവളയോട്.. വിഴുങ്ങാൻ ശ്രമിച്ച പാമ്പിന്റെ വായിൽ നിന്നും തന്ത്രപരമായി രക്ഷപ്പെട്ടു..!


അഞ്ച് സംസ്ഥാനങ്ങളിലെ തിരഞ്ഞെടുപ്പിനെത്തുടർന്ന് കഴിഞ്ഞ നാല് മാസമായി ഇന്ധന വില വർധിപ്പിച്ചിരുന്നില്ല. ഫല പ്രഖ്യാപനത്തിന് പിന്നാലെ ഇന്ധന വില കുത്തനെ ഉയരുമെന്ന് റിപ്പോർട്ടുകളുണ്ടായിരുന്നെങ്കിലും ഒരാഴ്ച കഴിഞ്ഞതോടെയാണ് എണ്ണക്കമ്പനികൾ വില വർധിപ്പിച്ച് തുടങ്ങിയത്. വരും ദിവസങ്ങളിലും ഇന്ധന വിലയിൽ ഇനിയും വർധനവ് ഉണ്ടാകും എന്നാണ് റിപ്പോർട്ട്.  


തിരഞ്ഞെടുപ്പിന് മുൻപ് അവസാനമായി ഇന്ധന വിലയിൽ മാറ്റം വന്നപ്പോഴുള്ള ക്രൂഡ് ഓയിലിന്റെ വില 82 ഡോളറിനരികെയായിരുന്നുവെങ്കിൽ ഇപ്പോള്‍ ഇതിന്റെ വില 120 ഡോളറിന് അരികിലാണ് വില. അതുകൊണ്ടുതന്നെ വില ഇനിയും ഉയർന്നേക്കും. ഇന്ത്യൻ ഓയിൽ കോർപറേഷൻ, ബിപിസിഎൽ, എച്ച്പിസിഎൽ തുടങ്ങിയ കമ്പനികൾക്ക് 2.25 ബില്യൺ ഡോളറിന്റെ നഷ്ടമാണ് ഉണ്ടായത്. അതായത് 19000 കോടി ഇന്ത്യൻ രൂപ.


Also Read: 7th Pay Commission: കേന്ദ്ര ജീവനക്കാർക്ക് വീണ്ടും സന്തോഷവാർത്ത! ഡിഎയ്ക്ക് ശേഷം ഇനി വർധിക്കാം HRA


രാജ്യ തലസ്ഥാനമായ ഡൽഹിയിൽ പെട്രോളിനും ഡീസലിനും 80 പൈസ വീതം വർധിച്ചിട്ടുണ്ട്.  ഇതോടെ ഇവിടെ പെട്രോളിന്റെ വില 104.61 രൂപയും ഡീസലിന്റെ വില 95.87 രൂപയുമാണ്. ഇന്ത്യയുടെ സാമ്പത്തിക തലസ്ഥാനമായ മുംബൈയിൽ പെട്രോൾ, ഡീസൽ വില യഥാക്രമം 84, 85 പൈസ വർധിച്ച് 119.67 രൂപയും 103.92 രൂപയുമായിട്ടുണ്ട്. 


ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക