Crime: കരാട്ടെ മാസ്റ്ററിന് നേരെ അയൽവാസിയുടെ മർദ്ദനം

കരാട്ടെ മാസ്റ്ററിന് നേരെ അയൽവാസിയുടെ മർദനം. കാട്ടാക്കട തൂങ്ങാംപാറ മാവുവിളക്ക്  സമീപം താമസിക്കുന്ന 40 വയസുള്ള കരാട്ടെ അദ്ധ്യാപകൻ ജോസിനാണ് മർദ്ദനം ഏറ്റത്. അടുത്ത വീട്ടിൽ വാടകയ്ക്ക് താമസിക്കുന്ന മുകേഷ് എന്നയാളാണ് മർദ്ദിച്ചത്.  ഇന്നലെ വൈകുന്നേരം 6 മണിയേടെയാണ് സംഭവം.

കുട്ടികളെ കരാട്ടെ ക്ലാസ്സ് എടുത്തു കൊണ്ടിരിക്കുന്നനിടെയാണ് സംഭവം നടന്നത്. മദ്യലഹരിയിൽ ആയിരുന്നു അക്രമം എന്നാണ് പറയുന്നത്. മദ്യപിച്ചുകൊണ്ട് വീട്ടിനു സമീപം എത്തി വീട്ടിൽ അച്ഛൻ ഇല്ലേ എന്ന് അന്വേഷിക്കുകയും  അസഭ്യം പറയുകയും ചെയ്തു. തുടർന്ന് സമീപമുള്ള ക്ലാസ് റൂമിൽ കടന്നു കയറി കരാട്ടെ ജോസിനെ അടിച്ചു'. ഇത് കണ്ട് കുട്ടികൾ പേടിച്ച് വിളിക്കുകയും പേടിച്ച് പുറത്തോട്ട് ഓടുകയും ചെയ്തു. 

ഈ സമയത്താണ് ജോസിന് മർദ്ദനമേറ്റത്. കയ്യിൽ ഇരുമ്പ് വളപോലെ എന്തോ ആയുധം വച്ച് ഇടിച്ചെന്നാണ് ജോസ് പറയുന്നത്. പരിക്കേറ്റ ജോസ് കാട്ടാക്കട ഗവൺമെന്റെ ആശുപത്രിയിൽ ചികിത്സ തേടി. തുടർന്ന്  ഹോസ്പിറ്റലിൽ നിന്ന് കണ്ണാശുപത്രിയിലോട്ട് റഫർ ചെയ്തിട്ടുണ്ട് കാട്ടാക്കട പോലീസ് സ്റ്റേഷനിൽ  പരാതി നൽകി.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy